Prentisiaethau mewn Y Sector Ynni

Manylion Allweddol

  • Ar gael yn:
    Work-Based Learning
  • Math o gwrs:
    Prentisiaethau
  • Dull astudio:
    Rhan amser
  • Lefel:
    2+3
  • Maes Rhaglenni:
    Peirianneg a Thechnoleg Ynni
    Y Cyfryngau, Teledu a Ffilm
  • Hyd:

    24 mis

  • Dwyieithog:
    n/a

Disgrifiad o'r Cwrs

Mae'r Sector Ynni'n cynnwys y gweithrediadau a gysylltir â chynhyrchu trydan, ei drawsyrru'n genedlaethol a'i ddosbarthu'n lleol hyd at fesurydd y cwsmer. Mae'r Sector Ynni'n wynebu heriau mawr gan gynnwys gweithlu sy'n heneiddio a galw am grefftwyr a thechnegwyr sydd â'r sgiliau priodol.

Mae'r Brentisiaeth hon yn gyfle i fynd i'r afael â'r prinder sgiliau a nodwyd gan y sector. Bydd yn denu gweithwyr newydd i'r maes drwy ddarparu llwybr strwythuredig ar gyfer cymhwyso a datblygu gyrfa a gellir ei defnyddio hefyd i ddatblygu sgiliau staff presennol. Mae'n rhoi cyfle i gyflogwyr "ddatblygu" eu gweithlu eu hunain mewn meysydd lle mae'n gynyddol anodd recriwtio unigolion sy'n dechnegol gymwys. Mae'r Brentisiaeth yn galluogi cyflogwyr i adnabod rheolwyr y dyfodol ac yn ddefnyddiol ar gyfer cynllunio ar gyfer olyniaeth. Mae iddi hefyd fanteision uniongyrchol megis lleihau trosiant ymhlith staff.

Gofynion mynediad

  • Nid oes angen unrhyw gymwysterau ffurfiol ond byddai profiad o'r diwydiant ynni yn ddymunol
  • Rhaid i bob Prentis fod â chyflogwr a all fodloni meini prawf y NVQ

Mae pob lle'n amodol ar gyfweliad boddhaol.

Cyflwyniad

Darperir mwyafrif yr hyfforddiant yn y gweithle, ond bydd gofyn i'r holl ddysgwyr fynychu sesiynau yn y coleg i gwblhau tasgau a phrofion theori.

Asesiad

  • Cwblhau portffolio o dystiolaeth
  • Arsylwadau yn y gweithle
  • Tasgau a phrofion theori

Dilyniant

Gallech ddewis un o'r nifer o wahanol gyrsiau sydd ar gael yn Grŵp Llandrillo Menai.

A hoffech chi wneud cais am y cwrs hwn?

Ar gyfer cyrsiau Prentisiaeth, rhaid cysylltu a Busnes@LlandrilloMenai ar 08445 460 460