BSc (Anrh) Cyfrifiadura (Datblygu Meddalwedd) (Atodol)

Mae'r cwrs hwn yn adeiladu ar y sgiliau a feithrinwyd eisoes wrth astudio am gymhwyster Lefel 5 mewn Datblygu Meddalwedd.

Am bob 10 credyd, dylai'r myfyrwyr gwblhau tua 100 o oriau dysgu tybiannol. Bydd tua 30% o hyn yn gyswllt dysgu uniongyrchol, a 70% yn ddysgu annibynnol.

Rhaglennu Uwch (20 credyd, craidd)
Mae'r modiwl hwn yn datblygu eich sgiliau rhaglennu drwy ganolbwyntio ar ddefnyddio technegau cymhleth i greu rhaglenni integredig, sy'n seiliedig ar ddata. Byddwch chi'n dysgu sut i ddylunio a datblygu datrysiadau sy'n cysylltu gwasanaethau ac yn rhannu data ar draws llwyfannau, gan adeiladu rhaglenni cleientiaid a lletywyr i ddangos rhaglennu dosbarthedig ar waith yn y byd go iawn. (40% Prototeipio, creu a phrofi detholiad o raglenni bach, 60% Prototeipio, creu a phrofi set gymhleth o raglenni sy'n seiliedig ar ddata)

Traethawd BSc Estynedig (40 credyd, gorfodol)
Mae'r modiwl hwn yn rhoi cyfle i chi archwilio maes cyfrifiadura arbenigol drwy draethawd neu brosiect ymchwil annibynnol. Byddwch yn cymhwyso ac yn ehangu eich gwybodaeth a'ch sgiliau wrth ddatblygu annibyniaeth a gallu i feddwl yn feirniadol ac i ddatrys problemau. Gan weithio'n unol â fframwaith Ymchwil a Moeseg Grŵp Llandrillo Menai, byddwch yn cynhyrchu traethawd estynedig proffesiynol sy'n cynnwys cynnig, adolygiad o lenyddiaeth, a methodoleg glir, naill ai trwy ymchwil wreiddiol neu drwy gymhwyso damcaniaethau a thechnegau cyfrifiadurol i brosiect ymarferol. (80% Traethawd hir, 20% Viva)

Prosiect Grŵp (20 credyd, gorfodol)
Mae'r modiwl hwn yn rhoi cyfle i chi gydweithio mewn grwpiau bach i gynllunio a chyflawni prosiect mewn maes cyfrifiadura o'ch dewis. Byddwch yn cymhwyso ac yn ehangu eich gwybodaeth a'ch sgiliau technegol wrth feithrin sgiliau gweithio mewn tîm, cyfathrebu, ac arwain. Gan weithio dan gyfarwyddyd diwtor, byddwch yn cymryd cyfrifoldeb am bob cam o'r prosiect, o'r cynnig a'r cynllunio i'r cyflawni a'r gwerthuso, gan weithio'n broffesiynol i ddatrys problemau ac i gael canlyniad llwyddiannus. (10% Cynnig y grŵp, 20% Ffolder prosiect y grŵp sy'n cynnwys dogfennaeth sy'n briodol i rychwant y prosiect, 40% Prosiect gorffenedig, 30% Adfyfyrdod)

Cyfrifiadura Ffisegol (20 credyd, gorfodol)
Trwy archwilio ac arbrofi ymarferol, mae'r modiwl hwn yn cyflwyno egwyddorion y rhyngweithio a wna caledwedd a meddalwedd. Byddwch yn dechrau drwy ddatblygu dealltwriaeth gadarn o hanfodion trydan ac electroneg ac yna'n cymhwyso’r wybodaeth i brosiect cyfrifiadura ymarferol.

Gan weithio ar brosiect o'ch dewis eich hun, byddwch yn dylunio, adeiladu, a phrofi system sy'n cyfuno mewnbynnau ac allbynnau caledwedd â dulliau rheoli meddalwedd, gan ennill profiad gwerthfawr o greu a dogfennu datrysiad cyfrifiadura integredig. 10% Prawf llyfr caeedig i'w gwblhau yn y dosbarth mewn amser penodol (1 awr). 80% Dylunio, creu, profi a dogfennu prosiect cyfrifiadura ffisegol, 10% Cyflwyniad

Peirianneg Meddalwedd (20 credyd, craidd)
Mae'r modiwl hwn yn adeiladu ar eich gwybodaeth flaenorol am ddatblygu meddalwedd a rheoli prosiectau gan ganolbwyntio ar y sgiliau sydd eu hangen i ddylunio, datblygu a chynnal ystod o systemau cyfrifiadur. ⁠Byddwch yn archwilio cysyniadau a methodolegau peiriannu meddalwedd, o ddulliau traddodiadol i Agile, ac yn dysgu sut i'w defnyddio'n effeithiol mewn prosiectau go iawn.

Drwy gymhwyso ymarferol, byddwch yn ennill profiad ym mhob cam o gylch bywyd meddalwedd, gan gynnwys dylunio, gweithredu, cynnal a chadw, a rheoli fersiynau. Bydd hyn yn eich paratoi ar gyfer ymarfer proffesiynol yn y diwydiant cyfrifiadura. 20% Adroddiad, 70% Dylunio a phrototeipio, creu a phrofi set o raglenni cymhleth sy'n seiliedig ar ddata, 10% Adfyfyrdod