Diploma Estynedig Cenedlaethol Lefel 3 BTEC…

Manylion Allweddol

Ar gael yn:
Y Rhyl
Dull astudio:
Llawn Amser
Hyd:
2 flynedd. Blwyddyn 1 - Diploma Sylfaen / Blwyddyn 2 - Diploma Estynedig.

Diploma Estynedig Cenedlaethol Lefel 3 BTEC mewn Gwyddoniaeth Fforensig ac Ymchwilio i Droseddau

Disgyblion sy'n Gadael yr Ysgol

Coleg Llandrillo, Y Rhyl

Noder: Rydym yn argymell bod gennych liniadur neu Chromebook y gallwch ei ddefnyddio i gwblhau gwaith yn ddigidol yn eich cartref. Mae gennym Gronfa Cynhwysiant Digidol TG bwrpasol i gefnogi'r dysgwyr hynny nad oes ganddynt ddyfais ddigidol ac sy'n methu â phrynu un.

Disgrifiad o'r Cwrs

Os oeddech chi'n mwynhau TGAU Gwyddoniaeth ac eisiau archwilio sut mae technegau gwyddonol yn cael eu defnyddio mewn gwaith fforensig ac wrth ymchwilio i droseddau, gallai Diploma Lefel 3 BTEC mewn Gwyddoniaeth Fforensig ac Ymchwilio i Droseddau fod y dewis delfrydol i chi. Mae'r cwrs hwn yn cyfuno dysgu yn yr ystafell ddosbarth ag arbrofion ymarferol. Bydd yn eich helpu i ddatblygu eich sgiliau ar gyfer sefyllfaoedd, tasgau a heriau yn y gweithle.

Byddwch hefyd yn meithrin ystod eang o sgiliau trosglwyddadwy a fydd yn cefnogi eich dilyniant ar unrhyw lwybr gyrfa. Gan eu bod yn cael eu gwerthfawrogi'n fawr gan gyflogwyr a phrifysgolion, mae'r sgiliau hyn yn darparu sylfaen gadarn ar gyfer symud i addysg uwch neu'n uniongyrchol i gyflogaeth.

Mae'r cwrs hwn yn cynnwys dau gymhwyster ar wahân. Yn eich blwyddyn gyntaf o astudio, byddwch yn gweithio tuag at Ddiploma Sylfaen Lefel 3.

Ar ôl cwblhau'r cymhwyster hwn yn llwyddiannus, gallwch symud ymlaen i'r Diploma Estynedig.

Mae ein Diplomâu Estynedig yn cynnig pwyntiau UCAS sy'n cyfateb i astudio 3 Lefel A.

Mae'r pynciau a drafodir yn cynnwys

Egwyddorion a Chymwysiadau Gwyddonol
Gweithdrefnau a Thechnegau Gwyddonol Ymarferol
Gweithdrefnau Ymarferol ar gyfer Ymchwiliadau Fforensig
Cymhwyso Troseddeg
Gweithdrefnau Ymarferol ar gyfer Ymchwilio i Droseddau
Cymhwyso Seicoleg Droseddol a Seicoleg Fforensig
Ffisioleg Systemau’r Corff

Gofynion mynediad

I gael lle ar y cwrs hwn, byddwch angen o leiaf un o'r canlynol:

5 TGAU gradd C neu uwch, yn cynnwys Saesneg neu Gymraeg Iaith Gyntaf, Mathemateg a Gwyddoniaeth
Gradd Teilyngdod mewn cymhwyster Lefel 2 perthnasol
Profiad perthnasol mewn diwydiant

Cyflwyniad

Cyflwynir y rhaglen drwy gyfuniad o’r dulliau a ganlyn:

Gwaith grŵp
Dysgu yn y dosbarth
Cefnogaeth tiwtor
Ymweliadau addysgol
MOODLE (amgylchedd dysgu rhithwir)

Asesiad

Asesir y rhaglen drwy gyfuniad o'r dulliau canlynol:

Asesiadau/aseiniadau ymarferol ac ysgrifenedig
Cyflwyniadau ac arddangosiadau
Portffolios gwaith
Perfformio ac arsylwi

Dilyniant

Yn ogystal â'r cynnwys penodol i'r sectorau gwyddoniaeth gymhwysol, gwyddoniaeth fforensig, troseddeg, a seicoleg droseddol a fforensig a amlinellwyd uchod, bydd gofynion y cymhwyster yn golygu bod dysgwyr yn datblygu'r sgiliau trosglwyddadwy uwch sy'n cael eu gwerthfawrogi'n fawr gan addysg uwch a chan gyflogwyr.

Mae'r ystod o gyrsiau gradd addysg uwch y gall dysgwyr symud ymlaen iddynt yn cynnwys: