Astudiaethau Anifeiliaid Lefel 1
Manylion Allweddol
-
Ar gael yn:Glynllifon
-
Dull astudio:Llawn Amser
-
Hyd:
1 flwyddyn
Astudiaethau Anifeiliaid Lefel 1
Disgyblion sy'n Gadael yr Ysgol
Noder: Rydym yn argymell bod gennych liniadur neu Chromebook y gallwch ei ddefnyddio i gwblhau gwaith yn ddigidol yn eich cartref. Mae gennym Gronfa Cynhwysiant Digidol TG bwrpasol i gefnogi'r dysgwyr hynny nad oes ganddynt ddyfais ddigidol ac sy'n methu â phrynu un.
Disgrifiad o'r Cwrs
Hoffech chi gael gyrfa yn niwydiannau'r tir? A fyddech chi'n elwa o gael hyfforddiant ymarferol?
Cynlluniwyd y cwrs hwn ar gyfer myfyrwyr sydd â rhywfaint o wybodaeth am y diwydiant ac sydd am ddysgu rhagor am bynciau sy'n gysylltiedig â gofalu am geffylau ac anifeiliaid. Bydd yn eich paratoi i ddechrau eich gyrfa, gan ymdrin ag agweddau cyffredinol ac arbenigol ar y maes cyffrous hwn.
Canolbwyntia'r cwrs ar waith ymarferol, gan roi profiad i chi mewn amrywiaeth o feysydd. Byddwch hefyd yn mynychu sesiynau yn y dosbarth i'ch helpu i ehangu'ch gwybodaeth. Byddwch yn elwa ar y cyfleusterau rhagorol sydd yng Nglynllifon ac ar wybodaeth ein staff.
Gofynion mynediad
I gael lle ar y cwrs hwn byddwch angen o leiaf un o'r canlynol:
- 2 TGAU gradd D neu uwch a chael presenoldeb da ym mlwyddyn 11.
- Cwblhau rhaglen Hyfforddeiaeth, Cyn-alwedigaethol, Llwybrau Dysgu neu Gyswllt Ysgolion yn llwyddiannus
- Profiad perthnasol mewn diwydiant
Rhaid i ymgeiswyr sydd eisoes yn astudio yn y coleg wrth bresenoldeb o 86% ar eu cwrs presennol.
Mae'r broses ymgeisio'n cynnwys cyfweliad fydd yn rhoi cyfle i chi drafod y cwrs.
Cyflwyniad
Cyflwynir y rhaglen drwy gyfuniad o'r dulliau a ganlyn:
- Mae'n gwrs ymarferol sy'n cynnwys ychydig o waith dosbarth er mwyn magu gwybodaeth am y gwahanol bynciau.
- Cyflwynir y cwrs ar safle 750 erw Glynllifon lle y ceir fferm, coedwigoedd, canolfan farchogaeth dan do a chanolfan i anifeiliaid. Bydd y rhain yn galluogi i chi astudio mewn amgylchiadau go iawn.
Bagloriaeth Cymru
Mae Bagloriaeth Cymru'n gymhwyster gwerthfawr a astudir yn aml ochr yn ochr â chwrs llawn amser.
Caiff y cymhwyster, sy'n werth hyd at 120 pwynt UCAS, ei raddio A*–E a bydd yn rhoi i chi sgiliau personol a sgiliau busnes trosglwyddadwy. Mae prifysgolion a chyflogwyr yn ei ystyried yn gymhwyster gwerthfawr.
Yn rhan o'r cymhwyster, byddwch yn dysgu am Ddinasyddiaeth Fyd-eang, Mentergarwch a Chyflogadwyedd, yn cymryd rhan mewn gweithgareddau ymgysylltu â'r gymuned ac yn mynd ar brofiad gwaith.
Asesiad
Ar y rhaglen, cewch eich asesu drwy gyfuniad o'r dulliau canlynol:
- Asesiadau ymarferol yn y rhan fwyaf o'r unedau
- Aseiniadau portffolio i ddangos eich dealltwriaeth
Dilyniant
Ar ôl cwblhau'r cwrs hwn yn llwyddiannus, bydd gennych nifer o ddewisiadau.
Gallech fynd ymlaen i ddilyn nifer o raglenni yng Ngrŵp Llandrillo Menai, gan gynnwys:
- Gofalu am Anifeiliaid Lefel 2
- Prentisiaeth Sylfaen Lefel 2 i Gynorthwywyr Nyrsio mewn Lleoliadau Milfeddygol
Mwy o wybodaeth
Math o gwrs: Disgyblion sy'n Gadael yr Ysgol, Oedolion a rhan-amser
Lefel:
1
Maes rhaglen:
- Astudiaethau Anifeiliaid a Nyrsio Milfeddygol
Dwyieithog:
Mae'r rhaglen yma ar gael yn ddwyieithog yn y campws/campysau canlynol:
- Glynllifon
Astudiaethau Anifeiliaid a Nyrsio Milfeddygol
Dewch i wybod mwy am y maes hwn ac i weld ein canllawiau lefelau:
Astudiaethau Anifeiliaid a Nyrsio Milfeddygol
