Gradd Sylfaen (FdSc) Gwyddor Hyfforddi a Pherfformio Chwaraeon

Gwybodaeth am yr Uned

Am bob 10 credyd, dylai myfyrwyr ymgysylltu â thua 100 o oriau tybiannol o ddysgu. Bydd hyn oddeutu 30% o gyswllt dysgu uniongyrchol a 70% o ddysgu annibynnol i fyfyrwyr.

Mae'r cwrs yn cynnwys y modiwlau a ganlyn:

Blwyddyn 1 (Lefel 4)

Twlcit Hyfforddi (10 credyd)
Nod y modiwl hwn yw darparu'r sgiliau hyfforddi sylfaenol sydd eu hangen i gynllunio a chyflwyno sesiynau hyfforddi mewn ffordd ddiogel, gynhwysol ac effeithiol. Bydd myfyrwyr yn ennill profiad hyfforddi ymarferol ac yn cael cyfleoedd i ddatblygu eu sgiliau.

• Asesiad 1: Cynllunio Sesiwn 30%
• Asesiad 2: Cyflwyno Sesiwn Hyfforddi 70%

Addysgeg Hyfforddi (20 credyd)
Nod y modiwl hwn yw cyflwyno cysyniadau damcaniaethol ynghylch y broses hyfforddi mewn modd ymarferol, gan roi profiad i fyfyrwyr o ddefnyddio gwahanol dechnegau hyfforddi mewn amrywiol sefyllfaoedd ym maes chwaraeon. Caiff myfyrwyr gyfle hefyd i gynllunio, i gynnal ac i werthuso eu sesiynau hyfforddi eu hunain.

• Asesiad 1: Sesiwn Hyfforddi Ymarferol 50%
• Asesiad 2: Adolygiad Ysgrifenedig o'r Sesiwn Hyfforddi 50%

Anatomeg Weithredol (10 credyd)
Nod y modiwl hwn yw dysgu am y cysyniadau anatomegol sylfaenol sydd wrth wraidd gallu pobl i weithredu a'u perthynas ag egwyddorion cinesioleg.

• Asesiad 1: Arholiad 50%
• Asesiad 2: Cyflwyniad ar Sgiliau Symud 50%

Maeth a Pherfformiad ym maes Chwaraeon (20 credyd)
Pwrpas y modiwl hwn yw rhoi i fyfyrwyr gyflwyniad i faeth ym maes chwaraeon, y rôl y mae maeth yn ei chwarae o ran gwella iechyd a pherfformiad a sut y gellir cynnwys ychwanegion dietegol (cymorth ergogenig) mewn poblogaethau o athletwyr.

• Asesiad 1: Dadansoddiad Dietegol 60%
• Asesiad 2: Cyflwyniad Grŵp: Cymorth Ergogenig i Wella Perfformiad 40%

Dulliau Ymchwilio a Sgiliau Astudio (10 credyd)
Nod y modiwl hwn yw datblygu gallu'r myfyriwr i ddefnyddio amrediad o sgiliau academaidd yn gywir mewn disgyblaeth benodol. Bydd yn galluogi myfyrwyr i feithrin sgiliau o ran deall sut i ymchwilio'n briodol, defnyddio confensiynau academaidd, ysgrifennu academaidd a rheoli a threfnu eu gwaith. Bydd y modiwl hefyd yn eu cyflwyno i'r cysyniadau sylfaenol sy'n gysylltiedig â thrin a dadansoddi data.

• Asesiad 1: Portffolio 100%
  • Rhan 1 - Tystiolaeth o ddatblygu sgiliau astudio (50%)
  • Rhan 2 - Darn o ysgrifennu academaidd - amlinelliad o ddatblygiad cwestiwn ymchwil. (50%)

Ffisioleg Ddynol a sut i'w Hasesu (20 credyd)
Nod y modiwl hwn yw dysgu rhagor am anatomeg ddynol a chyflwyno'r agweddau ffisiolegol ar wahanol systemau'r corff a sut y gellir asesu'r rhain. Bydd myfyrwyr yn ymgyfarwyddo â thechnegau a phrotocolau profi, gan feithrin sgiliau ymarferol, trin data a chysyniadau pwysig ym maes ffisioleg ddynol. Bydd myfyrwyr yn magu profiad ymarferol hefyd mewn perthynas â chod ymddygiad ac ystyriaethau moesegol a moesol.

• Asesiad 1: Profi Ffisioleg Ddynol 50%
• Asesiad 2: Adborth y Cleient ar Ganlyniadau Profion 50%

Hanfodion Seicoleg Chwaraeon (10 credyd)
Pwrpas y modiwl hwn yw edrych ar fodelau damcaniaethol sylfaenol sy'n rhan hanfodol o broses seicoleg chwaraeon ynghyd â'u perthynas â pherfformiad. Bydd y modiwl yn gyflwyniad i egwyddorion seicoleg chwaraeon.

• Asesiad 1: Cyflwyniad ar Gymhwyso Seicoleg Chwaraeon yn Ymarferol 50%
• Asesiad 2: Adfyfyrdod Ysgrifenedig 50%

Datblygu Hunaniaeth Broffesiynol (20 credyd)
Nod y modiwl hwn yw cefnogi myfyrwyr i archwilio amrywiaeth o brofiadau yn yr amgylchedd gwaith er mwyn eu helpu i gynllunio gyrfa ac i ystyried sut mae theori'n cael ei roi ar waith yn y byd go iawn. Trefnir hyn ar y cyd â chyflogwyr lleol/lleoliadau diwydiannol i'w helpu i ddilyn cyfleoedd ar gyfer datblygiad proffesiynol a phersonol.

• Asesiad 1: Adfyfyrion ar y Lleoliad Gwaith 50%
• Asesiad 2: Profiad a Datblygiad Proffesiynol yn y Lleoliad Gwaith 50%

Blwyddyn 2 (Lefel 5)

Ymarfer Proffesiynol ym maes Chwaraeon (20 credyd)
Nod y modiwl hwn yw rhoi cyfle i'r dysgwyr ddadansoddi gwerth eu dysgu mewn cyd-destunau galwedigaethol a gwaith-benodol. Bydd prif ffocws y modiwl hwn yn ymwneud â phwysigrwydd ymarfer sy'n seiliedig ar dystiolaeth a'r ffordd y caiff ei roi ar waith yn y gweithle. ⁠Yn ogystal, bydd myfyrwyr yn parhau i adeiladu eu sgiliau adfyfyriol mewn DPP sy'n gysylltiedig â chymwyseddau yn y byd chwaraeon.

• Asesiad 1: Ymyriadau (Adfyfyrdod Ysgrifenedig) 60%
• Asesiad 2: Cynllun Datblygu Personol 40%

Dulliau Ymchwilio (20 credyd)
Nod y modiwl hwn yw cadarnhau, datblygu ymhellach ac ymestyn gallu'r myfyriwr i ddefnyddio amrediad o sgiliau academaidd yn gywir mewn disgyblaeth benodol. Bydd yn galluogi myfyrwyr i wella eu sgiliau ysgrifennu academaidd a'u sgiliau ymchwilio, datblygu damcaniaethau y gellir eu cyfiawnhau, defnyddio methodolegau ymchwilio a pharatoi yn y pen draw ar gyfer ysgrifennu traethawd hir.

• Asesiad 1: Cyflwyno cynnig ar gyfer prosiect ymchwil 30%
• Asesiad 2: Prosiect Adroddiad Ysgrifenedig 70%

Seicoleg Arweinyddiaeth Hyfforddi (10 credyd)
Prif nod y modiwl hwn yw gwella sgiliau hyfforddi ymarferol ac edrych ar y prif gysyniadau sy'n dylanwadu ar yr amgylchedd hyfforddi a dysgu presennol. Gan ddefnyddio seicoleg, bydd myfyrwyr yn archwilio agweddau allweddol ar sut y gall arweinyddiaeth hyfforddwyr effeithio ar yr amgylchedd dysgu a sut y gellir cymhwyso gwahanol fodelau arweinyddiaeth.

• Asesiad 1: Cynllun Hyfforddi wedi'i Anodi 40%
• Asesiad 2: Sgiliau Arweinyddiaeth (Cyflwyniad Ymarferol) 60%

Optimeiddio Perfformiad Dynol (20 credyd)
Prif nod y modiwl hwn yw adeiladu ar yr hyn a ddysgwyd eisoes am ffisioleg a maeth, gan alluogi myfyrwyr i roi'r wybodaeth hon ar waith o safbwynt gwyddor chwaraeon, gyda'r bwriad o wella perfformiad athletwyr. Bydd myfyrwyr yn archwilio meysydd perfformiad allweddol mewn gwahanol senarios a strategaethau seiliedig ar dystiolaeth y gellir eu defnyddio cyn, yn ystod ac ar ôl ymarfer i ddarparu enillion ymylol ac i helpu i berfformio ar y lefel uchaf bosibl.

• Asesiad 1: Traethawd ar Ddulliau Adfer 50%
• Asesiad 2: Strategaethau Cynnydd (Podcast Chwaraeon) 50%

Datblygu Athletwyr a Phobl Ifanc (20 credyd)
Prif nod y modiwl hwn yw adeiladu ar ddamcaniaeth hyfforddi a'i datblygu i feithrin amgylchedd hyfforddi lle gall athletwyr a phobl ifanc ddatblygu'n gorfforol ac yn emosiynol. Bydd myfyrwyr yn archwilio'r berthynas rhwng amgylchedd hyfforddi a lles cyfranogwyr, tra hefyd yn cydnabod yr angen am ddatblygiad technegol, tactegol, corfforol a seicogymdeithasol.

• Asesiad 1: Datblygu Athletiaeth (Prawf Ymarferol) 60%
• Asesiad 2: Traethawd ar Lesiant Athletwyr 40%

Dadansoddi Perfformiad (10 credyd)
Nod y modiwl hwn yw meithrin gwybodaeth am ddulliau gwahanol o ddadansoddi perfformiad, gan eu rhoi ar waith mewn amrywiol gyd-destunau chwaraeon, a chan ddadansoddi eu heffeithiolrwydd a rhoi i fyfyrwyr sgiliau ymarferol.

• Asesiad 1: Dadansoddi Perfformiad (Astudiaeth Achos) 100%
  • Adran 1: Casglu a dadansoddi data - 70%
  • Adran 2: ⁠Adborth i berfformwyr - 30%

Cryfder, Cyflyru ac Adferiad Cymhwysol (20 credyd)
Pwrpas y modiwl hwn yw rhoi sgiliau ymarferol i fyfyrwyr allu hyfforddi ystod o dechnegau ymarfer corff sy'n gysylltiedig â chryfder a chyflyru. Bydd myfyrwyr hefyd yn dod i ddeall sut i gynllunio a thargedu rhaglenni cryfder a chyflyru a sut y gellir cymhwyso'r egwyddorion hyn er mwyn atal anafiadau.

• Asesiad 1: Cyflwyno Technegau Ymarfer Corff 40%
• Asesiad 2: Cynllun Hyfforddi 30%
• Asesiad 3: Addasu Dulliau Hyfforddi (Arholiad Llafar) 30%