Hostel Glynllifon

• Ddillad digonol ar gyfer arhosiad wythnosol
• Duvet, gorchudd duvet, cynfasau, gobennydd a chas gobennydd
• Tywelion
• Cloc larwm
• Sychwr gwallt
• Ychydig o lestri a chyllyll a ffyrc

Dylai pob eitem drydanol gael ei raddio ar gyfer 220-240 folt a chydymffurfio a Safonau Prydeinig Diogelwch perthnasol. Mae angen archwilio a phrofi pob eitem (Gweler Tudalen 15 Rheol 13)

Mae modd i chi ddod ag eiddo personol arall i’r Coleg, ond ni fydd y Coleg yn gyfrifol am unrhyw golled neu ddifrod. Mae drôr a gellir ei gloi wedi cael ei ddarparu ar gyfer cadw arian ac eiddo personol.

Caniateir posteri gan ddefnyddio’r hysbysfwrdd a ddarperir ym mhob ystafell. Mae gosod posteri ar waliau yn debygol o achosi difrod i waith paent ac os bydd hyn yn digwydd efallai y codir bil arnoch am ailaddurno.

Mae pob ystafell yn cael ei archwilio’n wythnosol. Pwrpas yr archwiliadau hyn yw sicrhau bod y coleg a’r trigolion yn cydymffurfio a gofynion iechyd a diogelwch, megis rheoliadau tân, ac yn cydymffurfio a’r amodau preswylio mewn perthynas â materion cadw cyffredinol o fewn yr ystafell wely a’r ystafelloedd cymunedol.

Efallai y bydd contractwyr neu ofalwyr angen mynediad i’ch ystafell o bryd i’w gilydd a rhoddir gwybod i chi ymlaen llaw os bydd angen hyn. Bydd pob ystafell yn cael ei harchwilio’n rheolaidd gan staff glanhau'r hostel, fodd bynnag, cyfrifoldeb y myfyriwr yw gwneud y gwely a chadw’r ystafell yn daclus.

Efallai y byddwch eisiau dod a theledu eich hun gyda chi, fodd bynnag, mae angen i chi sicrhau bod gennych drwydded ar ei gyfer. Mae gennych hawl hefyd i ddod ag eitemau trydanol eraill cyn belled ag y byddwch yn sicrhau nad yw socedi trydan yn cael eu gorlwytho (ni chaniateir tanau trydan neu unrhyw offer a allai gychwyn y larwm mwg neu dân, mae hyn yn cynnwys tegellau ac oergelloedd mewn ystafelloedd gwely unigol).

Os ydych yn anhapus â threfniadau rhannu ystafelloedd, yna dylech fynd at warden yr hostel fel pwynt cyswllt cyntaf ac yna’r Pennaeth Gwasanaethau Dysgwyr a Marchnata er mwyn sicrhau bod y mater yn cael ei ddatrys.

Mae’r wardeniaid yn sicrhau bod rhaid i bawb o dan 18 oed fod yn eu hystafelloedd ddim hwyrach na 11pm. Mae posib i rai sydd dros 18 oed fynd i’w hystafelloedd yn hwyrach, ond mae’n rhaid defnyddio’r ardal gymunedol agosaf i’w ystafell wely ei hun ar ôl 11pm. Mae’r gwardeiniaid hefyd yn cadw llygad ar yr adeilad er mwyn sicrhau nad oes unrhyw berson anawdurdodedig yn cael mynediad i’r safle. Nid yw gormod o sŵn yn dderbyniol ar unrhyw adeg, ond yn arbennig ar ôl 11pm pan fydd preswylwyr eraill yn ceisio cysgu.

Nid yw Grŵp Llandrillo Menai yn caniatáu'r meddiant neu ddefnydd o unrhyw sylweddau anghyfreithlon, gan gynnwys alcohol yn gyffredinol ac yr ydym yn gwahardd ysmygu/feipio unrhyw sylwedd o fewn adeiladau’r coleg.

BYDD UNRHYW FYFYRIWR WEDI EI DDAL GYDAG ALCOHOL NEU SYLWEDDAU ANGHYFREITHLON YN YR HOSTEL YN CAEL EU DISGYBLU YN SYTH. BYDD Y COLEG HEFYD YN CYSYLLTU GYDA RHIENI/GWARCHODWYR.

Ni chaniateir anifeiliaid anwes yn yr hostel.

Casglu allweddi
Cewch eich cynghori yn nes at ddechrau’r tymor pryd a ble i gasglu eich allweddi.

Yswiriant
Ni ellir dal y coleg yn gyfrifol am unrhyw golled/difrod i eiddo myfyrwyr. Mae’r coleg yn cynghori’n gryf eich bod yn cymryd polisi yswiriant personol i gynnwys lladrad/difrod i’ch eiddo a gynhwysir yn eich ystafell ac yn erbyn difrod y gall ei achosi trwy esgeulustod i eiddo coleg.

Trwydded deledu
Mae angen trwydded deledu i wylio neu recordio rhaglenni teledu ar unrhyw ddyfais yr ydych yn ei ddefnyddio (teledu, cyfrifiadur, gliniadur, ffôn symudol neu unrhyw un arall). Os nad oes gennych drwydded rydych mewn perygl o dderbyn dirwy o hyd at £1,000.

Rhestr wirio
Bydd hwn yn cael ei roi i chi pan fyddwch yn cyrraedd yr hostel. Mae er eich budd chi i wirio pob eitem. Os nad ydych yn cytuno a’r rhestr eiddo mewn unrhyw ffordd, trafodwch hyn ag unrhyw un o’r wardeniaid, a fydd yn dod i’ch ystafell i wirio'r anghytundeb gyda chi, a gall unrhyw ddiwygiadau angenrheidiol gael eu gwneud a’i lofnodi gennych chi a'r warden.

Peidiwch â symud eiddo'r hostel o'ch ystafell neu'r hostel, gan y byddwch yn cael eich ystyried yn gyfrifol am unrhyw ddifrod dilynol/colled.

Post
Gall post gael ei gasglu o’r brif dderbynfa yn ystod oriau coleg. Gwnewch yn siŵr bod eich ffrindiau a’ch teulu yn gwybod y cyfeiriad cywir.

Ystafell *eich rhif ystafell*
Hostel Glanrafon,
Coleg Glynllifon,
Ffordd Clynnog,
Caernarfon,
Gwynedd,
LL54 5DU

Parcio car
Mae parcio yn gyfyngedig i’r maes parcio y tu allan i hostel Glanrafon a'r tu allan i’r arena ceffylau. Fel myfyriwr ni chaniateir i chi ddefnyddio eich cerbyd ar safle'r coleg.

Nid yw’r coleg yn gyfrifol am ddiogelwch cerbydau ac mae’n rhaid i fyfyrwyr gael yswiriant digonol. Mae rhaid i bob cerbyd ar y safle gael tocyn parcio ar eu sgrin wynt. Bydd angen cwblhau ffurflen gais os yr ydych yn dymuno dod a cherbyd ar y safle. Mae’r ffurflenni hyn ar gael yn ystod y cyfnod cynefino ac o'r brif dderbynfa trwy gydol y flwyddyn goleg. Nid oes caniatâd i fyfyrwyr i barcio wrth brif adeilad PA@G y coleg. Mae’r safle hwn ar gyfer staff ac ymwelwyr yn unig.

Beiciau
Ni chaniateir storio beiciau mewn ystafelloedd gwely, cynteddau na’r grisiau oherwydd eu bod yn rhwystro allanfeydd tân a gall achosi difrod. Gofynnwch i’r warden am drefniadau storio.

Ymwelwyr
Rydym yn ymdrechu i wneud yr hostel mor groesawgar â phosibl, ac eto sicrhau amgylchedd diogel. Nid yw’r rhai nad ydynt yn drigolion yn gallu cael mynediad i’r hostel. Rhaid i bob ymwelydd adrodd yn uniongyrchol i’r Warden.

Goruchwyliaeth nos
Mae staff ar y safle i’ch goruchwylio tra byddwch yn yr hostel.

Eu prif gyfrifoldebau yw:

• Sicrhau eich bod yn setlo i mewn.
• Sicrhau eich bod yn byw mewn amgylchedd diogel
• Darparu cyngor cyffredinol a chefnogaeth i chi
• Cyd-weithio gyda chi i drefnu gweithgareddau hamdden

Gwacáu
Caiff adeilad ei wacáu pan fo’r perygl y tu mewn i’r adeilad, er enghraifft tân neu ddifrod strwythurol.

Dylai’r holl fyfyrwyr fynd i’r man ymgynnull neu’r lleoliad a gyhoeddwyd. Dylai myfyrwyr ond fynd â’r hyn sydd yn eu meddiant ar y pryd gyda nhw a dilyn y cyfarwyddiadau. Ni ddylai myfyrwyr adael y man ymgynnull nes bod aelod o staff wedi’u cyfarwyddo i wneud hynny.

Os bydd tân, mae gan bob myfyriwr gyfrifoldeb i osgoi risg tân a rhaid iddynt gymryd sylw o’r holl gyngor a roddir, yn ysgrifenedig neu ar lafar, gan y swyddogion tân a staff y llety. Os bydd tân, ewch allan o’r adeilad, gwnewch yn siŵr bod y drysau tân ar gau a seiniwch y larwm tân, os nad yw eisoes wedi’i ganu gan y synhwyrydd mwg/gwres. Arhoswch y tu allan i’r adeilad am gyfarwyddiadau gan y wardeniaid. Caiff y llwybrau gwacáu cywir a’r mannau ymgynnull tân eu dangos i’r myfyrwyr fel rhan o’r Broses Gynefino. Mae methu â gadael yr adeilad yn achos difrifol o dorri eich amodau preswyl a bydd yn arwain at weithdrefnau
disgyblu.

Cloi mewn Argyfwng
Mewn achos o gloi mewn argyfwng, ni chaiff unrhyw un adael yr adeilad na dod i mewn. Rhoddir gweithdrefnau cloi mewn argyfwng ar waith pan fo perygl sylweddol i ddiogelwch. Mae sefyllfaoedd o’r fath yn hynod o brin. Dylai myfyrwyr gloi’r drysau, diffodd y golau ac aros yn dawel ac allan o’r golwg. Dylai myfyrwyr symud i’r ystafell agosaf y gellir ei chloi a rhoi eu ffonau symudol mewn modd tawel ar frys.

Cloi allan mewn Argyfwng
Mewn achos o gloi allan mewn argyfwng, ni chaiff unrhyw un ddod i mewn i’r adeilad. Rhoddir y gweithdrefnau hyn ar waith pan fydd gollyngiad cemegol neu aflonyddwch sifil. Yn ystod achos o gloi allan, dylai pawb fynd i mewn i adeilad arall a fydd yn cael ei gloi. Bydd staff yn gyfrifol am gloi pob drws.

Mae’r ystafelloedd ar gael o 4 y.h ar nos Lun. Bydd bosib adael bagiau mewn safle diogel yn y bore. Bydd yr ystafelloedd yn cau am 3 y.h ddydd Gwener. Nid yw dysgwyr yn cael aros yn yr hostel yn ystod y dydd, dylent fynychu eu gweithgareddau cwrs. Os yw dysgwr yn sâl mae angen iddynt roi gwybod yn y brif dderbynfa, cyn gynted ag y bo modd. Gallwch adael eich pethau yn yr ystafell dros y penwythnos ond ar adegau prin, gall y coleg ofyn i chi adael eich ystafell , ee yn ystod y cyfnod profiad gwaith, neu ar ddiwedd y tymor a chyfnodau gwyliau.

Dylai’r coleg dderbyn o leiaf 24 awr o rybudd gan breswylwyr o’u bwriad i gadw draw dros nos. Rhaid rhoi gwybod i’r cyfeiriad e-bost hostel@gllm.ac.uk a’r Warden am bob absenoldeb. Bydd angen caniatâd rhieni ar bob myfyriwr o dan 18 oed ar neu ar ôl 1 Medi i adael yr hostel.

Yn y pecyn hostel mae ffurflen iechyd myfyriwr i’w chwblhau, mae rhain yn cael eu cadw mewn lle diogel, lle gall y wardeiniaid gael mynediad atynt.

Byddwn yn defnyddio’r ffurflen hon i gysylltu a rhieni/gwarcheidwaid os bydd angen unrhyw sylw meddygol arnoch mewn argyfwng. Os ydych yn cymryd unrhyw feddyginiaeth rhowch wybod i’r wardeiniaid.i’r feddygfa ym Mhenygroes. Nid oes gennych hawl i aros yn eich ystafell hostel yn ystod y dydd coleg os ydych yn sâl.

Os byddwch yn sâl mae’n rhaid i chi fynd i’r brif dderbynfa lle mae ystafell dawel wedi ei ddynodi i chi. Os ydych yn sâl ar fore Llun a methu dychwelyd i’r coleg, dylech roi gwybod i’r coleg. Os oes rhaid i chi ddychwelyd adref oherwydd eich bod yn sâl, yna rydym yn disgwyl i’r rhiant/gwarcheidwad wneud trefniadau angenrheidiol sy’n cynnwys rhoi gwybod i’r coleg.