BSc (Anrh) Celf 3D a Datblygu Gemau (Atodol)
Manylion Allweddol
-
Ar gael yn:Llandrillo-yn-Rhos
-
Dull astudio:Rhan amser, Llawn Amser
-
Hyd:
Llawn-amser: 1 flwyddyn, NEU Rhan-amser: 2 flynedd
-
Cod UCAS:6T50
BSc (Anrh) Celf 3D a Datblygu Gemau (Atodol)
Cyrsiau Lefel Prifysgol
Rhan Amser
Os ydych yn gwneud cais i astudio'n rhan-amser gallwch gyflwyno cais uniongyrchol i'r campws o'ch dewis.
Llawn Amser
Os ydych yn gwneud cais i astudio'n llawn-amser gallwch gyflwyno cais uniongyrchol i'r campws o'ch dewis.
Disgrifiad o'r Cwrs
Os ydych chi eisoes wedi cwblhau Radd Sylfaen mewn Animeiddio 3D a Datblygu Gemau (neu debyg), mae'r cwrs hwn yn rhoi cyfle i chi symud ymlaen i Lefel 6 ac ennill gradd anrhydedd lawn.
Bydd y cwrs yn adeiladu ar eich sgiliau a'ch gwybodaeth gyda modiwlau i ehangu a mireinio'r sgiliau hyn.
Bydd gwaith unigol a grwp yn eich galluogi i archwilio meysydd sydd o ddiddordeb i chi ac yn datblygu eich gallu i ddysgu'n annibynnol.
Mae Grŵp Llandrillo Menai'n aelod o Raglen Academaidd PlayStation®First sy'n cael ei rhedeg gan Sony Interactive Entertainment Europe (SIEE). Mae'r rhaglen hon yn golygu bod gan staff a myfyrwyr fynediad at adnoddau caledwedd a meddalwedd datblygu proffesiynol.
Lefel 6:
- Prosiect copa
- Prosiect Grŵp 1 – Cynllunio a Phrototeipio
- Prosiect Grŵp 2 – Cwblhau Prosiect
- 3D DatblygedigCynhyrchu Gemau Datblygedig
Gwybodaeth Ychwanegol
Mae gwybodaeth fanylach am Fodiwlau yn yr adran 'Gwybodaeth Ychwanegol yn ôl Campws/Cwrs'.
Gofynion mynediad
Gofynion Academaidd:
- Gradd Sylfaen (FdSc) Celf 3D a Datblygu Gemau, neu gymhwyster arall Lefel 5 mewn disgyblaeth berthnasol.
Pan fo myfyrwyr wedi cael seibiant o'u hastudiaethau ar ôl cwblhau eu Gradd Sylfaen, dylid gwneud ceisiadau am fynediad uniongyrchol trwy'r broses Trosglwyddo Credydau.
Gofynion Iaith:
- TGAU gradd C/4 neu uwch mewn Cymraeg neu Saesneg iaith gyntaf.
- Dylai unrhyw radd, diploma neu dystysgrif gymwys fel a nodir uchod fod wedi cael eu dysgu a'u hasesu yn Gymraeg/Saesneg.
- Ar gyfer ymgeiswyr o dramor, i gael mynediad i Lefel 4: IELTS 5.5 neu'n uwch (heb ddim elfen yn is na 5.0)
- Ar gyfer ymgeiswyr o dramor, i gael mynediad i Lefel 5: IELTS 6.0 neu'n uwch (heb ddim elfen yn is na 5.5).
Mae pob lle'n amodol ar gyfweliad boddhaol.
Os nad yw eich cymwysterau yn bodloni'r gofynion mynediad a restrir ar daflen y cwrs, byddem yn parhau i'ch annog i gyflwyno cais am y cwrs sydd o ddiddordeb i chi, gan y bydd llawer o'n cyrsiau yn ystyried dysgwyr ar sail eu profiad gwaith a'u sgiliau blaenorol yn hytrach na'u cymwysterau.
Cyflwyniad
Mae'r cwrs yn cael ei gyflwyno drwy gyfuniad o'r canlynol:
- Darlithoedd rhyngweithiol
- Tiwtorialau / gweithdai
- Siaradwyr gwadd
- Dysgu sy'n canolbwyntio ar y myfyriwr
- Amgylchedd dysgu rhithwir (MOODLE)
Mae'r dysgu yn gyfranogol ac yn anffurfiol, ac yn llawn cyfleoedd i'r unigolyn archwilio eu creadigrwydd.
Mae'n bosibl hefyd y cewch brofiad gwaith yn y maes yn ystod y cwrs.
Mae'r myfyrwyr yn gyfrifol am drefnu eu profiad gwaith eu hunain os yw'n un o ofynion y rhaglen, a bydd tîm y cwrs yn eu helpu i wneud hynny.
Gall costau ychwanegol fod yn gysylltiedig â'r canlynol:
- Bydd cael cyfrifiadur neu liniadur addas sy'n gallu rhedeg meddalwedd graffeg 3D yn helpu'r myfyrwyr i gyflawni eu horiau dysgu annibynnol.
- Tua £1000
- Gall tripiau nad ydynt yn orfodol gael eu cynnig yn ystod y rhaglen
- Trwyddedau datblygu nad ydynt yn orfodol (e.e. Android) a all arddangos eich gwaith yn allanol. Tua $25, tua £66 yw cost tanysgrifiad i Maxon One
- Lle bo modd, mae'r holl feddalwedd a ddefnyddir ar y rhaglen am ddim, ond mewn rhai achosion fe all myfyrwyr fod eisiau prynu trwyddedau personol i ddefnyddio meddalwedd.
Amserlen
Llawn Amser
- Lefel 6 - dydd Mercher a dydd Gwener, 9am – 5pm
Rhan-amser
- Blwyddyn 1 – dydd Mercher, 9am – 5pm
- Blwyddyn 2 – dydd Gwener, 9am – 5pm
Ffioedd
Cymorth Ariannol
Ewch i'n tudalen cymorth ariannol i gael gwybodaeth am yr ystod o gefnogaeth sydd ar gael.
Cewch wybodaeth fanylach yn eich cyfweliad ac yn y ddogfen dilysu rhaglen am gostau eraill sy'n gysylltiedig â'ch cwrs a'ch lleoliad/profiad gwaith (os yw hynny'n berthnasol).
Dyddiad cychwyn
Mis Medi
Cyswllt:
Gydag ymholiadau am gyrsiau penodol, cysylltwch â:
Joe Owen (Rhaglen Arweinydd): owen10j@gllm.ac.uk
David Clarke (Gweinyddiaeth): clarke1d@gllm.ac.uk
Gydag ymholiadau cyffredinol am ein cyrsiau gradd, cysylltwch â: degrees@gllm.ac.uk
Asesiad
Asesir y cwrs trwy gyfuniad o'r canlynol:
- Adroddiadau
- Portffolios
- Tasgau Celf
- Tasgau Datblygu
- Arddangosiadau
- Cyflwyniadau
Adborth
Caiff asesiadau eu marcio a'u dychwelyd i fyfyrwyr gydag adborth adeiladol a datblygiadol pan fo hynny'n berthnasol. Mae adborth effeithiol yn cyfuno gwybodaeth sy'n galluogi myfyrwyr i ddeall cryfderau a chyfyngiadau eu perfformiad blaenorol, a gwybodaeth sy'n eu galluogi i ddeall sut y gellid gwella eu perfformiad yn y dyfodol. Bydd myfyrwyr yn derbyn adborth yn brydlon a bydd yr adborth hwn yn cyfiawnhau sut y dyfarnwyd y radd. Caiff myfyrwyr gyfle i fyfyrio ar yr adborth a gawsant ac i nodi eu cryfderau, pethau a fu'n heriol iddynt a meysydd y mae angen eu datblygu, er mwyn gwella eu hasesiad nesaf. Bydd yr adborth yn cynnwys cysylltu tystiolaeth â meini prawf asesu, er mwyn dangos sut y bydd y myfyriwr wedi bodloni'r canlyniadau dysgu.
Dilyniant
Gallech ddewis un o'r nifer o wahanol gyrsiau sydd ar gael yn Grŵp Llandrillo Menai, neu gyflogaeth.
Gwybodaeth campws Llandrillo-yn-Rhos
Am bob 10 credyd, dylai myfyrwyr ymgysylltu â thua 100 o oriau tybiannol o ddysgu. Bydd hyn oddeutu 30% o gyswllt dysgu uniongyrchol, 70% o ddysgu annibynnol i fyfyrwyr.
Modiwlau Lefel 6
Prosiect copa (40 credyd)
Nod y modiwl hwn yw creu platfform i'r myfyrwyr archwilio a mireinio sgìl benodol yn y maes datblygu gemau. Disgwylir i'r myfyrwyr nodi, archwilio, a chwblhau prosiect sy'n gysylltiedig â datblygu gemau ac a fydd yn cefnogi eu dyfodol.
Prosiect Grŵp 1: Cynllunio a Phrototeipio (20 credyd)
Mae'r modiwl hwn yn caniatáu i’r myfyrwyr weithio mewn grwpiau o 3-5 fel arfer i archwilio rhan neu rannau dewisol o'r diwydiant cyfrifiadura mewn rhagor o fanylder drwy gyfrwng prosiect a fydd yn rhoi cyfle iddynt ddefnyddio sgiliau a ddysgwyd yn flaenorol a meithrin sgiliau gweithio mewn grŵp. Bydd y myfyrwyr yn dyfeisio ac yn gweithredu'n unol ag amserlenni (y maent yn eu trefnu eu hunain ar y cyd â goruchwyliwr y prosiect), i reoli eu dysgu eu hunain ac i fynd ati'n ymarferol i ymateb i friff prosiect.
Project Grŵp 2: Cwblhau Prosiect (20 Credyd)
Bydd y myfyrwyr yn dilyn yr egwyddorion a amlinellwyd ac a ddysgwyd yn ystod Prosiect Grŵp 1 – Cynllunio a Phrototeipio, ac yn ymgymryd â'r dasg a gynlluniwyd yn ystod semester 1. Bydd angen i'r myfyrwyr gynllunio amserlenni newydd gan gadw at y fethodoleg a ddewiswyd, a chan ddilyn yr amserlenni newydd tan y bydd y prosiect wedi cael ei gwblhau.
3D Datblygedig (20 Credyd)
Pwysleisia’r modiwl hwn rôl cyd-destun mewn dylunio 3D, gan ddysgu'r myfyrwyr i ddatblygu asedau sy'n cyd-fynd â'r naratif a'r bwriad gweledol. Trwy gyfuniad o ymchwil, datblygu cyd-destunol, a mireinio creadigol, bydd y myfyrwyr yn creu modelau manwl ac effeithiol.
Cynhyrchu Gemau Datblygedig (20 Credyd)
Bwriad y modiwl hwn yw galluogi'r myfyrwyr i adeiladu ar y sgiliau datblygu gemau y maent eisoes wedi'u meithrin. Bydd y modiwl yn galluogi'r myfyrwyr i ganolbwyntio ar agweddau penodol ar ddatblygu gemau, a chreu darnau o waith y byddant yn falch o'u dangos yn gyhoeddus. Bydd y modiwl yn sicrhau bod prosiectau'n cael eu cwblhau i safon orffenedig, ac yn addas i'w defnyddio gan y cyhoedd.
Mwy o wybodaeth
Math o gwrs: Cyrsiau Lefel Prifysgol
Lefel:
6
Maes rhaglen:
- Cyfrifiadura, Thechnolegau Digidol a Datblygu Gemau
Sefydliad dyfarnu: Prifysgol Bangor
Dwyieithog:
n/aCyfrifiadura, Thechnolegau Digidol a Datblygu Gemau
Dewch i wybod mwy am y maes hwn ac i weld ein canllawiau lefelau:
Cyfrifiadura, Thechnolegau Digidol a Datblygu Gemau
Sefydliad dyfarnu
