Manylion Allweddol

  • Ar gael yn:
    Dolgellau, Llangefni, Llandrillo-yn-Rhos
  • Math o gwrs:
    Llawn Amser (Addysg Bellach)
  • Dull astudio:
    Llawn Amser
  • Lefel:
    3
  • Maes Rhaglenni:
    Peirianneg a Thechnoleg Ynni
    Cyfrif Dysgu Personol
    International
  • Hyd:

    1-2 flynedd

  • Dwyieithog:

    Mae'r rhaglen yma ar gael yn ddwyieithog yn y campws/campysau canlynol:

    • Dolgellau

Noder: Rydym yn argymell bod gennych liniadur neu lyfr Chrome y gallwch ei ddefnyddio i gwblhau gwaith yn ddigidol yn eich cartref. Mae gennym Gronfa Cynhwysiant Digidol TG bwrpasol i gefnogi'r dysgwyr hynny nad oes ganddynt ddyfais ddigidol ac sy'n methu â phrynu un.

Disgrifiad o'r Cwrs

Mae'r rhaglen yn ddefnyddiol os ydych yn gobeithio mynd ymlaen yn syth i yrfa ym maes Cynnal a Chadw, Gweithrediadau, Dylunio, Peirianneg Cynhyrchu neu Wasanaethau Technegol. Bydd y cwrs hefyd yn eich galluogi i astudio cyrsiau uwch mewn Gweithgynhyrchu, Peirianneg Fecanyddol neu Beirianneg Cynhyrchu.

Mae'r cwrs yn un ymarferol sy'n gysylltiedig â gwaith, a byddwch yn dysgu drwy gwblhau prosiectau ac aseiniadau a seiliwyd ar sefyllfaoedd realistig. Mae cyflogwyr a phrifysgolion yn rhoi gwerth ar y cymhwyster hwn, a bydd yn eich paratoi i wneud cynnydd proffesiynol ac addysgol.

Gofynion mynediad

  • 5 TGAU gradd C neu uwch, yn cynnwys Mathemateg, Saesneg neu Cymraeg, a Gwyddoniaeth, ac o leiaf gradd B mewn Mathemateg (Haen Uwch), NEU
  • Cymhwyster Lefel 2 perthnasol

Rhoddir ystyriaeth i brofiad cyfatebol, gan drin pob cais yn unigol

Rhaid i rai sydd am gael lle ar y rhaglen ddod i gyfweliad.

Cyflwyniad

Cyflwynir y rhaglen drwy gyfuniad o'r dulliau a ganlyn:

  • sesiynau ymarferol yn y gweithdy
  • sesiynau yn y dosbarth
  • gwaith myfyriwr ganolog
  • arddangosiadau
  • trafodaethau
  • tiwtorialau
  • profiad gwaith
  • amgylchedd dysgu rhithwir (MOODLE)

Asesiad

Ar y rhaglen, cewch eich asesu drwy gyfuniad o'r canlynol:

  • aseiniad i'w wneud mewn amser penodol
  • arsylwi parhaus
  • asesu'ch gwaith ymarferol - profion aml-ddewis
  • asesiadau ysgrifenedig dan reolaeth

Dilyniant

Mae prifysgolion yn gyffredinol yn cydnabod y rhaglen hon. Gallech fynd ymlaen i ddilyn nifer o raglenni yng Ngrŵp Llandrillo Menai, gan gynnwys:

  • HNC mewn Peirianneg Gyffredinol
  • HNC/HND mewn Technoleg Fecanyddol
  • HNC/HND mewn Technoleg Drydanol ac Electronig

Ymhlith y graddau Prifysgol posibl mae: Peirianneg Drydanol, Peirianneg Electronig neu Beirianneg Pŵer.

Mae Prentisiaethau a Phrentisiaethau Uwch hefyd yn ddewisiadau a allai apelio os ydych yn chwilio am waith yn lleol neu gyda chwmnïau cenedlaethol mwy.

A hoffech chi wneud cais am y cwrs hwn?

Llandrillo-yn-Rhos
Llangefni