Darlithydd mewn Peirianneg Cerbydau Modur (Gwasanaethu, Cynnal a Chadw neu Atgyweirio’r Corff neu Beintio Cerbyd)
Addysgu i safon uchel, creu cyfleoedd dysgu effeithiol a galluogi'r holl ddysgwyr i gyflawni hyd eithaf eu gallu.
Fel Darlithydd Cerbydau Modur, byddwch yn asesu ac yn cynghori darpar ddysgwyr, yn cynnal cyfweliadau, yn cynnal asesiadau cychwynnol, ac yn adnabod anghenion dysgu tra'n sicrhau eu bod wedi cofrestru gyda'r coleg a chyda cyrff dyfarnu. Byddwch yn cynllunio ac yn cyflwyno Cynlluniau Gwaith a Chynlluniau Gwers diddorol sy'n ymgorffori sgiliau hanfodol, anghenion ieithyddol, a dulliau addysgu amrywiol i fodloni gofynion y dysgwyr. Gan gynnal amgylchedd dysgu diogel ac effeithiol, byddwch yn defnyddio technegau addysgu amrywiol, yn gosod nodau heriol, ac yn meithrin cyfathrebu effeithiol gyda dysgwyr a chydweithwyr. Byddwch yn cefnogi dysgwyr trwy'r cyfnod cynefino, yn cynnig arweiniad academaidd a bugeiliol, ac yn eu helpu i gael mynediad at wasanaethau priodol. Byddwch hefyd yn cynllunio ac yn cyflwyno asesiadau teg, yn darparu adborth adeiladol, ac yn cynnal cofnodion cywir. Gan fyfyrio ar eich ymarfer a'i wella, byddwch yn cymryd rhan mewn datblygiad proffesiynol ac yn cael y wybodaeth ddiweddaraf am ddatblygiadau yn y diwydiant. Yn ogystal, gallwch weithredu fel Tiwtor Personol, Arweinydd Rhaglen, neu Ddilyswr Mewnol, goruchwylio arholiadau, a chydymffurfio â pholisïau iechyd a diogelwch wrth ymgymryd â dyletswyddau perthnasol eraill yn ôl yr angen.
Manylion Swydd
Cyfeirnod y Swydd
CL/161/25
Cyflog
£32,303 - £49,934 y flwyddyn, yn ddibynnol ar gymwysterau a phrofiad
Lleoliad Gwaith
- Y Rhyl
Hawl gwyliau
● 46 diwrnod o wyliau yn flynyddol
● Pob gwyliau cyhoeddus a arsylwir fel arfer, yn cael eu pennu'n flynyddol.
● Hyd at 5 diwrnod o ddiwrnodau cau effeithlonrwydd y flwyddyn, a bennir yn flynyddol.
Patrwm gweithio
37 awr yr wythnos
835 awr o amser addysgu blynyddol – 24 i 26 awr yr wythnos.
Hyd at 5 awr yr wythnos o weithio'r safle gyda chytundeb y rheolwr
Hawliau Pensiwn
Cynllun Pensiwn Athrawon
Math o gytundeb
Llawn Amser Parhaol
Dyddiad cau
04 Gorff 2025
12:00 YH
(Ganol dydd)
Lawrlwythiadau
Sut i wneud cais
Gellir cyflwyno ceisiadau yn y Gymraeg neu’r Saesneg; ni fydd unrhyw gais a gyflwynir yn y Gymraeg yn cael ei drin yn llai ffafriol nac yn arwain at unrhyw oedi.
- Lawrlwythwch eich ffurflen gais a’i chadw ar eich cyfrifiadur/dyfais (e.e. ffolder My Documents neu Downloads).
- Ewch i'r ffolder sy'n cynnwys y ffurflen gais ac agor y PDF gan ddefnyddio rhaglen megis Adobe Acrobat Reader.
Peidiwch ag agor y ddogfen yn eich porwr oherwydd efallai na fyddwch yn gallu ei chadw. - Llenwch y ffurflen, gan gynnwys y ffurflen monitro cyfle cyfartal.
- Anfonwch eich ffurflen gais orffenedig i jobs@gllm.ac.uk. Dylid defnyddio teitl y swydd a ymgeisir admdani fel llinell pwnc eich e-bost.
Cysylltwch a ni drwy ebost jobs@gllm.ac.uk os ydych angen cymorth neu os oes gennych ymholiad pellach.
Mae ein ffurflen gais ar ffurf PDF. Bydd angen rhaglen megis Adobe Acrobat Reader ar eich cyfrifiadur / dyfais i agor a golygu'r ddogfen hon.
Pam gweithio i ni?
Diffiniadau o sgiliau iaith
Canllawiau i Ddarlithwyr
Gwasanaeth Datgelu a Gwahardd (DBS)
Swyddi eraill
Mae gennym nifer o swyddi eraill gan gyflogwyr mewn busnesau bach a mawr ledled yr ardal. Mae'r cyflogwyr a restrir yma'n awyddus i roi cyfle i ddysgwyr Grŵp Llandrillo Menai.
Achrediadau Cyflogaeth
Datganiad Gwrth-hiliaeth
Yng Ngrŵp Llandrillo Menai, rydym yn rhoi blaenoriaeth i'r egwyddorion sylfaenol o Degwch, Parch, Cydraddoldeb, Amrywiaeth, Cynhwysiant ac Ymgysylltu (FREDIE) ym mhob agwedd ar waith y sefydliad. Rydym yn gadarn yn ein hymrwymiad i feithrin gweithle lle mae pob unigolyn yn teimlo ei fod yn cael ei werthfawrogi a'i rymuso.
Rydym yn dathlu amrywiaeth ac yn falch o fod yn gymuned lle gall pob unigolyn ffynnu a chyflawni ei botensial. Safwn yn gadarn yn erbyn pob math o hiliaeth, gwahaniaethu, a rhagfarn. Mae ein perthynas â’r Black Leadership Group yn tanlinellu ein hymrwymiad i ysgogi newid systematig ac i gefnogi tegwch mewn addysg a chyflogaeth.
Fel cyflogwr, rydym wedi ymrwymo i greu gweithlu sy'n adlewyrchu'r cymunedau yr ydym yn eu gwasanaethu. Rydym yn annog ceisiadau gan unigolion o bob cefndir ac yn ymroddedig i sicrhau proses recriwtio gynhwysol a diragfarn.
Tegwch, Parch, Cydraddoldeb, Amrywiaeth, Cynhwysiant ac Ymgysylltu (FREDIE)
- Mae tegwch wrth wraidd ein gweithrediadau, gan sicrhau triniaeth ddiduedd ar bob lefel.
- Mae parch yn arwain ein rhyngweithiadau, gan feithrin diwylliant o empathi.
- Nid nod yn unig yw cydraddoldeb, ond safon ofynnol, gan hyrwyddo cyfle cyfartal waeth beth fo'i gefndir.
- Mae amrywiaeth yn cael ei ddathlu, gan gydnabod cryfder ein gwahaniaethau a sut y gallant ein gyrru ymlaen.
- Mae cynhwysiant yn ffynnu trwy ddeialog agored a llwybrau hygyrch i bob llais.
- Mae ymgysylltu yn hanfodol, gan ein bod yn cynnwys cyflogeion yn weithredol yn y broses o wneud penderfyniadau, gan greu ymdeimlad o berthyn.
Trwy addysg barhaus, ymwybyddiaeth, a mentrau ymroddedig, rydym yn hyrwyddo FREDIE i greu gweithle cytûn a ffyniannus i bawb.
I drafod mater cydraddoldeb ac amrywiaeth, e-bostiwch gt.williams@gllm.ac.uk