Cyfrifon Dysgu Personol
Ail-ysgrifennwch eich gyrfa gyda Chyfrif Dysgu Personol.
Ydych chi'n barod i newid gyrfa? Ydych chi am ddatblygu eich gyrfa i'r lefel nesaf?
Gallai hyfforddiant y telir amdano'n llawn trwy Gyfrifon Dysgu Personol Llywodraeth Cymru eich helpu i feithrin y sgiliau y mae cyflogwyr yn chwilio amdanynt. O sgiliau digidol i gymwysterau amgylcheddol, mae'r cyfleoedd yn ddi-ben-draw.
Mae miloedd eisoes wedi elwa ar ein Cyfrifon Dysgu Personol, a llawer wedi cael swyddi newydd a dyrchafiad! Peidiwch â cholli cyfle.
Beth yw Cyfrif Dysgu Personol?
Mae Cyfrif Dysgu Personol yn ffordd hyblyg o gael hyfforddiant am ddim mewn amrywiaeth eang o feysydd.
Mae'r cyrsiau hyn yn rhoi cyfle i chi feithrin sgiliau newydd a chael y cymwysterau y mae ar gyflogwyr eu hangen – gan eich helpu i symud ymlaen yn eich gyrfa bresennol neu i chwilio am gyfleoedd newydd.
Manteision Cyfrif Dysgu Personol?
- Hyfforddiant am Ddim: Caiff y cyrsiau eu hariannu'n llawn gan Lywodraeth Cymru, gan gael gwared ar unrhyw rwystrau ariannol i wella sgiliau neu ennill sgiliau newydd.
- Symud Ymlaen yn eich Gyrfa: Ennill sgiliau a chymwysterau uwch i symud ymlaen yn eich swydd bresennol neu i'ch helpu i gael cyfleoedd newydd.
- Newid Gyrfa: Datblygu sgiliau a gwybodaeth newydd a symud i sector wahanol, yn enwedig i'r rhai lle ceir prinder sgiliau.
- Hyblygrwydd: Mae'r dysgu wedi'i gynllunio i fod yn hyblyg, ac yn aml yn cynnwys dewisiadau ar gyfer dysgu'n rhan-amser, ar-lein, neu'n gyfunol mewn ffordd sy'n cyd-fynd â'ch dyletswyddau gwaith a'ch cyfrifoldebau teuluol.
Pa gyrsiau sydd ar gael?
Mae gennym ni ddewis helaeth o gyrsiau ar gael trwy'r Cyfrif Dysgu Personol, mewn meysydd sy'n cynnwys sgiliau amgylcheddol ac ôl-osod ar gyfer ynni adnewyddadwy, rheoli prosiect, cyfrifiadura, adeiladu, peirianneg, iechyd a llawer mwy.
Isod ceir rhestr lawn o'r cyrsiau sydd ar gael.
Cymorth Gyda'ch Astudiaethau
Os ydych wedi derbyn unrhyw gymorth ychwanegol o'r blaen—megis amser ychwanegol mewn arholiadau neu asesiadau - mae'n bwysig eich bod chi'n cysylltu â'n tîm Anghenion Dysgu Ychwanegol cyn gynted â phosib fel y gallwn adolygu hyn gyda chi.
Cwblhewch y ffurflen sydd ar gael ar dudalen wê y gwasanaeth ADY.
Ydw i'n gymwys?
I fod yn gymwys am hyfforddiant drwy Gyfrif Dysgu Personol, mae'n rhaid i chi fodloni o leiaf un o'r meini prawf canlynol, a bod:
- yn gyflogedig (neu'n hunangyflogedig), neu
- ar gontract dim oriau, neu
- staff asiantaeth, neu
- mewn perygl o gael eich gwneud yn ddi-waith, neu
- gofalwyr amser llawn (cyflogedig neu ddi-dâl), yn amodol bod dogfennaeth yn cael ei darparu,
- ac yn ennill cyflog sylfaenol blynyddol o dan £35,796 y flwyddyn
Rhaid i chi hefyd fod dros 19 oed, yn byw yng Nghymru, a gyda’r gallu i deithio i safle'r coleg os oes angen.
Ni fyddwch yn gymwys os byddwch (ar adeg gwneud y cais):
- o dan 19 oed, neu'n
- ddisgybl neu'n fyfyriwr llawn amser mewn ysgol neu goleg, neu
- mewn addysg uwch llawn amser, neu'n
- cael eich ariannu gan Lywodraeth Cymru i wneud cwrs Dysgu Seiliedig ar Waith, neu'n
- ddinesydd tramor anghymwys, neu'n
- derbyn Grant Dysgu'r Cynulliad neu'r Lwfans Cynhaliaeth Addysg, neu'n ddi-waith, h.y. nid oes gennych gontract cyflogaeth
Sylwer: Mae gennym bellach amrywiaeth o gyrsiau 'Digidol' a 'Net Zero' ar gael nad oes ganddynt feini prawf cymhwyster uchafswm cyflog.
Faint fydd yr hyfforddiant yn ei gostio?
Dim. Bydd Llywodraeth Cymru'n talu holl gostau'r hyfforddiant. Fodd bynnag, bydd rhaid i chi dalu eich costau teithio eich hun a sicrhau eich bod yn gallu ymroi digon o amser i fynychu a chwblhau'r cwrs. Bydd cyllid CDP ar gyfer 2026/27 yn cael ei gapio ar gyfanswm o £6,533.81 i bob dysgwr. Cysylltwch â ni os ydych angen rhagor o wybodaeth.
Oes angen unrhyw sgiliau neu gymwysterau blaenorol arnaf?
Mae rhai cyrsiau yn gofyn bod gennych rai sgiliau neu gymwysterau blaenorol, amlygir hyn yn yr wybodaeth am gyrsiau unigol isod. Anelir y rhaglen at unigolion sydd â'u bryd ar newid eu gyrfa, felly nid oes angen sgiliau na chymwysterau penodol ar gyfer mwyafrif y cyrsiau. Cewch gyfle i drafod gofynion y cwrs gyda'r coleg pan gewch eich asesiad cychwynnol.
Alla i ddilyn mwy nag un cwrs?
Gallwch, ond nodwch os gwelwch yn dda - gallwch gofrestru ar un cwrs PLA ar y tro yn unig. Os ydych yn cyflwyno mwy nag un cais, byddem yn cysylltu â chi i gadarnhau pa gwrs ydi eich dewis cyntaf.
Pa gyrsiau sydd ar gael? Pryd maen nhw'n dechrau?
Mae gennym amrediad eang o gyrsiau sy'n cwmpasu amrywiaeth o wahanol sectorau:
Ochr yn ochr â'r cyrsiau a addysgir yn y coleg, rydym hefyd yn cynnig amrywiaeth o gyrsiau ar-lein. Gall y rhain fod yn gymysgedd o waith ar-lein a gwaith ymarferol a wneir drwy gadw pellter cymdeithasol. Mae'n bosibl dechrau rhai o'r cyrsiau hyn ar unrhyw adeg.
Rydym yn ychwanegu cyrsiau newydd drwy'r adeg, felly nodwch y dudalen a chwiliwch am gyfleoedd arni'n gyson.
Cyrsiau Net Sero
Nid oes meini prawf cymhwyster uchafswm cyflog gyda'r cyrsiau canlynol
- Systemau Awyru Cartrefi
- Systemau Dŵr Poeth Solar BPEC
- Bpec Effeithlonrwydd Ynni - Gwresogi Domestig
- Bpec Rheoliadau Dŵr
- Dyfarniad Lefel 3 City & Guilds mewn Sgiliau Weldio Uwch (3268-03, MIG, TIG neu ARC)
- Dyfarniad Lefel 3 City & Guilds yn y Gofynion ar gyfer Dylunio a Gosod Cyfarpar Gwefru Cerbydau Trydan mewn Lleoliadau Domestig a Masnachol Bach (2921-34)
- Systemau Domestig sy'n Pwmpio Gwres o'r Aer
- Systemau Domestig sy'n Pwmpio Gwres o'r Ddaear
- Systemau Awyru Domestig
- EAL Dyfarniad Lefel 3 mewn Gosod a Chynnal a Chadw Systemau Ffotofoltaidd Solar ar Raddfa Fach
- EAL EV3/01 Deall Gofynion Gosod Pwyntiau Gwefru Cerbydau Trydan
- System Storio Ynni Trydanol
- ISEP- Tystysgrif mewn Rheoli'r Amgylchedd
- ISEP – Sgiliau Cynaliadwyedd Amgylcheddol i Reolwyr
- ISEP – Sgiliau Cynaliadwyedd Amgylcheddol ar gyfer y Gweithlu
- ISEP – Tystysgrif Sylfaen mewn Rheoli'r Amgylchedd
- Dŵr Poeth Tymheredd Isel
- Tystysgrif NEBOSH mewn Rheoli'r Amgylchedd
- Diploma NEBOSH mewn Rheolaeth Amgylcheddol
- NICEIC Pympiau Gwres Awyr, Tarddiad Daear a Dylunio Pympiau
- NICEIC Systemau Dŵr Poeth Solar i Wresogi Tai
- Effeithlonrwydd Ynni - Gwresogi Domestig
- NICEIC Systemau Storio Dŵr Poeth Domestig heb Dyllau Aer
- Rheoliadau Dŵr
- OFTEC OFT10-101 Gwasanaethu a Chomisiynu Jet Pwysedd Un Cam
- OFTEC OFT10-105E Gosod Offer a Systemau Hylosgi Sefydlog sy'n Cael eu Hylifo â Thanwydd Hylif a Bio-hylif
- OFTEC OFT10-600A Gosod Systemau Storio a Chyflenwi Tanwydd Hylif sy'n Gysylltiedig â Hylosgi Sefydlog
- Systemau Casglu Dŵr Glaw ac Ailgylchu Dŵr Llwyd
- Systemau Storio Dŵr Poeth Domestig
- Tystysgrif Lefel 3 NOCN i Aseswyr Ynni Domestig
- Dyfarniad Lefel 3 NOCN mewn Effeithlonrwydd Ynni mewn Hen Adeiladau ac Adeiladau Traddodiadol
e-Gyrfaoedd Cyrsiau digidol
Nid oes meini prawf cymhwyster uchafswm cyflog gyda'r cyrsiau canlynol
Mae Grŵp Llandrillo Menai wedi partneru ag e-Gyrfaoedd i gynnig ystod eang o gyrsiau i chi.Mae e-Gyrfaoedd yn sefydliad hyfforddi proffesiynol sy'n darparu cyrsiau achrededig trwy e-ddysgu neu drwy Virtual Classrooms.Unwaith y byddwch wedi cwblhau eich cais PLA neu gofrestru gyda ni, bydd y tîm yn e-Gyrfaoedd yn rheoli cyflwyniad eich cwrs. I gael rhagor o wybodaeth am e-Gyrfaoedd, ewch i www.e-careers.com
Cyrsiau digidol
Nid oes meini prawf cymhwyster uchafswm cyflog gyda'r cyrsiau canlynol
Busnes a Rheolaeth
- Tystysgrif Lefel 4 CIM mewn Marchnata Proffesiynol a Digidol
- CIPS Lefel 4 Diploma mewn Gweithrediadau Caffael a Chyflenwi
- CIPS Lefel 5 Diploma Uwch mewn Gweithrediadau Caffael a Chyflenwi
- PRINCE2® 7fed Argraffiad (2023) Sylfaen - Hybrid
- PRINCE2® 7ed argraffiad (2023) Ymarferydd Cyflwyno Hybrid
- PRINCE2 7fed argraffiad fersiwn 2 AGILE Sylfaen Cyflwyno hybrid
- RINCE2® 7fed argraffiad fersiwn 2 YMARFERYDD AGILE - Cyflwyniad hybrid
Adeiladu a'r Amgylchedd Adeiledig
- Nwy LPG (ACS)
- BPEC - Asesiadau Diogelwch Craidd o Nwy Domestig Naturiol (CCN1)
- BPEC - Anheddau Parhaol - Domestig, Masnachol ac Arlwyo (CCLP1 PD)
- BPEC - Cartrefi Preswyl mewn Parciau (CCLP1 RPH)
- BPEC – Tanau/Gwresogyddion Nwy (HTR1)
- BPEC Gwresogyddion Gwres Aer (DAH1)
- BPEC - Poptai Nwy (CKR1)
- BPEC - Gwres Canolog / Gwresogyddion Dŵr
- BPEC - Mesuryddion Nwy Domestig (MET1)
- BPEC LPG ( HTRLP2) Tân Nwy Ffliw Caeedig - LPG
- BPEC Asesu Risg Legionella a Diheintiad Dŵr ar gyfer Gwasanaethau Mecanyddol
- Dyfarniad Lefel 3 City & Guilds yn y Gofynion ar gyfer Gosodiadau Trydanol BS 7671:2018 (2382-22)
- EAL 18fed Argraffiad Rheoliadau Weirio, 4ydd Ddiwygiad - Deall Gofynion Rheoliadau Gwifro (BS 7671:2018) 2026
- Gwobr Lefel 3 EAL mewn Archwilio, Profi, Ardystio ac Adrodd ar Osodiadau Trydanol
- Dyfarniad EAL Lefel 3 mewn Gwirio ac Ardystio Gosodiadau Trydan Newydd
- Pecyn Hyfforddi ac Asesu Nwy Domestig (CCN1) NICEIC ACS (2)
- Pecyn Hyfforddi ac Asesu Nwy Domestig (CCN1) NICEIC ACS (1)
- Pecyn Hyfforddi ac Asesu Nwy Domestig (CCN1) NICEIC ACS (3)
- Dyfarniad Lefel 3 mewn Archwilio a Phrofi (CG2391-52)
- Hyfforddiant Gwrthbwyso Wagen Fforch Godi Codau ABA B1, (Dechreuwyr)
- RTITB Hyfforddiant Tryc Estyn (Dechreuwyr)
- Peiriant codi telesgopig RTITB ar dir garw. Codau ABA J2 a J3
Iechyd a Gofal
- Dechrau Gyrfa ym maes Gofal Cymdeithasol i Oedolion
- Dechrau Gyrfa ym maes Gofal Cymdeithasol i Bobl Ifanc
- Lefel 4 Paratoi ar Gyfer Arwain a Rheoli ym maes Gofal, Chwarae, Dysgu a Datblygiad Plant
- Dechrau Gyrfa ym maes Gofal a Chwarae Plant
- Paratoi i Arwain a Rheoli ym maes Iechyd a Gofal Cymdeithasol - Lefel 4
e-Gyrfaoedd
Mae GLLM wedi partneru ag e-Gyrfaoedd i gynnig ystod eang o gyrsiau i chi.
Mae e-Gyrfaoedd yn sefydliad hyfforddi proffesiynol sy'n darparu cyrsiau achrededig trwy e-ddysgu neu drwy Virtual Classrooms.
Unwaith y byddwch wedi cwblhau eich cais PLA neu gofrestru gyda ni, bydd y tîm yn e-Gyrfaoedd yn rheoli cyflwyniad eich cwrs. I gael rhagor o wybodaeth am e-Gyrfaoedd, ewch i www.e-careers.com
Ydych chi'n barod i gymryd y cam nesaf?
Os hoffech wneud cais neu os oes gennych chi ragor o gwestiynau am y Cyfrif Dysgu Personol, llenwch y ffurflen isod a bydd un o'n Cynghorwyr yn cysylltu â chi.