Ffabrigo a Weldio Lefel 2

Manylion Allweddol

Ar gael yn:
Llangefni, Dolgellau - CaMDA (Adeiladu a Pheirianneg)
Dull astudio:
Llawn Amser
Hyd:
1 flwyddyn

Gwnewch gais

Oes gennych gwestiwn? Cysylltwch â ni!

Ffabrigo a Weldio Lefel 2

Llawn Amser (Addysg Bellach)

Dolgellau

Apply now

Llangefni

Apply now

Noder: Rydym yn argymell bod gennych liniadur neu Chromebook y gallwch ei ddefnyddio i gwblhau gwaith yn ddigidol yn eich cartref. Mae gennym Gronfa Cynhwysiant Digidol TG bwrpasol i gefnogi'r dysgwyr hynny nad oes ganddynt ddyfais ddigidol ac sy'n methu â phrynu un.

Disgrifiad o'r Cwrs

Ydych chi'n awyddus i gael profiad ymarferol o waith ffabrigo a weldio?

Ar y cwrs hwn, cewch eich cyflwyno i dechnegau sylfaenol ffabrigo a weldio. Mae'n eich galluogi i ennill nifer o gymwysterau, ac mae'n addas i unrhyw un sydd â diddordeb gwirioneddol mewn ffabrigo a weldio.

Mae’r cwrs yn cynnwys amryw o dasgau weldio sylfaenol fel creu uniadau wedi'u hasio a'u sodro. Bydd y sgiliau ymarferol a enillwch yn berthnasol i waith dur, adeiladu llongau, cynnal a chadw cerbydau, plymio, cerfio, cynnal a chadw cyffredinol a sawl maes arall.

Peirianneg Uwch (gyda lleoliad mewn diwydiant) (Llangefni'n unig):
Yn ogystal â dilyn y cwrs, mae'n ofynnol eich bod yn cael profiad gwaith am o leiaf 150 awr yn ystod y flwyddyn, fel arfer am ddiwrnod yr wythnos. ⁠Mae profiad gwaith yn hanfodol er mwyn meithrin y wybodaeth a'r sgiliau galwedigaethol sydd eu hangen a mynd ymlaen i brentisiaeth neu gwrs Lefel 3 mewn Weldio a Ffabrigo.

Gofynion mynediad

I gael lle ar y cwrs hwn, bydd angen i chi:

Fod wedi cwblhau'r cwrs Crefft Peirianneg Lefel 1 NEU
Fod â chefndir academaidd da a phrofiad perthnasol mewn diwydiant NEU
Fod wedi ennill cymhwyster estynedig Lefel 2 mewn Peirianneg (gyda lleoliad mewn diwydiant)
Bod wedi ennill 4 TGAU A*-C, yn cynnwys Mathemateg/Rhifedd a Chymraeg Iaith Gyntaf/Saesneg – gyda diddordeb mawr mewn peirianneg ac awydd cryf i weithio yn y diwydiant. (Asesir mewn cyfweliad)

Mae'r broses ymgeisio yn cynnwys cyfweliad a fydd yn rhoi cyfle i chi drafod y cwrs, eich profiad blaenorol ac unrhyw hyfforddiant neu gymwysterau a all fod gennych.

Cyflwyniad

Cyflwynir y rhaglen drwy gyfuniad o'r dulliau a ganlyn:

Arddangosiadau ymarferol
Tasgau realistig
Darlithoedd i ddatblygu gwybodaeth greiddiol
Aseiniadau

Bydd eich rhaglen yn cynnwys cyfuniad o:

Cymwysterau Sgiliau Hanfodol a/neu
Ailsefyll TGAU

Sgiliau Hanfodol

Gall hyn gynnwys cyfuniad o Gymhwyso Rhif, Cyfathrebu, Llythrennedd Digidol a Sgiliau Cyflogadwyedd Hanfodol.

Ailsefyll TGAU

Gall hyn gynnwys TGAU Rhifedd/Mathemateg a/neu Gymraeg/Saesneg.

Mathemateg a Chymraeg/Saesneg

Os nad oes gennych radd C neu uwch mewn Mathemateg a/neu Gymraeg/Saesneg, byddwn yn eich cefnogi i ailsefyll y pynciau hyn yn rhan o'ch rhaglen astudio.