Sgiliau Digidol ar gyfer TG, Rhwydweithio a Datblygu Meddalwedd (Lefel 3)

Manylion Allweddol

  • Ar gael yn:
    Dolgellau, Llangefni, Llandrillo-yn-Rhos
  • Math o gwrs:
    Llawn Amser (Addysg Bellach)
  • Dull astudio:
    Llawn Amser
  • Lefel:
    3
  • Maes Rhaglenni:
    Cyfrifiadura, Thechnolegau Digidol a Datblygu Gemau
  • Hyd:

    1 blwyddyn

  • Dwyieithog:
    n/a

Noder: Rydym yn argymell bod gennych liniadur neu lyfr Chrome y gallwch ei ddefnyddio i gwblhau gwaith yn ddigidol yn eich cartref. Mae gennym Gronfa Cynhwysiant Digidol TG bwrpasol i gefnogi'r dysgwyr hynny nad oes ganddynt ddyfais ddigidol ac sy'n methu â phrynu un.

Disgrifiad o'r Cwrs

A oes gennych chi ddiddordeb mewn gyrfa ym maes Technoleg Gwybodaeth? A fyddech chi'n elwa ar gwrs TG amrywiol a fyddai'n eich paratoi ar gyfer ystod eang o rolau TG? Mae'r rhaglen hon yn rhoi gwybodaeth a sgiliau i chi o nifer o feysydd sy'n greiddiol i Dechnoleg Gwybodaeth a chyfle i ennill cymhwyster Lefel 3 cydnabyddedig.

Mae Technoleg Gwybodaeth yn rhoi cyfle i fyfyrwyr astudio pwnc sy'n agor drysau i lawer o wahanol ddiwydiannau.

Mae'r cwrs hwn yn ddelfrydol os nad ydych yn siŵr ym mha faes TG yr hoffech chi weithio, neu os ydych am ddysgu cymysgedd o sgiliau TG.Byddwch yn astudio amrywiaeth o feysydd arbenigol gan gynnwys caledwedd dylunio a graffeg, datblygu rhaglenni, rhwydweithio a rhaglennu.

Drwy gydol y cwrs, byddwch yn elwa ar gyfleusterau rhagorol gan gynnwys offer aml-gyfrwng, ystafelloedd caledwedd a rhwydweithio yn ogystal â gweithdy TG i astudio ynddo yn eich amser eich hun. Cynigir cyfleoedd i ehangu eich dysg drwy ymweliadau gan siaradwyr gwadd, gweithgareddau grŵp a theithiau.

Mae'r cwrs wedi'i ddiweddaru'n ddiweddar ac wedi ei ddatblygu i alluogi myfyrwyr i feithrin y sgiliau a'r wybodaeth dechnegol sydd eu hangen i weithio yn y diwydiant cyfrifiadurol neu i alluogi dilyniant i gyrsiau gradd addysg uwch mewn technoleg gwybodaeth a meysydd cysylltiedig, megis atebion technoleg ddigidol, rheoli TG ar gyfer busnes, rhwydweithiau cyfrifiadurol a chyfrifiaduron diogelwch neu greadigol.

Gofynion mynediad

I gael lle ar y cwrs hwn byddwch angen o leiaf un o'r canlynol:

  • 5 TGAU gradd C neu uwch, yn cynnwys Mathemateg a Saesneg neu Gymraeg (iaith 1af)
  • Gradd Teilyngdod mewn cymhwyster Lefel 2 perthnasol
  • Profiad perthnasol mewn diwydiant

Mae'r broses ymgeisio'n cynnwys cyfweliad fydd yn rhoi cyfle i chi drafod y cwrs.

Cyflwyniad

Cyflwynir y cwrs drwy gyfuniad o'r dulliau a ganlyn:

  • Darlithoedd
  • Gweithdai
  • Gwaith grŵp
  • Siaradwyr gwadd
  • Amgylchedd dysgu rhithwir (MOODLE)

Asesiad

Asesir y cwrs drwy gyfuniad o'r canlynol:

  • Aseiniadau ysgrifenedig
  • Arsylwadau
  • Profion yn y dosbarth
  • Asesiadau llafar
  • Prosiectau

Dilyniant

Oherwydd bod y cwrs yn cynnig ystod eang o sgiliau TG bydd gennych amrywiaeth o ddewisiadau o ran addysg a chyflogaeth. Gallech fynd ymlaen i gwrs Addysg Uwch, megis:

  • Gradd Sylfaen (FdSc) Animeiddio 3D a Datblygu Gemau
  • Gradd Sylfaen (FdSc) Cyfrifiadura (Rhwydweithio)
  • Gradd Sylfaen (FdSc) Cyfrifiadura (Datblygu Meddalwedd)

Gallech hefyd gwblhau prentisiaeth mewn nifer o gyd-destunau cyfrifiadura.

Os byddwch yn mynd yn syth i waith, gallwch fanteisio ar y meysydd TG yr ydych wedi eu hastudio. Gallwch hefyd barhau i ddatblygu drwy ddilyn cyrsiau proffesiynol Microsoft neu Cisco tra ydych yn gweithio.

A hoffech chi wneud cais am y cwrs hwn?

Llangefni
Dolgellau
Llandrillo-yn-Rhos