Campysau'r Coleg yn cynnal Diwrnodau Hwyl Cymunedol llawn bwrlwm
Ymunwch â'r hwyl yn y digwyddiadau yn y Rhyl, Llangefni a Phwllheli
Bydd Grŵp Llandrillo Menai yn croesawu cannoedd o bobl i'w Diwrnodau Hwyl Cymunedol ym mis Mai a mis Mehefin.
Bydd digwyddiadau yn cael eu cynnal yng:
- Ngholeg Llandrillo – Campws y Rhyl: Dydd Sadwrn 18 Mai, 10am – 3pm
- Coleg Menai - Campws Llangefni: Dydd Sadwrn 15 Mehefin, 11am - 2pm
- Coleg Meirion-Dwyfor - Campws Pwllheli: Dydd Sadwrn 15 Mehefin, 11am - 2pm
Bydd yn ddiwrnod gwych i'r teulu cyfan ac fe gynhelir llu o weithdai a gweithgareddau cyffrous a fydd yn sicr yn cynnig rhywbeth at ddant pawb.
Bydd gweithgareddau hwyliog yn rhoi blas ar y cyrsiau difyr sydd ar gael ar gampysau’r Grŵp, stondinau a gemau gan gwmnïau ac elusennau lleol, a bwyd a diod blasus i dynnu dŵr o ddannedd.
Mae'n gyfle i gael golwg ar y cyfleusterau gwych, cwrdd â staff, gofyn cwestiynau a chael cyngor gyrfaoedd.
Mae’r digwyddiadau am ddim, yn agored i bawb, ac wedi’u hanelu at:
- Ddisgyblion ysgol a allai fod â diddordeb mewn mynd i'r coleg
- Rhieni sydd am ymweld â'r campws i weld y cyfleusterau a siarad â'r staff
- Trigolion lleol sydd â diddordeb mewn gweld beth sydd gan y coleg a gwasanaethau lleol i'w gynnig
- Pobl sy'n chwilio am waith neu'n meddwl am ddechrau gyrfa newydd
- Ac yn olaf... teuluoedd sydd am gael diwrnod llawn hwyl!
Felly, ewch draw i'n Diwrnodau Hwyl Cymunedol – chewch chi ddim o'ch siomi!
