Peiriannydd Meddalwedd

Gweithio'n agos gydag Staff Uwch y Gwasanaethau TGCh i gyflawni'r dyletswyddau canlynol:

1.

a) Gwaith gosod, ffurfweddu, integreiddio, cefnogi a chynnal a chadw a chreu delweddau ar gyfer systemau cyfrifiadurol bwrdd gwaith a rhith weinyddion

b) Darparu cefnogaeth a bod yn gyfrifol am osodiadau, ffurfweddu, a chynnal a chadw cymwysiadau ar draws rhwydwaith y grŵp, a systemau arunig yn ôl y galw

c) Darparu cefnogaeth a bod yn gyfrifol am osod, ffurfweddu, cynnal a chadw systemau gweithredu a chymwysiadau arunig yn ôl y gofyn

d) Bod yn gyfrifol am ddiogelwch cyfrifiaduron personol cleientiaid o ran diogelu ffeiliau a meddalwedd gwrthfeirysau

e) Ymchwilio ac argymell datblygiadau a gwelliannau TGCh addas a allai fod yn fuddiol i'r Grŵp.

f) Darparu cefnogaeth i ddefnyddwyr Academaidd a Gweinyddol ar y cyd ag aelodau staff eraill y Gwasanaethau TGCh

g) Darparu cefnogaeth ar gyfer Dilysu Aml-ffactor

h) Gweithio gydag aelodau staff eraill y Gwasanaethau TGCh i sicrhau bod meddalwedd priodol a chaledwedd perthnasol yn cael eu gosod a'u ffurfweddu i ddiwallu anghenion meysydd Gweinyddol ac Academaidd y Grŵp

i) Cadw dogfennau am weithdrefnau, polisïau, systemau a rhestrau stoc yn gyfredol

j) Darparu hyfforddiant a chefnogaeth i staff TGCh eraill i sicrhau bod prosesau a gweithdrefnau cywir yn cael eu dilyn ar gyfer gosod delweddau ar y rhwydwaith a dyfeisiau annibynnol

k) Gosod a chynnal a chadw systemau a pholisïau trwyddedu meddalwedd

l) Cysylltu a chyfathrebu â chwmnïau ac unigolion allanol yn ôl y galw

2. Darparu cefnogaeth a gweinyddu a ffurfweddu systemau arholiadau, gweinyddwyr a chleientiaid ar-lein, gan gysylltu â staff y Grŵp a Chyrff Dyfarnu yn ôl yr angen.

3. Darparu cefnogaeth i systemau'r Grŵp e.e. Rhith-amgylchedd Dysgu (VLE), Cyflogres, Cyllid, Llyfrgell, Cofnodion Dysgwyr, Amserlenni, Ebost, gan gynnwys uwchraddio o ochr y cleient. Datrys problemau a chaniatáu/datrys problemau mynediad defnyddwyr ar yr holl feddalwedd a systemau a ddefnyddir gan y Grŵp.

4. Mynychu’r cyrsiau a’r digwyddiadau hyfforddi sy’n angenrheidiol i gyflawni dyletswyddau’r swydd yn effeithiol;

5. Cyflawni dyletswyddau rhesymol eraill yn ôl y galw.