Crefft Peirianneg Lefel 3
Manylion Allweddol
- Ar gael yn:Llangefni, Y Rhyl
- Dull astudio:Llawn Amser
- Hyd:
1-2 flynedd
Crefft Peirianneg Lefel 3Disgyblion sy'n Gadael yr Ysgol
Dewch i gysylltiad am ragor o wybodaeth am sut i wneud cais am y cwrs hwn.
Noder: Rydym yn argymell bod gennych liniadur neu Chromebook y gallwch ei ddefnyddio i gwblhau gwaith yn ddigidol yn eich cartref. Mae gennym Gronfa Cynhwysiant Digidol TG bwrpasol i gefnogi'r dysgwyr hynny nad oes ganddynt ddyfais ddigidol ac sy'n methu â phrynu un.
Disgrifiad o'r Cwrs
Meistroli Sgiliau Peirianneg y mae Galw Mawr Amdanynt
Codwch lefel eich gwybodaeth a'ch sgiliau fel eich bod yn gallu ffynnu mewn swyddi gweithgynhyrchu a swyddi sy'n cynnig cymorth technegol. Bydd y cwrs hwn yn canolbwyntio ar ddisgyblaethau craidd fel melino, turnio, a gwneud a chynnal a chadw offer.
Y bwriad yw meithrin arbenigedd ymarferol: byddwch yn treulio'ch amser yn cyflawni tasgau ymarferol mewn gweithdai sy'n cyrraedd safonau'r diwydiant tra hefyd yn dod i ddeall egwyddorion peirianneg mewn sesiynau dosbarth.
Bydd hyn yn arwain at gymhwyster a gydnabyddir ac a berchir gan gyflogwyr ledled y byd. Ar ôl graddio byddwch yn barod i gymryd cam nesaf – i swydd lawn amser neu brentisiaeth werth ei chael.
Gofynion mynediad
Cyflwynir y rhaglen City and Guilds 2850 drwy gyfuniad o’r dulliau a ganlyn:
- Wedi cwblhau Lefel 2 Crefft Peirianneg yn llwyddiannus neu
- Wedi ennill cymhwyster galwedigaethol lefel 2 cyfatebol
- Wedi ennill profiad gwaith perthnasol a fydd yn cael ei ystyried ar sail unigol
Ynghyd â
- Isafswm o Lefel 1 mewn Cyfathrebu a graddau Aon neu D mewn Saesneg a Mathemateg/Rhifedd gyda'r ddealltwriaeth y bydd gofyn iddynt weithio tuag at ailsefyll Lefel 2 neu TGAU.
Mae'r broses ymgeisio'n cynnwys cyfweliad a fydd yn rhoi cyfle i chi drafod y cwrs.
Cyflwyniad
Bydd y rhaglen yn cael ei chyflwyno drwy gyfuniad o’r canlynol:
- Arddangosiadau ymarferol
- Tasgau gweithdy realistig
- Gweithgareddau ystafell ddosbarth
- Efallai y bydd angen i chi gwblhau 150 awr o brofiad gwaith
Byddwch yn cael tiwtor personol i'ch cefnogi drwy gydol eich cwrs.
Bydd eich rhaglen yn cynnwys cyfuniad o:
- Cymwysterau Sgiliau Hanfodol a/neu
- Ailsefyll TGAU a/neu
- Bagloriaeth Cymru
Bagloriaeth Cymru
Mae Bagloriaeth Cymru'n gymhwyster gwerthfawr a astudir yn aml ochr yn ochr â chwrs llawn amser.
Caiff y cymhwyster, sy'n werth hyd at 120 pwynt UCAS, ei raddio A*–E a bydd yn rhoi i chi sgiliau personol a sgiliau busnes trosglwyddadwy. Mae prifysgolion a chyflogwyr yn ei ystyried yn gymhwyster gwerthfawr.
Yn rhan o'r cymhwyster, byddwch yn dysgu am Ddinasyddiaeth Fyd-eang, Mentergarwch a Chyflogadwyedd, yn cymryd rhan mewn gweithgareddau ymgysylltu â'r gymuned ac yn mynd ar brofiad gwaith.
Sgiliau Hanfodol
Gall hyn gynnwys cyfuniad o Gymhwyso Rhif, Cyfathrebu, Llythrennedd Digidol a Sgiliau Cyflogadwyedd Hanfodol.
Ailsefyll TGAU
Gall hyn gynnwys TGAU Rhifedd/Mathemateg a/neu Gymraeg/Saesneg.
Mathemateg a Chymraeg/Saesneg
Os nad oes gennych radd C neu uwch mewn Mathemateg a/neu Gymraeg/Saesneg, byddwn yn eich cefnogi i ailsefyll y pynciau hyn yn rhan o'ch rhaglen astudio.
Asesiad
Ar y rhaglen, cewch eich asesu drwy gyfuniad o'r dulliau a ganlyn:
- Asesiadau ymarferol
- Asesiadau ar-lein
- Cwestiynau llafar
- Cwestiynau ysgrifenedig
- Taflenni tasgau byr i ddysgwyr eu cwblhau'n annibynnol
Dilyniant
Gallech fynd ymlaen i'r canlynol:
- Prentisiaethau ym maes Peirianneg (Prentisiaeth Lefel 3 mewn Peirianneg)
- Cyflogaeth
Mae cyflogwyr yn rhoi gwerth ar y cymhwyster hwn, a bydd yn eich paratoi i wneud cynnydd proffesiynol.
Mae Prentisiaethau a Phrentisiaethau Uwch hefyd yn ddewisiadau a allai apelio os ydych yn chwilio am waith yn lleol neu gyda chwmnïau cenedlaethol mwy.
Mwy o wybodaeth
Math o gwrs: Disgyblion sy'n Gadael yr Ysgol, Oedolion a Rhan-amser
Lefel:
3
Maes rhaglen:
- Peirianneg
Dwyieithog:
Mae'r rhaglen yma ar gael yn ddwyieithog yn y campws/campysau canlynol:
- Dolgellau
