Coleg Llandrillo, Coleg Menai, Coleg Meirion-Dwyfor and Busnes@LlandrilloMenai logosColeg Llandrillo, Coleg Menai, Coleg Meirion-Dwyfor and Busnes@LlandrilloMenai logos
Coleg Llandrillo, Coleg Menai, Coleg Meirion-Dwyfor and Busnes@LlandrilloMenai logosColeg Llandrillo, Coleg Menai, Coleg Meirion-Dwyfor and Busnes@LlandrilloMenai logos

BSc (Anrh) Peirianneg Meddalwedd Gymhwysol - Prentisiaeth Gradd

Manylion Allweddol

  • Ar gael yn:
    Llandrillo-yn-Rhos
  • Dull astudio:
    Rhan amser
  • Hyd:

    3 blynedd

Cofrestru
Oes gennych gwestiwn? Cysylltwch â ni!
×

BSc (Anrh) Peirianneg Meddalwedd Gymhwysol - Prentisiaeth Gradd

Cyrsiau Lefel Prifysgol

Rhan Amser

Gwneir ceisiadau am y cwrs hwn drwy wefan Prifysgol Bangor.

Cliciwch yma i wneud cais am y cwrs hwn.

Disgrifiad o'r Cwrs

Sylwch: Nid yw'r cwrs hwn ar gael i fyfyrwyr rhyngwladol.

Datblygwch eich gyrfa ym maes peirianneg meddalwedd gyda Choleg Llandrillo a Phrifysgol Bangor

Cymerwch y cam nesaf yn eich gyrfa ym maes TGCh neu feddalwedd gyda phrentisiaeth gradd sy'n eich galluogi i ennill BSc llawn wrth aros mewn cyflogaeth amser llawn. Mae'r rhaglen hon, wedi'i chyflwyno gan Goleg Llandrillo mewn partneriaeth â Phrifysgol Bangor, yn cynnig llwybr ymarferol a hyblyg i addysg uwch.

I wneud cais: Cysylltwch ag Andrew Scott ar: E-bost: a.scott@gllm.ac.uk neu Ffôn: 01492 546 666 est1440

Mae'r radd peirianneg feddalwedd gymhwysol hon, yn meithrin sgiliau technegol a pherthnasol hanfodol i'r diwydiant. Mae wedi'i chreu ar gyfer gweithwyr proffesiynol sy'n barod i ddatblygu eu harbenigedd

Cost y Cwrs

Mae ein prentisiaethau gradd wedi'u hariannu'n llawn; gall prentisiaid ennill eu Gradd wrth aros yn y gwaith, a bydd y llywodraeth yn talu'r ffioedd.

Byddwch yn ennill profiad mewn:

  • Rhaglennu a Datblygu Meddalwedd
  • Technolegau'r We (HTML5/CSS)
  • Dyluniad profiad defnyddiwr (UX)
  • Datblygu cymwysiadau ar gyfer ffonau symudol
  • Egwyddorion a methodoleg peirianneg meddalwedd
  • Hanfodion seiberddiogelwch

Yn eich blwyddyn olaf, byddwch yn:

  • Cwblhau prosiect estynedig yn seiliedig ar waith,
  • Cymhwyso'ch dysgu'n uniongyrchol o fewn eich sefydliad.

Byddwch hefyd yn archwilio:

  • technolegau newydd a thechnolegau sy'n dod i'r amlwg
  • Ystyriaethau moesegol⁠
  • Deall sut i lunio tirwedd ddigidol heddiw.

Meini Prawf Mynediad

I fod yn gymwys, rhaid i chi:

  • Bod yn byw ac yn gweithio yng Nghymru ar hyn o bryd
  • Yn cael eich cyflogi mewn rôl berthnasol am o leiaf 16 awr
  • Cael cefnogaeth eich cyflogwr
  • Cymhwyster Galwedigaethol Lefel 3, neu 3 Lefel A gradd C neu uwch neu brofiad priodol
  • ⁠Diploma Mynediad i Addysg Uwch
  • Ystyrir pob ymgeisydd yn unigol a bydd disgwyl iddynt ddod i gyflweliad ffurfiol.

Os nad yw eich cymwysterau yn bodloni'r gofynion mynediad a restrir ar daflen y cwrs, byddem yn parhau i'ch annog i gyflwyno cais am y cwrs sydd o ddiddordeb i chi, gan y bydd llawer o'n cyrsiau yn ystyried dysgwyr ar sail eu profiad gwaith a'u sgiliau blaenorol yn hytrach na'u cymwysterau.

Gofynion mynediad

I fod yn gymwys, rhaid i chi:

  • Bod yn byw ac yn gweithio yng Nghymru ar hyn o bryd
  • Yn cael eich cyflogi mewn rôl berthnasol am o leiaf 16 awr
  • Cael cefnogaeth eich cyflogwr
  • Cymhwyster Galwedigaethol Lefel 3, neu 3 Lefel A gradd C neu uwch neu brofiad priodol
  • ⁠Diploma Mynediad i Addysg Uwch
  • Ystyrir pob ymgeisydd yn unigol a bydd disgwyl iddynt ddod i gyflweliad ffurfiol.

Os nad yw eich cymwysterau yn bodloni'r gofynion mynediad a restrir ar daflen y cwrs, byddem yn parhau i'ch annog i gyflwyno cais am y cwrs sydd o ddiddordeb i chi, gan y bydd llawer o'n cyrsiau yn ystyried dysgwyr ar sail eu profiad gwaith a'u sgiliau blaenorol yn hytrach na'u cymwysterau.

Os nad yw eich cymwysterau yn bodloni'r gofynion mynediad a restrir ar daflen y cwrs, byddem yn parhau i'ch annog i gyflwyno cais am y cwrs sydd o ddiddordeb i chi, gan y bydd llawer o'n cyrsiau yn ystyried dysgwyr ar sail eu profiad gwaith a'u sgiliau blaenorol yn hytrach na'u cymwysterau.

Cyflwyniad

Ble byddwch chi'n astudio eich Prentisiaeth Gradd ochr yn ochr â gweithio:

  • Blwyddyn 1: Coleg Llandrillo yn Llandrillo-yn-Rhos.
  • Blwyddyn 2: Coleg Llandrillo yn Llandrillo-yn-Rhos
  • Blwyddyn 3: Prifysgol Bangor

Pam dewis Prentisiaeth Gradd yng Ngholeg Llandrillo?

  • Ennill gradd prifysgol wrth barhau i weithio
  • Dysgu gan ddarlithwyr arbenigol a gweithwyr proffesiynol profiadol yn y diwydiant
  • Dim ffioedd dysgu – wedi’i ariannu’n llawn ar gyfer dysgwyr cymwys yng Nghymru
  • Cymhwyso gwybodaeth a sgiliau newydd yn uniongyrchol i'ch swydd

⁠Hyd y Cwrs

  • Mae Prentisiaethau Gradd yn cyfuno gwaith llawn amser ag astudio rhan-amser.
  • Byddwch yn y gwaith am bedwar diwrnod yr wythnos.
  • Byddwch yn cwblhau 1 diwrnod llawn o astudio wyneb yn wyneb yn y coleg ac 1 noson o astudio o bell.
  • Cwblheir pob gradd dros 3 blynedd neu 6 blynedd yn rhan-amser.

Asesiad

Cyflwynir yr addysgu trwy ddarlithoedd rhyngweithiol, tiwtorialau a gweithdai. Mae'r dysgu yn ymarferol ac yn ddamcaniaethol. Byddwch yn cael eich asesu drwy amrywiaeth o ddulliau, megis aseiniadau ymarferol a damcaniaethol, adroddiadau, cyflwyniadau llafar, gwaith prosiect, portffolios ac aseiniadau mewn tîm, ac asesu yn y gwaith drwy brosiectau a thrwy adeiladu portffolio.

Dilyniant

Ar ôl cwblhau'r BSc mewn Peirianneg Meddalwedd Gymhwysol yn llwyddiannus, bydd gennych sail gref mewn egwyddorion cyfrifiadura craidd, arferion datblygu meddalwedd, a thechnegau peirianneg modern. Mae'r sgiliau a ddatblygir drwy gydol y rhaglen yn agor ystod eang o gyfleoedd gyrfa ar draws y sector ddigidol a'r sector dechnoleg. Mae'r graddedigion wedi'u paratoi'n dda i symud ymlaen i rolau fel datblygu meddalwedd, peiriannydd systemau, datblygu apiau gwe neu apiau dyfeisiadau symudol, a swyddi arbenigol eraill o fewn y diwydiant cyfrifiadura ehangach.

Gyda phrofiad ymarferol ochr yn ochr â chyflawniad academaidd, byddwch mewn sefyllfa i symud ymlaen yn eich rôl bresennol neu i archwilio cyfleoedd newydd mewn maes sy'n esblygu ac sydd mewn galw mawr.

Ffeithiau pwysig

  • Fel arfer, bydd myfyrwyr yn ymgymryd ag astudiaeth academaidd am un diwrnod ac un noson yr wythnos dros dair blynedd.
  • Yn ystod y cyfnod hwn, mae myfyrwyr yn parhau i weithio am bedwar diwrnod yr wythnos gyda'u cyflogwr presennol, gan ennill profiad ymarferol yn y gwaith.
  • Bydd astudio yn ystod y dydd a gyda'r nos yng Ngholeg Llandrillo, ac yna ym Mhrifysgol Bangor am y flwyddyn olaf.
  • Mae'r ddwy flynedd gyntaf o astudio yn digwydd yng Ngholeg Llandrillo.
  • Yn y flwyddyn olaf, mae pob myfyriwr yn cwblhau eu hastudiaethau ym Mhrifysgol Bangor.
  • Byddwch yn graddio gyda gradd BSc lawn o Brifysgol Bangor.

Gwybodaeth am fodiwlau'r cwrs  Llandrillo-yn-Rhos

Blwyddyn 1
Dylunio a Rheoli Cronfeydd Data (20 credyd)
Systemau Cyfrifiadurol (10 credyd)
Cyflwyniad i Raglennu (20 credyd)
Modelu Data (10 credyd)
Dylunio Gwefannau Hygyrch (10 credyd)
Creu a Rheoli Gwefannau Hygyrch (20 credyd)
Sgiliau ymchwil ac astudio (10 credyd)
Dysgu seiliedig ar gyflogadwyedd 1 (20 credyd)

Blwyddyn 2
Datblygu Technoleg i Ddyfeisiau Symudol (20 credyd)
Rhaglennu sy'n Canolbwyntio ar Wrthrychau (20 credyd)

Cyflwyniad i Ganolwedd (10 credyd)
Rheoli Prosiectau ar gyfer Gweithwyr Proffesiynol ym maes Cyfrifiadura (10 credyd)
Seiberddiogelwch a Thechnoleg y Dyfodol (20 credyd)

Dulliau ymchwil a sgiliau astudio (20 credyd)
Dysgu yn seiliedig ar gyflogadwyedd 2 (20 credyd)

Blwyddyn 3
Astudiaeth Prototeipio Meddalwedd (20 credyd)
Datblygu Meddalwedd Cynhyrchu – Prosiect Ymchwil (20 credyd)
Peirianneg Meddalwedd (20 credyd)
Diogelwch Cyfrifiadurol a Diogelwch Rhwydwaith (20 credyd)
Rhaglenni Busnes a Mentergarwch (20 credyd)
Profiad Defnyddiwr (UX) a HCI (20 credyd)

Mwy o wybodaeth

Math o gwrs: Cyrsiau Lefel Prifysgol

Lefel: 4-6

Maes rhaglen:

  • Cyfrifiadura a Thechnolegau Digidol

Sefydliad dyfarnu: Prifysgol Bangor

Cyfrifiadura a Thechnolegau Digidol

Dewch i wybod mwy am y maes hwn ac i weld ein canllawiau lefelau:

Cyfrifiadura a Thechnolegau Digidol

Darlithydd yn dysgu myfyrwyr am AI a roboteg

Sefydliad dyfarnu