Gweinyddwr y Cyfriflyfr Pryniadau

Rydym yn chwilio am Weinyddwr Cyfriflyfr Pryniadau trefnus a manwl i ymuno â'n tîm am gyfnod penodol o 6 mis. Mae'r rôl hon wedi'i lleoli yn ein Pencadlys yn y Rhyl, gyda'r opsiwn i weithio o gartref 1 diwrnod yr wythnos.

Rydym yn hapus i ystyried oriau gwaith wythnosol o rhwng 30 a 37.5 awr i unrhyw un sy'n astudio cwrs Gweinyddu Busnes AAT neu BTEC ar hyn o bryd.

Mae Gweinyddwr y Cyfriflyfr Pryniadau yn gyfrifol am reoli trafodion cyflenwyr a sicrhau bod anfonebau'n cael eu prosesu'n amserol ac yn gywir. Mae'r rôl hon yn cynnwys gweithio'n agos gyda thimau mewnol a chyflenwyr i gefnogi gweithrediadau ariannol effeithlon wrth gynnal cofnodion cywir.

Prif Ddyletswyddau:

• Prosesu anfonebau cyflenwyr, gan sicrhau eu bod yn cael eu codio, eu cymeradwyo a'u cofnodi'n gywir yn y system gyllid.
• Paru anfonebau ag archebion prynu a nodiadau dosbarthu, gan ddatrys anghysondebau yn ôl yr angen.
• Sicrhau bod cyfrifon cyflenwyr yn gyfredol, a bod pob trafodyn yn cael ei gofnodi'n gywir.
• Sicrhau bod anfonebau'n cael eu hawdurdodi'n amserol a'u talu yn unol â pholisïau'r cwmni.
• Cynorthwyo gyda phrosesu trafodion Arian Parod a Barclaycard.
• Tracio a chofnodi taliadau pro forma, gan sicrhau cymeradwyaeth a dogfennaeth amserol.
• Dilyn anfonebau treth ar ôl taliadau pro forma i sicrhau cydymffurfiaeth â TAW a chadw cofnodion priodol.
• Cysoni datganiadau cyflenwyr a datrys unrhyw anghysondebau.
• Mynd i’r afael ag ymholiadau mewnol ac ymholiadau gan gyflenwyr yn brydlon ac yn broffesiynol.
• Cefnogi gweithgareddau cau diwedd mis a chynnal ffeilio cywir at ddibenion archwilio.

Sgiliau a Phrofiad:

• Mae profiad blaenorol mewn rôl gyllid neu weinyddol yn ddymunol, ond darperir hyfforddiant.
• Mae bod yn gyfarwydd â systemau cyfrifyddu (e.e., Sage) yn fantais, ond nid yn hanfodol.
• Rhoi sylw craff i fanylion a lefel uchel o gywirdeb.
• Sgiliau rhifedd a threfnu rhagorol.
• Sgiliau cyfathrebu da gyda'r gallu i gysylltu'n effeithiol â chydweithwyr a chyflenwyr.
• Gwybodaeth ymarferol dda o Microsoft Office, yn enwedig Excel.
• Yn rhagweithiol, ac yn llawn cymhelliant, gyda'r gallu i reoli tasgau'n annibynnol.

Nodweddion Personol:

• Chwaraewr tîm gydag agwedd gadarnhaol a rhagweithiol.
• Parodrwydd i ddysgu ac ymgymryd â cyfrifoldebau newydd.
• Meddylfryd o ddatrys problemau sy'n canolbwyntio ar welliant parhaus