Cyflogwyr
Yma yng Ngrŵp Llandrillo Menai, rydym yn helpu busnesau i gryfhau drwy ddatblygu sgiliau, cefnogi recriwtio, a darparu hyfforddiant wedi'i deilwra. P'un a ydych chi'n fasnachwr unigol, neu'n gyflogwr sy'n uwchsgilio'ch tîm presennol, yn recriwtio talent newydd, neu'n archwilio prentisiaethau, rydym yma i gefnogi eich sefydliad bob cam o'r ffordd.
Sut Rydym yn Cefnogi Cyflogwyr a Pherchnogion Busnesau
Rydym yn darparu hyfforddiant sy’n canolbwyntio ar gyflogwyr yn ein tri choleg, Coleg Llandrillo, Coleg Menai, a Choleg Meirion-Dwyfor, ac yn ein canolfannau arbenigol yn Llanelwy, Bangor, Llangefni a Glynllifon, gan gynnig amrywiaeth eang o ddewisiadau hyblyg:
- Cyrsiau byr a micro-ddysgu i ddiwallu anghenion hyfforddi uniongyrchol
- Datblygiad proffesiynol rhan-amser wedi'i deilwra o amgylch ymrwymiadau gwaith
- Rhaglenni ar bob lefel, o gyrsiau cyflwyno hyd at gymwysterau lefel gradd
- Prentisiaethau a hyfforddiant seiliedig ar waith i adeiladu gweithlu'r dyfodol
P'un a ydych chi'n fusnes bach neu'n sefydliad mawr, rydym yn darparu'r sgiliau, yr arbenigedd a'r gefnogaeth i'ch helpu i ffynnu mewn byd cystadleuol.
Prentisiaethau
Fframwaith o gymwysterau ydy prentisiaeth, sy'n cynnwys cymhwyster cenedlaethol cydnabyddedig, cymwysterau Sgiliau Hanfodol Cymru mewn llythrennedd, rhifedd, llythrennedd digidol a chyfathrebu, gwybodaeth ymarferol am ddiwydiant a sgiliau perthnasol i'r gweithle.
Cyrsiau byr
Rydym yn cynnig dewis helaeth o gyrsiau busnes a chyrsiau arbenigol byr, nad ydynt fel arfer yn para mwy na 5 diwrnod.
Micro-ddysgu
Darganfyddwch ffordd newydd o ddysgu gyda'n sesiynau hyfforddi micro-ddysgu - sesiynau effeithiol a gynlluniwyd ar gyfer busnesau a gweithwyr proffesiynol prysur ledled gogledd Cymru a'r gogledd orllewin.
Hyfforddiant rhan-amser
Rydym yn cynnig ystod eang o gyrsiau i gyflogwyr a pherchnogion busnes, yn cynnwys hyfforddiant perthnasol i'w diwydiant a chyrsiau ar gyfer datblygiad proffesiynol, a gallwch ddilyn y cyrsiau yn rhan-amser ochr yn ochr ag ymrwymiadau eich gweithle.
I archebu, cysylltwch â ni ar 08445 460 460 neu busnes@gllm.ac.uk. Gellir archebu a thalu am nifer o'n cyrsiau ar-lein.
Gwasanaethau Arbenigol
Cyngor a chefnogaeth arbenigol i'ch helpu i ddatblygu cynnyrch a gwasanaethau arloesol, o weithgynhyrchu i fwyd ac i ynni.
Ariannu
Mae gennym wahanol fathau o gyfleoedd cyllido i gefnogi cyflogwyr a gweithwyr i hyfforddi
Pam gweithio gyda ni
Yng Ngrŵp Llandrillo Menai, ein tîm Ymgysylltu â Chyflogwyr yw'r pwynt cyswllt cyntaf i fusnesau ledled Gogledd Cymru.
Cysylltwch â ni
Gall ein tîm o Ymgynghorwyr Datblygu Busnes ymroddedig eich cefnogi gyda'ch anghenion hyfforddi.
Sefydliadau rydym yn gweithio gyda nhw
Newyddion diweddaraf / Gweld holl newyddion
Cyhoeddi enillwyr Gwobrau Dysgu Seiliedig ar Waith Gogledd Cymru
Mae Busnes@LlandrilloMenai wedi dathlu Wythnos Genedlaethol Prentisiaethau drwy gydnabod cyflawniadau 18 o brentisiaid a chyflogwyr yn ystod Gwobrau Prentisiaethau Gogledd Cymru, a gynhaliwyd ar 4 Chwefror 2026 yn Venue Cymru.
Rhoi sylw i Brentis: McKenzie
Mae McKenzie yn brentis gyda chwmni RWE ac yn astudio yn y Gweithdy Tyrbinau Gwynt yn y Ganolfan Beirianneg ar ein campws yn y Rhyl. Trwy ei brentisiaeth, mae McKenzie yn cyfuno hyfforddiant ymarferol mewn ynni adnewyddadwy â phrofiad mewn diwydiant yn y byd go iawn, gan ddatblygu'r sgiliau technegol a'r wybodaeth sydd eu hangen ar gyfer gyrfa yn y sector peirianneg fecanyddol a thrydanol.
Prentis o Ogledd Cymru'n Ennill Gwobr Prentis y Flwyddyn 2026
Yng Ngwobrau Dysgu Seiliedig ar Waith Gogledd Cymru, a gynhaliwyd yn Venue Cymru ar 4 Chwefror, cyhoeddwyd mai Malcolm Tidswell o Wasanaethau Hamdden Ffit Conwy oedd enillydd Gwobr Prentis y Flwyddyn 2026.
