Ymgynghorydd Profiad Cwsmer - Cyswllt Môn

Rydym yn chwilio am aelod tîm cadarnhaol a rhagweithiol i ymuno â’n tîm profiad cwsmer i ddarparu gwybodaeth a chymorth i’n cwsmeriaid trwy system gymorth aml-sianel.

Mae system gymorth aml-sianel ar gyfer gwasanaeth cwsmer yn golygu y bydd modd delio ag ymholiadau gan gwsmeriaid mewn amrywiaeth o wahanol ffyrdd, yn cynnwys dros y ffôn, wyneb yn wyneb, sgwrs fyw a mwy.

Bydd deilydd y swydd yn gweithio yn Cyswllt Môn Ynys Môn fel rhan o dîm integredig sy'n darparu gwasanaethau hygyrch a safon uchel a ddarperir gan y Cyngor a’i sefydliadau partner trwy gyfrwng y Gymraeg a'r Saesneg.

Mae Cyngor Ynys Môn wedi ymrwymo i ddarparu gwasanaeth cwsmer cadarnhaol a hygyrch. Bydd y gwasanaeth hwn yn rhoi dewis i’n preswylwyr ynghylch sut y byddant yn cysylltu â ni, boed hynny trwy ddulliau hunanwasanaeth ar ein gwefan, ein pyrth neu ar e-bost, neu trwy apwyntiadau wyneb yn wyneb, cysylltu ar y ffôn, sgwrs fyw, gwe-sgwrs a sgwrsfot, er mwyn cynnig a chefnogi dewis. Bydd deilydd y swydd yn cynorthwyo a chyfeirio ein dinasyddion at y gwasanaethau sydd ar gael gan y Cyngor a’i sefydliadau partner ac yn hyrwyddo’r gwasanaethau hynny.