Bryn a Geraint, ein harbenigwyr EuroSkills, yn paratoi ar gyfer WorldSkills 2026

Yn dilyn eu profiad fel beirniaid yn EuroSkills, mae darlithwyr peirianneg Coleg Menai, Geraint Rowlands a Bryn Jones, yn paratoi ar gyfer cystadlaethau WorldSkills Shanghai 2026.

Y flwyddyn nesaf bydd Geraint a Bryn yn mynd i Tsieina yn eu rolau fel Rheolwyr Hyfforddiant Worldskills UK ar gyfer y categorïau Electroneg Ddiwydiannol a Gweithgynhyrchu Haen-ar-Haen!

Dros y misoedd nesaf byddant yn hyfforddi ac yn asesu'r ymgeiswyr yn eu disgyblaethau priodol, cyn iddynt ddewis un cystadleuydd bob un i gynrychioli'r Deyrnas Unedig yn y 'Gemau Olympaidd Sgiliau' (Medi 22 i 27).

Yn Shanghai, bydd Geraint a Bryn yn arbenigwyr ar y paneli beirniadu ar gyfer eu disgyblaethau hefyd, ar ôl gwneud yr un peth yng nghystadleuaeth Euroskills 2025 yn Nenmarc y mis hwn.

Cystadlodd tua 600 o bobl ifanc o bob cwr o Ewrop ar draws 38 o sgiliau yn Herning, ac roedd 103,000 o ymwelwyr yn gwylio - gan gynnwys gweinidog sgiliau'r DU, Jacqui Smith, a hyd yn oed Brenin Denmarc.

“Mae o wir fel y Gemau Olympaidd,” meddai Bryn, a oedd hefyd yn arbenigwr yng nghystadleuaeth WorldSkills yn Lyon y llynedd. “Mae’n awyrgylch lle mae pawb yn cydweithio - yr holl wledydd yn gweithio gyda’i gilydd er lles y gystadleuaeth. Mi allwch chi weld yr ethos hwnnw yn y seremoni agoriadol a'r seremoni gloi - a'r neges mai Ewrop ydan ni, a dyma sy'n ein huno ni.”

Er nad oedd cystadleuaeth gweithgynhyrchu haen-ar-haen yn Herning, derbyniodd Bryn alwad funud olaf i helpu i feirniadu'r gystadleuaeth peirianneg fecanyddol (dylunio â chymorth cyfrifiadur).

Roedd Geraint yn un o'r beirniaid ar gyfer creu prototeip electroneg, lle'r oedd myfyriwr o Goleg Menai, ac un sy'n gobeithio cyrraedd WorldSkills, Evan Klimaszewski, yn cystadlu. Yn erbyn cystadleuwyr â llawer mwy o brofiad, wnaeth Evan ddim ennill medal, ond serch hynny cyflawnodd sgôr uwch nag a gafodd mewn unrhyw gystadleuaeth neu dasg hyfforddi flaenorol.

Dywedodd Geraint: “Mi wnaeth Evan yn well na chystadleuydd o Sbaen a gystadlodd yn WorldSkills y llynedd. Mi ddaeth allan yn bownsio ac yn dweud ‘Rydw i eisiau mynd adref a mynd yn syth yn ôl i hyfforddi a gwella fy sgiliau er mwyn i mi allu gwneud yn well y tro nesaf’.”

Yn ogystal â chynorthwyo gyda rhedeg cystadleuaeth sgiliau fwyaf Ewrop, cafodd Geraint a Bryn syniadau i lywio eu haddysgu, gan eu cadw ar flaen y gad ym maes addysg sgiliau.

Dywedodd Geraint: “Roedden ni’n gweithio ochr yn ochr â chyd-arbenigwyr yn ein disgyblaethau o wledydd eraill ledled Ewrop. Felly roedd yn gyfle da i ddod o hyd i syniadau a dulliau newydd, a meddwl am sut y gallwn ni eu hintegreiddio i'n haddysgu yn y coleg neu i'n hyfforddiant ar gyfer cystadlaethau sgiliau, gyda'r nod o roi'r paratoad gorau posibl i'n myfyrwyr ar gyfer gwaith, ac adeiladu eu sgiliau gymaint â phosibl.”

Dywedodd Bryn: “Mae sgiliau’n esblygu fel unrhyw grefft. Yn amlwg, mae'r safon yn parhau i godi drwy gydol y gystadleuaeth, a phan fyddwch chi ar ddiwedd cystadleuaeth rydych chi'n trafod gyda'r arbenigwyr eraill pa newidiadau y dylid eu gwneud i'r ddisgyblaeth honno.

“Felly rydych chi’n llythrennol ar flaen y gad o ran sut mae’r sgiliau’n esblygu. Er enghraifft, gallem drafod deallusrwydd artiffisial, be ydy goblygiadau hynny i wahanol sgiliau, sut y gellir ei integreiddio ac yn y blaen.

“Mi allai’r newidiadau hynny effeithio ar addysg ymhen tair blynedd. Ond rydyn ni ar flaen y newidiadau hynny, felly mi allwn ni gyfleu'r neges yn gynnar i'n myfyrwyr - bodloni gofynion presennol y cwricwlwm yn amlwg, ond mynd y tu hwnt iddo hefyd.”

I Evan, EuroSkills oedd ei brofiad cyntaf o gystadleuaeth ryngwladol wrth iddo ymdrechu i gyrraedd tîm y DU ar gyfer WorldSkills 2026. Dewiswyd y myfyriwr peirianneg HNC yn ei ail flwyddyn ar ôl iddo ennill y fedal aur yn rowndiau terfynol WorldSkills UK y llynedd, ac mae'n un o ddau ymgeisydd electroneg sy'n cystadlu am le ar yr awyren i Tsieina.

Bydd WorldSkills yn gam arall ymlaen, gyda llawer o wledydd yn hyfforddi cystadleuwyr yn llawn amser ar gyfer y gystadleuaeth sy'n cael ei chynnal pob dwy flynedd.

Dywedodd Geraint: “Mae WorldSkills yn gystadleuaeth llawer mwy llym oherwydd bod rhai gwledydd yn recriwtio pobl yn syth o'r ysgol uwchradd i dreulio pum mlynedd yn gweithio’n llawn amser ac yn hyfforddi ar gyfer cystadleuaeth WorldSkills yn y dyfodol, tra ein bod ni yn ei wneud fel ychwanegiad at eu haddysg gyffredin.

“Mae Evan yn rhoi ei ben i lawr ac yn sicrhau ei fod yn gwneud popeth o fewn ei allu i gael ei ddewis. Mae ganddo ei fryd ar Shanghai ar hyn o bryd.”

Dywed Bryn y gall cyfranogiad Evan yn EuroSkills ysbrydoli ei gyd-fyfyrwyr hefyd, ychwanegodd: “Rydw i wedi bod yn dangos lluniau o Evan yn cystadlu i fy myfyrwyr, oherwydd roedd o yn eu sefyllfa nhw ychydig flynyddoedd yn ôl. Felly maen nhw'n deall ei fod yn bosibilrwydd, y gallai o fod yn nhw, a bod yn rhaid i chi fanteisio ar gyfle.”

Eisiau dysgu rhagor am fyd cyffrous peirianneg? Mae Grŵp Llandrillo Menai yn cynnig cyrsiau o Lefel 1 hyd at Brentisiaethau Uwch. Darllenwch ragor yma.

For Evan, EuroSkills was a first taste of international competition as he strives to make the UK team for WorldSkills 2026. The second-year HNC engineering student was selected after winning gold at last year’s WorldSkills UK finals, and is one of two electronics candidates vying for a place on the plane to China.

WorldSkills will be another step up, with many countries training competitors full-time for the biennial showdown.

Geraint said: “WorldSkills gets a lot more cut-throat because there are certain countries who will recruit people straight out of high school to spend five years working full-time and training for a future WorldSkills competition, whereas we in this country do it as a bolt-on to their regular education.

“Evan is putting his head down and making sure he’s doing everything he can to be selected. He definitely has his sights firmly on Shanghai at the moment.”

Bryn says Evan’s involvement in EuroSkills can also inspire his fellow students, adding: “I’ve been showing my students pictures of Evan competing, because he was in their shoes a few years ago. So they understand that it’s accessible, that it could be them, and that sometimes you’ve just got to take an opportunity.”

Want to learn more about the exciting world of engineering? Grŵp Llandrillo Menai offers courses from Level 1 right up to Higher Apprenticeships. Find out more here.