Coleg Llandrillo a Betsi Cadwaladr yn cynnal digwyddiad dathlu ar gyfer rhaglen Addysg Uwch Ymarfer Gofal Iechyd

Yn cyflwyno i'r myfyrwyr roedd Jo Whitehead, Prif Swyddog Gweithredol yn Betsi Cadwaladr ac Angela Wood, Cyfarwyddwr Gweithredol Nyrsio a Bydwreigiaeth ar gyfer Betsi Cadwaladr.

Cwblhaodd y gweithwyr cymorth gofal iechyd Dystysgrif Addysg Uwch Lefel 4 mewn Arferion Gofal Iechyd ar ôl blwyddyn o ddod i Goleg Llandrillo un diwrnod yr wythnos, dros un flwyddyn gyda chefnogaeth eu cyflogwr gofal iechyd.

Y digwyddiad dathlu oedd y digwyddiad cyntaf mewn 3 blynedd ers Tachwedd 2019, oherwydd y pandemig Covid. Astudiodd yr holl raddedigion llwyddiannus yn ystod y pandemig gan weithio yr un pryd mewn lleoliadau gofal iechyd gan wneud eu cyflawniadau hyd yn oed yn fwy trawiadol.

Mae'r rhaglen yn datblygu lefelau gwybodaeth a sgiliau sy'n golygu y gall gweithwyr cefnogi gofal iechyd wneud cais am rolau amrywiol ac ychwanegu at eu cyfrifoldebau. Mae hefyd yn golygu y gallant gyflawni dyletswyddau lefel uwch yn eu swyddi ac ymateb i anghenion y bwrdd iechyd o ran gweithlu. Mae'r cwrs dwys yn cynnwys asesiad academaidd yn y coleg ac asesiad yn y gweithle gan staff clinigol GIG.

Datblygodd y rhaglen drwy bartneriaeth strategol cryf ac ymrwymedig rhwng Coleg Llandrillo, Betsi Cadwaladr a Phrifysgol Bangor, ac mae'n darparu'r potensial ar gyfer dilyniant yn uniongyrchol i ail flwyddyn y rhaglenni Bagloriaeth Nyrsio (BN) gyda'r darparwyr i'r brifysgol yn ardal Gogledd Cymru a thu hwnt. Dechreuodd y cwrs yn 2013 gyda 12 myfyriwr ac mae'r niferoedd wedi cynyddu o flwyddyn i flwyddyn ers hynny. Bydd dros 100 o weithwyr cymorth gofal iechyd sydd wedi eu secondio yn cael eu cofrestru yn ystod y flwyddyn Academaidd 2022-23.

Dywedodd Angela Wood, "Roedd yn anrhydedd i fynychu a dathlu'r diwrnod gyda'r myfyrwyr a'u gwesteion. Roedd y diwrnod yn cofnodi cwblhau siwrne o waith caled ac ymrwymiad gan y myfyrwyr y ogystal â'r bartneriaeth lwyddiannus rhwng Grŵp Llandrillo Menai, Prifysgol Bangor a'r Bwrdd Iechyd. Roeddwn yn falch iawn i gyd-gyflwyno'r tystysgrifau a hoffwn ddymuno i'r gweithwyr Cymorth Gofal Iechyd yrfa sy'n rhoi boddhad mewn gofal iechyd."


Derbyniodd y rhaglen gefnogaeth gan Lywodraeth Cymru (drwy Addysg a Gwella Iechyd Cymru) ac oherwydd hynny mae modd i'r rhai sy'n cwblhau'r rhaglen yn llwyddiannus wneud cais i ddilyn cyrsiau BN rhan amser, i astudio i ddod yn ymarferwyr Nyrsio wedi eu cymhwyso'n llawn, a chadw eu swyddi cymorth gofal iechyd gyda'r bwrdd iechyd. Canlyniad hyn i gyd yw bod llwybr gyrfa gwirioneddol ar gael yng Ngogledd Cymru ar gyfer y rhai sydd eisiau symud ymlaen o waith cymorth gofal iechyd i gymwysterau clinigol llawn mewn Nyrsio.

Dywedodd Dr Paul Bevan, Uwch Gyfarwyddwr yn Grŵp Llandrillo Menai "Bu gweld cynifer o ymarferwyr mor llawn cymhelliant a phroffesiynol yn croesi'r llwyfan i'w cydnabod am eu cyflawniadau yn bleser pur. Mae eu llwyddiant yn destament i'r cyd weithio agos rhwng tîm academaidd Coleg Llandrillo a Bwrdd Iechyd Prifysgol Betsi Cadwaladr, ac mae eu llwyddiant yn adlewyrchiad o bartneriaethau cydweithredol sydd yn greiddiol i'n ffordd o weithio gyda chyflogwyr yn Grwp Llandrillo Menai.

Ymhlith y rhai oedd yn bresennol yn y digwyddiad oedd y myfyrwyr oedd wedi cyflawni a mentoriaid man gwaith ochr yn ochr gydag uwch arweinwyr yn y bwrdd iechyd, Addysg Iechyd a Gwelliant Cymru a staff o’r bwrdd iechyd, y brifysgol a’r coleg oedd yn gysylltiedig gyda'r rhaglen.

Roedd cyflwynwyr yn cynnwys Jo Whitehead, Angela Wood, Dr Paul Bevan a'r graddedigion Tystysgrif Lefel 4 Addysg Uwch mewn Arferion Gofal Iechyd Kayne Barber a Linda Brown.

I gael rhagor o wybodaeth am y cyrsiau Addysg Uwch sydd ar gael yng Ngrŵp Llandrillo Menai cliciwch yma.