Prentisiaethau - Cyfryngau Cymdeithasol a Marchnata Digidol Lefel 3

Nod y fframwaith prentisiaeth hwn yw darparu i gyflogwyr yn y sector cyhoeddus, preifat a ddim er elw yng Nghymru, weithlu sy'n meddu ar y sgiliau, y wybodaeth a'r cymhwysedd i ddefnyddio cyfryngau cymdeithasol er mwyn gwneud busnesau'n fwy effeithlon a chynhyrchiol.

Mae twf y Cyfryngau Cymdeithasol a Marchnata Digidol yn gyfle i ddenu staff newydd i’r diwydiant ac i ddefnyddio a gwella sgiliau staff presennol fel bod ganddynt y wybodaeth a'r profiad i ymgymryd â dyletswyddau'n ymwneud â'r cyfryngau cymdeithasol a marchnata digidol i gynyddu cynhyrchiant ac effeithlonrwydd.

Cyfryngau Cymdeithasol i Fusnesau Lefel 3

Mae'r llwybr cyfryngau cymdeithasol yn canolbwyntio ar reoli a chynnal rhwydwaith cyfryngau cymdeithasol, asesu a lleihau risgiau i'ch presenoldeb ar-lein, deall sut i ddefnyddio geiriau allweddol ac optimeiddio peiriannau chwilio yn ogystal â sut i ddefnyddio cyfryngau cymdeithasol i hysbysebu a hyrwyddo.

Mae Diploma Lefel 3 Cyfryngau Cymdeithasol i Fusnesau yn ddelfrydol ar gyfer y rhai sy'n ddefnyddio cyfryngau digidol i gyfathrebu â chwsmeriaid presennol a darpar gwsmeiriad, er enghraifft:

• Cynorthwyydd Cyfryngau Cymdeithasol

• Swyddog Ymgysylltu â'r Cyhoedd

• Rheoli Cysylltiadau Cwsmer

• Dylunydd Gwefannau

• Rheolwr Marchnata drwy'r Cyfryngau Cymdeithasol

Mae’r cymhwyster yn cynnwys:

• Egwyddorion Cyfryngau Cymdeithasol

• Allweddeiriau ac Optimeiddio

• Rheoli Rhwydweithio Cymdeithasol

• Offer ymarferol ar gyfer creu cynnwys a chydweithio

Manteision i unigolion:

Mae'r cymhwyster cyfun hwn yn seiliedig ar wybodaeth a chymhwysedd ac yn adeiladu a datblygu sgiliau newydd i wella eu gyrfa.

Y manteision i gyflogwyr:

• datblygu sgiliau staff presennol

• Gwella cynhyrchiant

Marchnata Digidol Lefel 3

Mae unedau gorfodol y llwybr marchnata digidol yn canolbwyntio ar fusnes ac yn gyfle i feithrin dealltwriaeth o swyddogaethau busnes, ffynonellau gwerthu, teithiau cwsmeriaid a diffiniadau sector. Mae'r unedau dewisol wedi'u teilwra i'r ymgeiswyr a gallent gynnwys; datblygu brand, marchnata cynnwys, marchnata dros e-bost, creu copi testun ar gyfer y cyfryngau digidol, meddalwedd golygu delweddau ac egwyddorion y cyfryngau cymdeithasol o fewn busnes (a llawer mwy).

Mae Diploma Lefel 3 Marchnata Digidol yn ddelfrydol ar gyfer y rhai sy'n ddefnyddio marchnata digidol i gyfathrebu â chwsmeriaid presennol a darpar gwsmeiriad, er enghraifft:

• Cynorthwyydd Marchnata Digidol

• Swyddog Ymgysylltu â'r Cyhoedd

• Rheoli Cysylltiadau Cwsmer

• Dylunydd Gwefannau

• Rheolwr Marchnata Digidol

Mae’r cymhwyster manwl hwn yn cynnwys:

• Egwyddorion a moeseg marchnata

• Metrigau a dadansoddeg

• Hysbysebu a hyrwyddo ar draws pob llwyfan digidol

• Datblygu brand

• Offer ymarferol ar gyfer creu ap, gwefan a chynnwys

• Offer cydweithredu

Manteision i unigolion

Mae'r cymhwyster cyfun hwn yn seiliedig ar wybodaeth a chymhwysedd ac yn adeiladu a datblygu sgiliau newydd i wella eu gyrfa Marchnata.

Y manteision i gyflogwyr:

• datblygu sgiliau staff presennol

• Gwella cynhyrchiant