Meistroli Adborth: Canllawiau i Arweinwyr sydd am Ysgogi Perfformiad a Thwf

Mae'r gweithdy ymarferol hwn wedi'i gynllunio ar gyfer arweinwyr, rheolwyr a pherchnogion busnesau sydd eisiau meistroli'r grefft o roi adborth effeithiol. Bydd mynychwyr yn dysgu technegau dilys o gynnig adborth sy'n adeiladol, yn glir, ac yn ymarferol gan feithrin ymddiriedaeth, cymhelliant a pherfformiad o fewn eu timau ar yr un pryd.

Byddwn yn archwilio strategaethau ar gyfer llywio sgyrsiau anodd a chreu diwylliant adborth sy'n cefnogi twf parhaus. P'un a ydych chi'n rheoli tîm neu'n arwain sefydliad, bydd y gweithdy hwn yn eich arfogi â'r sgiliau i wella ymgysylltiad, hybu perfformiad a rhoi hwb i lwyddiant y busnes.

Ydych chi'n gwybod sut i gynnig adborth sy'n cael ei dderbyn yn dda ac sy'n helpu eich tîm i gyrraedd y lefel nesaf? Datgloi potensial eich tîm gyda Gonestrwydd Radical- dull adborth pwerus yn seiliedig ar ofal a pharch. Adeiladu ymddiriedaeth, datrys gwrthdaro, hybu morâl a gwella canlyniadau drwy greu amgylchedd lle mae cyfathrebu agored a gonest yn hybu twf.

⁠Pam Dilyn y Cwrs?

• Deall egwyddorion craidd Gonestrwydd Radical a'i effaith ar arweinyddiaeth effeithiol.

• Dysgu sut i roi a derbyn adborth mewn ffordd sy'n meithrin ymddiriedaeth ac yn annog twf.

• Gallu cymhwyso Gonestrwydd Radical i senarios tîm yn y byd go iawn i wella perfformiad a pherthnasoedd

• Gadael gyda strategaethau ymarferol i ymgorffori Gonestrwydd Radical yn eich arferion arwain a rheoli o ddydd i ddydd.

I bwy mae’n addas?

• Mae'r gweithdy hwn yn addas i:

• Arweinwyr a rheolwyr sy'n gyfrifol am ddatblygiad a pherfformiad tîm

• Perchnogion busnesau sydd eisiau meithrin diwylliant llawn ymddiriedaeth sy'n perfformio'n dda

• Unrhyw un sydd eisiau cynnig adborth mewn modd mwy hyderus, gyda rhagor o eglurder ac sy'n cael effaith gadarnhaol

Peidiwch â cholli'r cyfle hwn i gryfhau eich arddull arwain ac ysbrydoli gwelliannau perfformiad parhaol trwy adborth ystyrlon ac effeithiol.