Rheolwr Maes Rhaglen - Adeiladwaith

Pwpras y swydd - Byddwch yn arwain y gwaith o gyflwyno cwricwlwm dwyieithog o ansawdd uchel ym mhob llwybr dysgu rydym ni'n ei gynnig ym maes Adeiladu – mae hyn yn cynnwys ein darpariaeth lawn amser, prentisiaethau, Addysg Uwch, a'r cwricwlwm 14-19. Gan weithio mewn cyfleusterau o'r radd flaenaf, byddwch yn goruchwylio rheolaeth y cwricwlwm a rheolaeth weithredol ar draws sectorau arbenigol fel Gwaith Trydan, Plymio, Gwaith Saer, Gwaith Brics a Phlastro. Ym mhob disgyblaeth ceir gweithdai sydd wedi'u cynllunio'n bwrpasol ar gyfer addysgu arbenigol a dysgu ymarferol, gan adlewyrchu ein hymrwymiad i ragoriaeth.

Yn y swydd allweddol hon, byddwch yn ysbrydoli ac yn arwain tîm ymroddedig o Ddarlithwyr, Aseswyr a Thechnegwyr i ddarparu addysg ddiddorol, gynhwysol a dwyieithog sy'n cefnogi pob dysgwr i gyrraedd ei botensial llawn. Gan ymwreiddio ein gwerthoedd – cydraddoldeb, gonestrwydd, ymddiriedaeth, tegwch, a pharch – byddwch yn meithrin diwylliant o gydweithio a gwelliant parhaus, gan sicrhau bod eich tîm yn teimlo eu bod yn cael eu cefnogi, eu herio a'u cymell i gynnal y safonau uchaf ym maes addysg a hyfforddiant galwedigaethol.

Gan adeiladu ar gyflawniadau’r gorffennol, byddwch yn arwain y gwaith o gynllunio a datblygu’r cwricwlwm er mwyn sicrhau bod pob rhaglen yn gyfredol, yn berthnasol i’r diwydiant, ac wedi’i theilwra i anghenion unigryw pob llwybr dysgu. Bydd gofyn i chi hefyd ystyried yn ofalus yr angen am gynaliadwyedd ariannol i sicrhau llwyddiant hirdymor.

Bydd rheoli dangosyddion perfformiad allweddol fel presenoldeb, cadw staff a chyflawniad yn ganolog i'ch rôl. Byddwch yn defnyddio eich dealltwriaeth o ddata i wella profiadau dysgwyr ac i feithrin llwyddiant. Ochr yn ochr ag arwain y cwricwlwm, byddwch yn goruchwylio prosesau sicrhau ansawdd hanfodol — gan gynnwys dilysu mewnol, amserlennu a chynllunio asesiadau — ac yn gweithio'n agos gyda thimau cefnogi i sicrhau bod yr holl ddysgwr yn cael yr arweiniad a'r cymorth sydd eu hangen arnynt i ffynnu.

Byddwch yn hanfodol i'r gwaith o ddatblygu partneriaethau cryf rhwng cyflogwyr a rhanddeiliaid er mwyn sicrhau bod y cwricwlwm yn cyd-fynd â gofynion newidiol y sector ac i ehangu cyfleoedd i ddysgwyr. Yn ogystal, byddwch yn cynnal y safonau uchaf o ran diogelu ac ansawdd, gan gynrychioli'r ymddiriedaeth a'r tegwch sy'n sail i ethos ein Coleg.

Mae hwn yn gyfle unigryw i ddod â'ch sgiliau arwain, eich gwybodaeth o'r cwricwlwm, a'ch brwdfrydedd dros addysg ddwyieithog i adran sy'n meddu ar gyfleusterau rhagorol, sy'n edrych i'r dyfodol, ac sydd â gweledigaeth glir ar gyfer twf. Bydd eich cyfraniadau nid yn unig yn adeiladu ar y gwaith rhagorol sydd eisoes ar y gweill ond hefyd yn llywio llwyddiant staff a dysgwyr y dyfodol ar draws pob llwybr adeiladu.