Gradd Sylfaen (FdA) mewn Addysg ac Astudiaethau Plentyndod

Gwybodaeth Uned

Mae'r cwrs yn cynnwys y modiwlau canlynol:

Blwyddyn 1 (Lefel 4)

Cyflwyniad i Sgiliau Ymchwilio ac Astudio (10 credyd)
Nod y modiwl hwn yw meithrin sgiliau astudio’r dysgwyr, gan eu galluogi i gynhyrchu gwaith ysgrifenedig sy'n academaidd gadarn a'u cyflwyno i sgiliau meddwl yn feirniadol a sgiliau ymchwilio sylfaenol. Bydd yn galluogi myfyrwyr i feithrin sgiliau ysgrifennu academaidd, i ddefnyddio confensiynau academaidd, i chwilio am wybodaeth, i adfyfyrio ac i reoli a rhoi trefn ar eu gwaith. (Portffolio 100%)

Datblygiad Plant (20 credyd)
Mae'r modiwl hwn yn edrych ar y camau datblygu cyffredinol rhwng 0 ac 19 oed ac yn nodi sut mae elfennau'n cydgysylltu fel rhan o ddatblygiad cyfannol. Bydd yn nodi ac yn diffinio ystod eang o ddamcaniaethau ynghylch datblygiad plant, ac yn esbonio sut y cânt eu defnyddio mewn amrywiaeth o gyd-destunau gofal plant a chymorth dysgu. Yn ogystal, bydd yn nodi ac yn diffinio rôl yr oedolyn wrth gefnogi datblygiad plant. (Arholiad 50%, Traethawd 50%)

Arweinyddiaeth ar Waith (10 credyd)
Nod y modiwl hwn yw rhoi trosolwg i'r myfyrwyr o arweinyddiaeth a rheolaeth drwy gynnig diffiniadau eglur o'r ddau. Edrychir ar athroniaethau a damcaniaethau'n gysylltiedig ag arweinyddiaeth a rheolaeth ac ar sut y gellir eu cymhwyso er mwyn cael effaith ar y canlyniadau i blant, pobl ifanc a'u teuluoedd. ⁠ (Adroddiad Adfyfyriol 100%)

Chwarae, Dysgu a'r Cwricwlwm (20 credyd)
Nod y modiwl hwn yw rhoi trosolwg i fyfyrwyr o bwysigrwydd chwarae i ddysgu a datblygu wrth edrych ar y prif ddamcaniaethau a rôl addysgwyr mewn chwarae, dysgu a'r cwricwlwm.

Ar y modiwl bydd y myfyrwyr yn dysgu'r hanfodion sy'n gysylltiedig â nodi anghenion chwarae a dewisiadau plant a phobl ifanc, rôl oedolion wrth gynllunio a chynorthwyo i ddiwallu anghenion chwarae plant a phobl ifanc ac yn dod i ddeall pwysigrwydd darparu cwricwlwm sy'n seiliedig ar chwarae o dan do ac yn yr awyr agored. (Cyflwyniad 40%, Gweithgareddau wedi'u Cynllunio a Gwerthusiadau 60%)

Dulliau Ymddygiad Cadarnhaol (20 credyd)
Bwriad y modiwl hwn yw ehangu eich gwybodaeth am ddulliau ymddygiad cadarnhaol er mwyn cefnogi datblygiad cyfannol trwy feithrin dealltwriaeth ddamcaniaethol drylwyr o'r ffactorau sy'n effeithio ar ymddygiad. Edrychir hefyd ar y modelau a'r dulliau sy'n cefnogi ymddygiad cadarnhaol wrth ystyried polisïau perthnasol y Llywodraeth a'r gweithle. (Astudiaeth Achos 60%, Cyflwyniad 40%)

Datblygiad Proffesiynol Parhaus (20 credyd)
Nod y modiwl hwn yw galluogi dysgwyr i ymestyn eu gwybodaeth a'u sgiliau mewn perthynas ag ymarfer, gan feithrin eu gallu i adfyfyrio a gwella eu hyder a'u sgiliau gwneud penderfyniadau. Byddwch yn cael eich annog i feithrin annibyniaeth a chyfrifoldeb personol yn eich rôl broffesiynol ac o ran eich datblygiad personol eich hun fel eich bod yn gallu gwneud cyfraniad cadarnhaol i fywydau plant a phobl ifanc, ac i'w dysgu, eu datblygiad a'u lles. (Cyflwyniad 40%, Dyddiadur Adfyfyriol 60% a Chofnod o Oriau)

Diogelu Plant a Phobl Ifanc (20 credyd)
Nod y modiwl hwn yw rhoi dealltwriaeth i fyfyrwyr o'r arferion cyfreithiol, moesegol a phroffesiynol sy'n llywodraethu diogelu plant a phobl ifanc. Bydd y modiwl hwn yn rhoi dealltwriaeth i fyfyrwyr o ddamcaniaethau allweddol a themâu cyfoes yn yr agenda ddiogelu gyfredol. Yn ogystal, bydd myfyrwyr yn meithrin gwybodaeth am egwyddorion ac arferion diogelu plant a phobl ifanc, gan gyfeirio'n benodol at sut a pham y mae'r arfer o adrodd a chofnodi cam-drin plant yn hollbwysig mewn lleoliadau plant a lleoliadau dysgu. (Traethawd 60%, Cyflwyniadau Grŵp 40%)

Blwyddyn 2 (Lefel 5)

Plentyndod Gwyrdd: Cynaliadwyedd mewn Plentyndod (20 credyd)
Bydd y modiwl hwn yn edrych ar sut i gyflwyno egwyddorion cynaliadwyedd trwy addysgeg, proses ac ymarfer. Bydd yn trafod ystyr ymarferol addysg ar gyfer cynaliadwyedd ac yn ystyried cyfraniad plentyndod cynnar i gefnogi Nodau Datblygu Cynaliadwy. Bydd perthnasedd pob fframwaith cwricwla yn cael ei ystyried a chysylltiadau'n cael eu gwneud rhwng canllawiau statudol, polisïau ac arferion addysgeg. (Prosiect – Trafodaeth Broffesiynol 40%, adroddiad 60%)

Ymchwil a Dysgu Uwch (20 credyd)
Nod y modiwl yw galluogi myfyrwyr i ddefnyddio amrywiaeth o sgiliau ymchwilio sy'n berthnasol i astudiaethau plentyndod a chymorth dysgu. Bydd gofyn i'r myfyrwyr gael sgiliau o'r radd flaenaf o ran ysgrifennu academaidd a chwilio am wybodaeth, a'r gallu i roi amrediad o ddulliau ymchwilio dilys ar waith. Bydd y myfyrwyr hefyd yn meithrin dealltwriaeth o foeseg ac yn dysgu sut i ystyried pwysigrwydd moeseg wrth ymchwilio. Yn ogystal, bydd y modiwl yn canolbwyntio ar lunio dadleuon sy'n argyhoeddi drwy ddefnyddio dulliau ymchwilio, dadansoddi a gwerthuso dilys. (Llyfryddiaeth wedi'i Anodi 50%, Ffurflen Foeseg 50%)

Safbwyntiau Addysgol Cyfoes (20 credyd)
Bydd y modiwl hwn yn rhoi golwg cyffredinol i'r dysgwyr ar bolisïau a strategaethau addysgol cyfredol, gan roi sylw i'r safbwyntiau addysgol sy'n cystadlu yn erbyn ei gilydd ac asesu'r cysylltiadau â blaenoriaethau addysgol cyfredol yn y Deyrnas Unedig ac yn rhyngwladol. Bydd y myfyrwyr yn dehongli modelau, strategaethau, fframweithiau a chynlluniau sy'n ategu'r dysgu a'r addysgu, a sut y caiff y rhain eu rhoi ar waith. (Traethawd 70%, Gweithdy Prosiect Grŵp 30%)

Proffesiynoldeb, Hunaniaeth Broffesiynol a Gweithio Amlbroffesiwn (20 credyd)
Bydd y modiwl hwn yn canolbwyntio ar broffesiynoldeb a sut y gellir ei ddeall a'i ddiffinio mewn nifer o ffyrdd. Rhoddir sylw i'r ffenomen aml-lefel ac amlweddog sy'n cynnwys materion cymdeithasol-ddiwylliannol, materion sy'n gysylltiedig â rheoleiddio cenedlaethol a gwneud penderfyniadau polisi, yn ogystal â materion sy'n gysylltiedig â chymunedau gwaith a'r unigolion sy'n rhan ohonynt. Edrychir hefyd ar y broses o broffesiynoli ynghyd ag effaith hyn ar weithgareddau a phrofiadau a'r effaith ar y sefydliad. (Poster 40%, Datblygu Gwefan 60% a Chofnod o Oriau)

Iechyd a Lles mewn Plentyndod (10 credyd)
Bydd y modiwl hwn yn meithrin gwybodaeth, sgiliau a dealltwriaeth o bynciau iechyd a lles sy'n berthnasol i blentyndod yng Nghymru a'r Deyrnas Unedig. Bydd yn edrych ar bynciau amrywiol fel iechyd meddwl, bwyta'n iach a hybu iechyd. Ceir cyfle i ddangos dealltwriaeth o sut i gynllunio ar gyfer iechyd a lles plant, a lle y bo'n briodol archwilir y strategaethau amrywiol a ddefnyddir i ddiwallu a hybu iechyd a lles plant. (Prosiect Arddangosfa Wal 100%)

Cefnogi Plant a Phobl Ifanc sydd ag Anghenion Dysgu Ychwanegol⁠ (20 credyd)
Nod y modiwl hwn yw rhoi dealltwriaeth i fyfyrwyr o'r term Anghenion Dysgu Ychwanegol (ADY), yn ogystal â chipolwg ar y gwahanol fathau o ADY a all olygu bod ar blant a phobl ifanc angen cefnogaeth. Bydd y modiwl hwn hefyd yn ystyried pwysigrwydd cydnabod sut y gall plant a phobl ifanc fod yn teimlo, a bydd hyn yn cynnwys cyfeiriadau at iechyd a lles, gwydnwch emosiynol a'r damcaniaethau a'r fframweithiau a ddefnyddir i gefnogi ADY. Yn ogystal, bydd y modiwl yn rhoi cipolwg ar ffactorau allanol a phersonol a all effeithio ymhellach ar y plentyn neu'r person ifanc sydd ag ADY. (Traethawd 50%, Cyflwyniad 50%)

Gweithio gyda Babanod, Plant Ifanc, Teuluoedd a Chymunedau (10 credyd)
Yn y modiwl hwn, canolbwyntir ar sut y gall cydweithio'n effeithiol â rhieni, gwasanaethau ac unigolion allweddol fod o fudd i blant. Bydd yn edrych ar wahanol fodelau o weithio mewn partneriaeth ac yn nodi'r gwerthoedd sy'n sail i arferion da cydnabyddedig, yn cynnwys hyrwyddo a chynnal partneriaethau ac egwyddorion cyfathrebu effeithiol. Bydd hefyd yn edrych ar sut y gall cydweithio'n effeithiol â rhieni ac unigolion allweddol fod o fudd wrth gefnogi plant a rhieni i wynebu newidiadau fel: dechrau mewn meithrinfa; bod yn barod i fynd i'r ysgol; profedigaeth a cholled a newidiadau i strwythur teulu. Ystyrir hefyd sut y gall ymarferwyr weithio gyda theuluoedd a phlant i leddfu effaith newidiadau mewn bywyd. (Cyflwyniad ar Boster 100%)

Cyfleoedd o ran gyrfa:

• Gofalwr Plant
• Gweithiwr Meithrinfa
• Arwain a Rheoli
• Addysgu
• Gweithiwr Cymorth i Deuluoedd
• Mentor Dysgu
• Athro Ysgol Gynradd
• Athro Ysgol Uwchradd
• Athro Anghenion Addysgol Arbennig
• Gweithiwr Cymdeithasol
• Cynorthwyydd Addysgu
• Gweithiwr Ieuenctid
• Seicotherapydd Plant
• Nyrs Plant
• Gweithiwr Datblygu Cymunedol
• Cwnselydd
• Seicolegydd Addysgol
• Therapydd Iaith a Lleferydd

Gwybodaeth Uned

Mae'r cwrs yn cynnwys y modiwlau canlynol:

Blwyddyn 1 (Lefel 4)

Cyflwyniad i Sgiliau Ymchwilio ac Astudio (10 credyd)
Nod y modiwl hwn yw meithrin sgiliau astudio’r dysgwyr, gan eu galluogi i gynhyrchu gwaith ysgrifenedig sy'n academaidd gadarn a'u cyflwyno i sgiliau meddwl yn feirniadol a sgiliau ymchwilio sylfaenol. Bydd yn galluogi myfyrwyr i feithrin sgiliau ysgrifennu academaidd, i ddefnyddio confensiynau academaidd, i chwilio am wybodaeth, i adfyfyrio ac i reoli a rhoi trefn ar eu gwaith. (Portffolio 100%)

Datblygiad Plant (20 credyd)
Mae'r modiwl hwn yn edrych ar y camau datblygu cyffredinol rhwng 0 ac 19 oed ac yn nodi sut mae elfennau'n cydgysylltu fel rhan o ddatblygiad cyfannol. Bydd yn nodi ac yn diffinio ystod eang o ddamcaniaethau ynghylch datblygiad plant, ac yn esbonio sut y cânt eu defnyddio mewn amrywiaeth o gyd-destunau gofal plant a chymorth dysgu. Yn ogystal, bydd yn nodi ac yn diffinio rôl yr oedolyn wrth gefnogi datblygiad plant. (Arholiad 50%, Traethawd 50%)

Arweinyddiaeth ar Waith (10 credyd)
Nod y modiwl hwn yw rhoi trosolwg i'r myfyrwyr o arweinyddiaeth a rheolaeth drwy gynnig diffiniadau eglur o'r ddau. Edrychir ar athroniaethau a damcaniaethau'n gysylltiedig ag arweinyddiaeth a rheolaeth ac ar sut y gellir eu cymhwyso er mwyn cael effaith ar y canlyniadau i blant, pobl ifanc a'u teuluoedd. ⁠ (Adroddiad Adfyfyriol 100%)

Chwarae, Dysgu a'r Cwricwlwm (20 credyd)
Nod y modiwl hwn yw rhoi trosolwg i fyfyrwyr o bwysigrwydd chwarae i ddysgu a datblygu wrth edrych ar y prif ddamcaniaethau a rôl addysgwyr mewn chwarae, dysgu a'r cwricwlwm.

Ar y modiwl bydd y myfyrwyr yn dysgu'r hanfodion sy'n gysylltiedig â nodi anghenion chwarae a dewisiadau plant a phobl ifanc, rôl oedolion wrth gynllunio a chynorthwyo i ddiwallu anghenion chwarae plant a phobl ifanc ac yn dod i ddeall pwysigrwydd darparu cwricwlwm sy'n seiliedig ar chwarae o dan do ac yn yr awyr agored. (Cyflwyniad 40%, Gweithgareddau wedi'u Cynllunio a Gwerthusiadau 60%)

Dulliau Ymddygiad Cadarnhaol (20 credyd)
Bwriad y modiwl hwn yw ehangu eich gwybodaeth am ddulliau ymddygiad cadarnhaol er mwyn cefnogi datblygiad cyfannol trwy feithrin dealltwriaeth ddamcaniaethol drylwyr o'r ffactorau sy'n effeithio ar ymddygiad. Edrychir hefyd ar y modelau a'r dulliau sy'n cefnogi ymddygiad cadarnhaol wrth ystyried polisïau perthnasol y Llywodraeth a'r gweithle. (Astudiaeth Achos 60%, Cyflwyniad 40%)

Proffesiynoldeb, Hunaniaeth Broffesiynol a Gweithio Amlbroffesiwn (20 credyd)
Bydd y modiwl hwn yn canolbwyntio ar broffesiynoldeb a sut y gellir ei ddeall a'i ddiffinio mewn nifer o ffyrdd. Rhoddir sylw i'r ffenomen aml-lefel ac amlweddog sy'n cynnwys materion cymdeithasol-ddiwylliannol, materion sy'n gysylltiedig â rheoleiddio cenedlaethol a gwneud penderfyniadau polisi, yn ogystal â materion sy'n gysylltiedig â chymunedau gwaith a'r unigolion sy'n rhan ohonynt. Edrychir hefyd ar y broses o broffesiynoli ynghyd ag effaith hyn ar weithgareddau a phrofiadau a'r effaith ar y sefydliad. (Poster 40%, Datblygu Gwefan 60% a Chofnod o Oriau)

Diogelu Plant a Phobl Ifanc (20 credyd)
Nod y modiwl hwn yw rhoi dealltwriaeth i fyfyrwyr o'r arferion cyfreithiol, moesegol a phroffesiynol sy'n llywodraethu diogelu plant a phobl ifanc. Bydd y modiwl hwn yn rhoi dealltwriaeth i fyfyrwyr o ddamcaniaethau allweddol a themâu cyfoes yn yr agenda ddiogelu gyfredol. Yn ogystal, bydd myfyrwyr yn meithrin gwybodaeth am egwyddorion ac arferion diogelu plant a phobl ifanc, gan gyfeirio'n benodol at sut a pham y mae'r arfer o adrodd a chofnodi cam-drin plant yn hollbwysig mewn lleoliadau plant a lleoliadau dysgu. (Traethawd 60%, Cyflwyniadau Grŵp 40%)

Blwyddyn 2 (Lefel 5)

Plentyndod Gwyrdd: Cynaliadwyedd mewn Plentyndod (20 credyd)
Bydd y modiwl hwn yn edrych ar sut i gyflwyno egwyddorion cynaliadwyedd trwy addysgeg, proses ac ymarfer. Bydd yn trafod ystyr ymarferol addysg ar gyfer cynaliadwyedd ac yn ystyried cyfraniad plentyndod cynnar i gefnogi Nodau Datblygu Cynaliadwy. Bydd perthnasedd pob fframwaith cwricwla yn cael ei ystyried a chysylltiadau'n cael eu gwneud rhwng canllawiau statudol, polisïau ac arferion addysgeg. (Prosiect – Trafodaeth Broffesiynol 40%, adroddiad 60%)

Ymchwil a Dysgu Uwch (20 credyd)
Nod y modiwl yw galluogi myfyrwyr i ddefnyddio amrywiaeth o sgiliau ymchwilio sy'n berthnasol i astudiaethau plentyndod a chymorth dysgu. Bydd gofyn i'r myfyrwyr gael sgiliau o'r radd flaenaf o ran ysgrifennu academaidd a chwilio am wybodaeth, a'r gallu i roi amrediad o ddulliau ymchwilio dilys ar waith. Bydd y myfyrwyr hefyd yn meithrin dealltwriaeth o foeseg ac yn dysgu sut i ystyried pwysigrwydd moeseg wrth ymchwilio. Yn ogystal, bydd y modiwl yn canolbwyntio ar lunio dadleuon sy'n argyhoeddi drwy ddefnyddio dulliau ymchwilio, dadansoddi a gwerthuso dilys. (Llyfryddiaeth wedi'i Anodi 50%, Ffurflen Foeseg 50%)

Safbwyntiau Addysgol Cyfoes (20 credyd)
Bydd y modiwl hwn yn rhoi golwg cyffredinol i'r dysgwyr ar bolisïau a strategaethau addysgol cyfredol, gan roi sylw i'r safbwyntiau addysgol sy'n cystadlu yn erbyn ei gilydd ac asesu'r cysylltiadau â blaenoriaethau addysgol cyfredol yn y Deyrnas Unedig ac yn rhyngwladol. Bydd y myfyrwyr yn dehongli modelau, strategaethau, fframweithiau a chynlluniau sy'n ategu'r dysgu a'r addysgu, a sut y caiff y rhain eu rhoi ar waith. (Traethawd 70%, Gweithdy Prosiect Grŵp 30%)

Datblygiad Proffesiynol Parhaus (20 credyd)
Nod y modiwl hwn yw galluogi dysgwyr i ymestyn eu gwybodaeth a'u sgiliau mewn perthynas ag ymarfer, gan feithrin eu gallu i adfyfyrio a gwella eu hyder a'u sgiliau gwneud penderfyniadau. Byddwch yn cael eich annog i feithrin annibyniaeth a chyfrifoldeb personol yn eich rôl broffesiynol ac o ran eich datblygiad personol eich hun fel eich bod yn gallu gwneud cyfraniad cadarnhaol i fywydau plant a phobl ifanc, ac i'w dysgu, eu datblygiad a'u lles. (Cyflwyniad 40%, Dyddiadur Adfyfyriol 60% a Chofnod o Oriau)

Iechyd a Lles mewn Plentyndod (10 credyd)
Bydd y modiwl hwn yn meithrin gwybodaeth, sgiliau a dealltwriaeth o bynciau iechyd a lles sy'n berthnasol i blentyndod yng Nghymru a'r Deyrnas Unedig. Bydd yn edrych ar bynciau amrywiol fel iechyd meddwl, bwyta'n iach a hybu iechyd. Ceir cyfle i ddangos dealltwriaeth o sut i gynllunio ar gyfer iechyd a lles plant, a lle y bo'n briodol archwilir y strategaethau amrywiol a ddefnyddir i ddiwallu a hybu iechyd a lles plant. (Prosiect Arddangosfa Wal 100%)

Cefnogi Plant a Phobl Ifanc sydd ag Anghenion Dysgu Ychwanegol⁠ (20 credyd)
Nod y modiwl hwn yw rhoi dealltwriaeth i fyfyrwyr o'r term Anghenion Dysgu Ychwanegol (ADY), yn ogystal â chipolwg ar y gwahanol fathau o ADY a all olygu bod ar blant a phobl ifanc angen cefnogaeth. Bydd y modiwl hwn hefyd yn ystyried pwysigrwydd cydnabod sut y gall plant a phobl ifanc fod yn teimlo, a bydd hyn yn cynnwys cyfeiriadau at iechyd a lles, gwydnwch emosiynol a'r damcaniaethau a'r fframweithiau a ddefnyddir i gefnogi ADY. Yn ogystal, bydd y modiwl yn rhoi cipolwg ar ffactorau allanol a phersonol a all effeithio ymhellach ar y plentyn neu'r person ifanc sydd ag ADY. (Traethawd 50%, Cyflwyniad 50%)

Gweithio gyda Babanod, Plant Ifanc, Teuluoedd a Chymunedau (10 credyd)
Yn y modiwl hwn, canolbwyntir ar sut y gall cydweithio'n effeithiol â rhieni, gwasanaethau ac unigolion allweddol fod o fudd i blant. Bydd yn edrych ar wahanol fodelau o weithio mewn partneriaeth ac yn nodi'r gwerthoedd sy'n sail i arferion da cydnabyddedig, yn cynnwys hyrwyddo a chynnal partneriaethau ac egwyddorion cyfathrebu effeithiol. Bydd hefyd yn edrych ar sut y gall cydweithio'n effeithiol â rhieni ac unigolion allweddol fod o fudd wrth gefnogi plant a rhieni i wynebu newidiadau fel: dechrau mewn meithrinfa; bod yn barod i fynd i'r ysgol; profedigaeth a cholled a newidiadau i strwythur teulu. Ystyrir hefyd sut y gall ymarferwyr weithio gyda theuluoedd a phlant i leddfu effaith newidiadau mewn bywyd. (Cyflwyniad ar Boster 100%)

Cyfleoedd o ran gyrfa:

• Gofalwr Plant
• Gweithiwr Meithrinfa
• Arwain a Rheoli
• Addysgu
• Gweithiwr Cymorth i Deuluoedd
• Mentor Dysgu
• Athro Ysgol Gynradd
• Athro Ysgol Uwchradd
• Athro Anghenion Addysgol Arbennig
• Gweithiwr Cymdeithasol
• Cynorthwyydd Addysgu
• Gweithiwr Ieuenctid
• Seicotherapydd Plant
• Nyrs Plant
• Gweithiwr Datblygu Cymunedol
• Cwnselydd
• Seicolegydd Addysgol
• Therapydd Iaith a Lleferydd