Rheolwr Cynlluniau Cymunedol

Prif ddiben y Swydd:

Gweithredu dyletswyddau rheolwr llinell uniongyrchol i staff a rhoi arweiniad i ddarparu

prosiectau yn y maes ieithyddol a chymunedol drwy amrywiol ffynonellau ariannu, bydd hyn

yn cynnwys gweithio tuag at y nod o sicrhau fod Ynys Môn yn parhau yn gadarnle i’r

Gymraeg.

Prif Ddyletswyddau:

• Llunio, gweithredu a monitro dogfennau strategol, yn cynnwys Cynllun Corfforaethol, Cynllun Gweithredu (a chynlluniau gwaith), ac unrhyw ddogfennau eraill ar gyfer cyllidwyr a chefnogwyr.
• Sicrhau fod gwaith y tîm yn cyd-fynd â strategaethau’r Llywodraeth, a’i bod yn cyfrannu at ac yn dylanwadu ar y nodau ac amcanion ar lefel lleol, rhanbarthol a chenedlaethol.
• Cymryd cyfrifoldeb llawn dros y Fenter Iaith a sicrhau cyswllt gyda holl gynlluniau cymunedol perthnasol, a sicrhau perthynas dda gyda rhwydwaith cenedlaethol y Mentrau.
• Cyfarfod gyda chynrychiolwyr o Lywodraeth Cymru, Llywodraeth Leol, partneriaid hybu’r Gymraeg, ysgolion, Colegau a chyrff eraill i adnabod cyfleoedd cydweithio cyson, ac ymestyn cyrhaeddiad ac effaith y gwaith.
• Adrodd yn ôl i arianwyr ar gynnydd a chyflawniadau yn rheolaidd ac i safon uchel.
• Clustnodi adnoddau i weithredu cynlluniau, a chyfrifoldeb am ddenu cyllid i ddatblygu ac ehangu ar waith y tîm yn barhaus.
• Cyfrifoldeb a goruchwyliaeth ar reolaeth ariannol prosiectau cymunedol amrywiol, gan adnabod risgiau, a sicrhau fod defnydd gorau yn cael ei wneud o’r arian.
• Cynnal perthynas weithredol effeithiol gyda phartneriaid allweddol, yn arianwyr a phartneriaid ymarferol – a gweithredu’n rhagweithiol i greu partneriaethau newydd.
• Sicrhau fod cyfleoedd i staff ddatblygu, a chael hyfforddiant perthnasol i’w swydd.
• Sicrhau bod proffil cyhoeddus uchel a chadarnhaol i waith y tîm.
• Cyfrifoldeb am Iechyd a Diogelwch staff, aelodau a gwirfoddolwyr gan sicrhau fod systemau’r cwmni yn cael eu dilyn i ddiogelu pawb.
• Bydd deilydd y swydd yn gynrychiolydd balch o gwmni Menter Môn ac yn gweithio’n rhagweithiol i sicrhau enw da i’r Cwmni