Tystysgrif Estynedig Lefel 2 mewn Gwasanaethau Cyfleusterau ar gyfer Gofal Iechyd

Mae Gwasanaethau Cyfleusterau GIG Cymru yn rheoli, cynnal a gwella eiddo a swyddogaethau'r GIG o fewn y sefydliad, gan weithio mewn partneriaeth i greu amgylcheddau gwaith a gofal iechyd modern, cynaliadwy ac effeithiol. Lluniwyd y cymhwyster hwn er mwyn dysgu'r hanfodion safonol i'r holl staff sy'n gysylltiedig â darparu gwasanaethau cyfleusterau yn y GIG yng Nghymru.

Bwriadwyd y cymhwyster hwn ar gyfer gweithwyr gwasanaethau cyfleusterau sy'n rhoi cymorth mewn ysbytai, yn y gymuned ac mewn cartrefi, o dan gyfarwyddyd amryw o feysydd cyfleusterau. Mae’n cynnig cymhwyster craidd sy’n cydnabod y rolau y mae gweithwyr gwasanaethau cyfleusterau yn eu cyflawni ar hyn o bryd ym maes cyfleusterau ar gyfer y GIG yng Nghymru.

Er mwyn dilyn y cymhwyster hwn, mae’n rhaid i ddysgwyr fod yn gweithio mewn rolau y mae gwasanaethau cyfleusterau yn ganolog i'w rôl. Pwrpas y cymhwyster yw darparu proses safoni ymarfer well yng Nghymru drwy sicrhau ansawdd allanol y maes gwaith hwn.

Hwn yw'r cymhwyster a ffefrir gan GIG Cymru, a'r disgwyliad yw y bydd pob gweithiwr gwasanaethau cyfleusterau yn cael cyfle i gwblhau'r cymhwyster a/neu i lwyddo i gyflawni elfennau ohono ar ddibenion datblygiad proffesiynol parhaus i ategu newidiadau mewn ymarfer dros amser.