BSc (Anrh) Gwyddor Chwaraeon (Hyfforddi ym maes Chwaraeon) (Atodol)
Manylion Allweddol
-
Ar gael yn:Llandrillo-yn-Rhos
-
Dull astudio:Rhan amser, Llawn Amser
-
Hyd:
Llawn amser: 1 flwyddyn NEU Rhan-amser: 2 flynedd. Hefyd ar gael fel modiwlau.
Dydd Mercher a Dydd Iau, 9am - 5pm
-
Cod UCAS:CX61
BSc (Anrh) Gwyddor Chwaraeon (Hyfforddi ym maes Chwaraeon) (Atodol)
Cyrsiau Lefel Prifysgol
Rhan Amser
Os ydych yn gwneud cais i astudio'n rhan-amser gallwch gyflwyno cais uniongyrchol i'r campws o'ch dewis.
Llawn Amser
Os ydych yn gwneud cais i astudio'n llawn-amser gallwch gyflwyno cais uniongyrchol i'r campws o'ch dewis.
Disgrifiad o'r Cwrs
Os oes gennych chi eisoes Radd Sylfaen (FdsC) mewn Gwyddor Chwaraeon (Hyfforddi ym maes Chwaraeon) (neu gymhwyster cyfwerth), yna mae'r cwrs hwn yn rhoi cyfle i chi fynd ymlaen i astudio ar lefel 6 ac ennill gradd anrhydedd lawn.
Bydd y rhaglen yn:
- adeiladu ar brofiad presennol ym maes gwyddor hyfforddi a pherfformio chwaraeon, gan ddarparu fframwaith academaidd fanylach
- rhoi cyfle i'r myfyrwyr feithrin a chyfleu gwybodaeth newydd am wyddor hyfforddi a pherfformio chwaraeon, gan herio safbwyntiau blaenorol
- galluogi'r myfyrwyr i ymgymryd â dysgu ac ymchwil annibynnol yn y ddisgyblaeth chwaraeon
- datblygu ymwybyddiaeth feirniadol o'r sgiliau hyfforddi a pherfformio chwaraeon a ddefnyddir mewn sefyllfaoedd amrywiol ym maes chwaraeon
- gwella iechyd ac ymgysylltiad â chwaraeon / gweithgareddau corfforol
- rhoi cyfle i'r myfyrwyr fynd ymlaen i astudiaethau ôl-raddedig ar ôl cwblhau'r cwrs
- datblygu ymwybyddiaeth annibynnol o'r dulliau a ddefnyddir ym maes chwaraeon a sut y defnyddir hwy mewn cyd-destun ehangach
- meithrin sgiliau ymchwiliadol a gwybodaeth bynciol y gall y dysgwyr eu defnyddio i ddatblygu gyrfa yn y sector
Mae modiwlau yn cynnwys:
- Traethawd Estynedig
- Addysgeg Hyfforddi Uwch
- Straen a Gorbryder mewn Chwaraeon
- Gweithgarwch Corfforol ar gyfer Iechyd a Ffitrwydd
- Materion Cyfoes sy’n Ymwneud ag Ymyriadau Perfformiad
Gwybodaeth Ychwanegol
Mae gwybodaeth fanylach am Fodiwlau yn yr adran 'Gwybodaeth Ychwanegol yn ôl Campws/Cwrs'.
Gofynion mynediad
Gofynion academaidd:
Bydd dilyniant i lefel 6 yn digwydd yn uniongyrchol yn achos y myfyrwyr hynny sy'n mynd ymlaen o Radd Sylfaen i Radd BA (Anrh) mewn Gwyddor Hyfforddi a Pherfformio Chwaraeon yn GLlM, yn dilyn cwblhau'r radd sylfaen yn llwyddiannus.
Bydd ymgeiswyr allanol ar gyfer y cwrs lefel 6 yn cael eu hystyried ar sail unigol yn unol â pholisi GLlM ynghylch trosglwyddo credydau, yn seiliedig ar astudiaeth lwyddiannus flaenorol o 120 credyd y lefel (cyfanswm o 240 credyd) mewn cymhwyster cydnaws (o fewn yr amserlen a nodwyd yn y polisi).
Yn unol â rheoliadau a pholisïau GLlM, byddwn yn fodlon ystyried amrywiaeth eang o gymwysterau a phrofiadau proffesiynol eraill gan fyfyrwyr nad ydynt yn bodloni'r gofynion academaidd a nodir uchod. Bydd hyn ar sail cyflwyno portffolio o ddysgu blaenorol i'w achredu (APL/APEL/RPEL)
Gofynion Iaith:
- Yn achos ymgeiswyr o dramor, i gael mynediad ar Lefel 5 neu uwch, dylid bod yn rhugl yn y Saesneg hyd at safon IELTS 6.0 neu uwch (ni ddylai unrhyw elfen fod yn llai na 5.5)
Mae pob lle'n amodol ar gyfweliad boddhaol.
Os nad yw eich cymwysterau yn bodloni'r gofynion mynediad a restrir ar daflen y cwrs, byddem yn parhau i'ch annog i gyflwyno cais am y cwrs sydd o ddiddordeb i chi, gan y bydd llawer o'n cyrsiau yn ystyried dysgwyr ar sail eu profiad gwaith a'u sgiliau blaenorol yn hytrach na'u cymwysterau.
Cyflwyniad
Mae'r cwrs yn cael ei ddarparu drwy gyfuniad o'r canlynol:
- Darlithoedd
- Sesiynau ymarferol
- Dysgu cydweithredol
- Ymweliadau allanol
- Lleoliadau gwaith
- Seminarau
Amserlen
- Llawn amser: 1 blwyddyn, 2 diwrnod yr wythnos (fel arfer 9am - 4:30pm, Dydd Mercher a dydd Iau)
- Rhan-amser: 2 flynedd, 1 diwrnod yr wythnos (fel arfer 9am - 4:30pm)
Yn nodweddiadol bydd pob modiwl 10 credyd yn cymryd tua 100 o oriau dysgu tybiannol, gyda thua 30% yn ddysgu wedi'i amserlennu a gweithgaredd dan arweiniad a 70% yn astudio annibynnol. Gall y dysgu wedi'i amserlennu amrywio fesul modiwl yn dibynnu ar y dull cyflwyno a gofynion cynnwys y pwnc a gall yr astudio annibynnol amrywio'n ôl datblygiad myfyrwyr unigol. Y canllaw i fyfyrwyr yw cynllunio ar gyfer 1200 o oriau dysgu tybiannol y flwyddyn, gyda thua 360 o oriau dysgu wedi’u hamserlennu (dros 30 wythnos fel arfer), sy'n cynnwys oriau ar yr amserlen, lleoliad gwaith, dysgu seiliedig ar gyflogadwyedd a gweithgaredd dan arweiniad, a thua 840 awr o oriau astudio annibynnol yn ystod y flwyddyn astudio.
Byddem yn annog myfyrwyr i barhau â phrofiad gwaith fel rhan o'r arfer da a ddatblygwyd ym modiwlau cyflogadwyedd lefel 4 a 5 gan y byddai hyn yn annog datblygiad personol a phroffesiynol y myfyrwyr ar lefel 6.
Ffioedd
Cymorth Ariannol
Ewch i'n tudalen cymorth ariannol i gael gwybodaeth am yr ystod o gefnogaeth sydd ar gael.
Gall costau ychwanegol fod yn gysylltiedig â'r canlynol:
- Gwiriad DBS
- Dillad chwaraeon GLlM (dewisol: £20-£40)
- Argraffu poster academaidd (£5)
- Hyfforddiant galwedigaethol a phroffesiynol yn y diwydiant (dewisol: Enghraifft – Dyfarniad i Arweinwyr Pêl-droed £70)
- Tripiau Allanol (dewisol: e.e. Cynhadledd ym Mhrifysgol Middlesex i Fyfyrwyr Chwaraeon a Hyfforddi £25)
Cewch wybodaeth fanylach yn eich cyfweliad ac yn y ddogfen dilysu rhaglen am gostau eraill sy'n gysylltiedig â'ch cwrs a'ch lleoliad/profiad gwaith (os yw hynny'n berthnasol).
Dyddiad cychwyn
Mis Medi
Cyswllt
Gydag ymholiadau am gyrsiau penodol, cysylltwch â:
Steve Kehoe (Rhaglen Arweinydd): kehoe1s@gllm.ac.uk
Sian Backhouse (Gweinyddiaeth): backho1s@gllm.ac.uk
Gydag ymholiadau cyffredinol am ein cyrsiau gradd, cysylltwch â: degrees@gllm.ac.uk
Asesiad
Mae'r cwrs yn cael ei asesu drwy gyfuniad o'r canlynol:
- Traethodau
- Adroddiadau
- Ymyriadau Ymarferol
- Asesu Sgiliau Hyfforddi
- Cyflwyniadau
- Astudio Erthyglau'n Feirniadol
- Poster Academaidd
- Astudiaethau Achos
Adborth
Caiff asesiadau eu marcio a'u dychwelyd i fyfyrwyr gydag adborth adeiladol a datblygiadol pan fo hynny'n berthnasol. Mae adborth effeithiol yn cyfuno gwybodaeth sy'n galluogi myfyrwyr i ddeall cryfderau a chyfyngiadau eu perfformiad blaenorol, a gwybodaeth sy'n eu galluogi i ddeall sut y gellid gwella eu perfformiad yn y dyfodol. Bydd myfyrwyr yn derbyn adborth yn brydlon a bydd yr adborth hwn yn cyfiawnhau sut y dyfarnwyd y radd. Caiff myfyrwyr gyfle i fyfyrio ar yr adborth a gawsant ac i nodi eu cryfderau, pethau a fu'n heriol iddynt a meysydd y mae angen eu datblygu, er mwyn gwella eu hasesiad nesaf. Bydd yr adborth yn cynnwys cysylltu tystiolaeth â meini prawf asesu, er mwyn dangos sut y bydd y myfyriwr wedi bodloni'r canlyniadau dysgu.
Dilyniant
Gallai dilyniant i astudiaeth bellach gynnwys:
- mynd ymlaen i ddilyn cwrs ôl-raddedig (gradd meistr neu PhD
- Tystysgrif Addysg i Raddedigion gyda QTS (TAR)
Mae llawer o wahanol fathau o yrfaoedd yn y diwydiant hwn. Mae rhai o’n graddedigion blaenorol wedi mynd ymlaen i yrfaoedd ym maes:
- Addysgu
- Hyfforddi
- Addysg Hyfforddi
- Ffisiotherapi
- Hyfforddiant Personol
- Gwyddor Chwaraeon
Gwybodaeth campws Llandrillo-yn-Rhos
Am bob 10 credyd, dylai myfyrwyr ymgysylltu â thua 100 o oriau tybiannol o ddysgu. Bydd hyn oddeutu 30% o gyswllt dysgu uniongyrchol, a 70% o ddysgu annibynnol i fyfyrwyr.
Gwybodaeth uned
Mae'r cwrs yn cynnwys y modiwlau canlynol:
Lefel 6
Addysgeg Hyfforddi Uwch (20 credyd)
Nod y modiwl hwn yw parhau i feithrin gwybodaeth a dealltwriaeth o ymarfer hyfforddi gan ddatblygu ymwybyddiaeth feirniadol o'r pwnc hefyd. Bydd myfyrwyr yn edrych ar natur gymhleth y berthynas rhwng yr hyfforddwr a'r athletwr a sut y gall ymddygiad hyfforddi gael effaith negyddol ar hyn. Darperir cyfleoedd i roi'r cysyniadau hyn ar waith mewn lleoliadau ymarferol, trwy ymyriadau hyfforddi.
- Asesiad 1: Traethawd ar y berthynas rhwng yr Hyfforddwr a'r Athletwr 50%
- Asesiad 2: Cyflwyniad ar Ymyriadau i Ymddygiad Hyfforddi 50%
Materion Cyfoes sy'n Ymwneud ag Ymyriadau Perfformiad (20 credyd)
Nod y modiwl hwn yw ymchwilio i agweddau ffisiolegol a seicofiolegol blinder corfforol sy'n cyfyngu ar berfformiad a thechnegau ymarfer, ynghyd â'r canfyddiadau anghyson a geir yn y deunyddiau. Bydd myfyrwyr yn parhau hefyd i feithrin sgiliau hyfforddi a chyfarwyddo trwy elfen o asesu ymarferol a thrwy edrych yn feirniadol ar ymyriadau hyfforddi presennol.
- Asesiad 1: Arholiad ar Flinder Corfforol (cwestiwn a ddangosir ymlaen llaw) 50%
- Asesiad 2: Technegau Hyfforddi ac Adolygiad Beirniadol 50%
Traethawd Estynedig (40 credyd)
Pwrpas y modiwl hwn yw adeiladu ar y cynnig ymchwil a chwblhau darn o waith annibynnol. Cyn mynd ati i ymchwilio, rhaid i fyfyrwyr wneud cais a chael sêl bendith y pwyllgor moeseg. Mae gofyn i fyfyrwyr gasglu data gwreiddiol/eilaidd, ei ddadansoddi, a darparu casgliadau ysgrifenedig a seiliwyd ar ddeilliannau gwyddonol.
- Asesiad 1: Llyfryddiaeth Anodedig 20%
- Asesiad 2: Ymchwil Annibynnol 80%
Gweithgarwch Corfforol ar gyfer Iechyd a Ffitrwydd (20 credyd)
Prif fwriad y modiwl yw edrych ar ymarferion sy'n cael eu hargymell, ar sail tystiolaeth, ar gyfer cyflyrau a phoblogaethau penodol ac ar sut y mae'r rhain yn cyfrannu at raglenni hyfforddi sy'n gysylltiedig ag iechyd. Edrychir hefyd ar swyddogaeth ymarferwyr chwaraeon yng nghyd-destun ehangach iechyd a lles y cyhoedd. Bydd myfyrwyr yn adolygu modelau ymddygiad mewn perthynas ag ymarfer corff.
- Asesiad 1: Poster Academaidd 60%
- Asesiad 2: Astudio Erthyglau'n Feirniadol 40%
Straen a Gorbryder mewn Chwaraeon (20 credyd)
Nod y modiwl hwn yw addysgu dysgwyr ynghylch damcaniaethau a modelau gorbryder a'u perthynas â pherfformiad, a rhoi i ddysgwyr y sgiliau a'r wybodaeth sy'n gysylltiedig ag ymyrraeth effeithiol. Bydd myfyrwyr yn dysgu am yr egwyddorion seicolegol sydd wrth wraidd ymddygiad athletwyr ac yn datblygu ffyrdd o hybu perfformiad athletwyr trwy roi theori seicoleg chwaraeon ar waith mewn sefyllfaoedd go iawn.
- Asesiad 1: Traethawd ar Orbryder a Pherfformiad 50%
- Asesiad 2: Cyflwyniad ar Ymyriadau Seicolegol 50%
Mwy o wybodaeth
Math o gwrs: Cyrsiau Lefel Prifysgol
Lefel:
6
Maes rhaglen:
- International
- Chwaraeon ac Addysg Awyr Agored
Sefydliad dyfarnu: Prifysgol Bangor
Dwyieithog:
n/aChwaraeon ac Addysg Awyr Agored
Dewch i wybod mwy am y maes hwn ac i weld ein canllawiau lefelau:
Chwaraeon ac Addysg Awyr Agored
Sefydliad dyfarnu
