Sgiliau ym maes Gweinyddu Meddygol Lefel 2

Mae'r cymwysterau hyn i bobl sy'n awyddus i ddatblygu eu gyrfa ym maes Gweinyddu Meddygol. Byddwch yn elwa ar ddysgu amrywiaeth o sgiliau defnyddiol ar gyfer gweithio mewn swyddfa a chyflawni tasgau gweinyddol mewn amgylchedd meddygol, e.e. Gofal yn y Gymuned, Gofal Sylfaenol, Gofal Eilaidd neu Sefydliadau Meddygol Preifat.

Yn ystod y cwrs, byddwch yn astudio amrywiaeth eang o bynciau, gan feithrin sgiliau cynhwysfawr a chael profiad ym mhob agwedd ar weinyddu mewn amgylchedd meddygol. Cewch wella'ch sgiliau a'ch cyflogadwyedd yn ogystal ag ennill cymhwyster cydnabyddedig ar gyfer gweithio i'r GIG.

Mae’r cwrs yn ymdrin â’r pynciau a ganlyn: sgiliau gweinyddu busnes, dealltwriaeth o strwythur y GIG, termau meddygol, Iechyd a Diogelwch, sgiliau cyfrifiadura hanfodol yn gysylltiedig â phrosesu geiriau a thrawsgrifio sain. Bydd y rhain yn meithrin eich sgiliau personol ac ymarferol o ran cyfathrebu'n effeithiol â chleifion, ymwelwyr ac aelodau o'r tîm gofal iechyd, deall y gweithdrefnau a ddefnyddir mewn ysbytai a meddygfeydd a defnyddio offer swyddfa a TG.

Gall cymhwyster Lefel 2 mewn Gweinyddu Meddygol eich helpu i lwyddo mewn swydd weinyddol mewn sefydliad o unrhyw faint neu fath, gan gynnwys: Ysgrifennydd, Derbynnydd, Gweinyddwr, Cynorthwyydd Personol, Clerc Cofnodion Meddygol a Chlerc Ward.