Tylino Therapi Harddwch Lefel 3

Manylion Allweddol

Ar gael yn:
Bangor, Llandrillo-yn-Rhos
Dull astudio:
Llawn Amser
Hyd:
1 flwyddyn

Gwnewch gais

Oes gennych gwestiwn? Cysylltwch â ni!

Tylino Therapi Harddwch Lefel 3

Llawn Amser (Addysg Bellach)

Bangor

Apply now

Llandrillo-yn-Rhos

Apply now

Noder: Rydym yn argymell bod gennych liniadur neu Chromebook y gallwch ei ddefnyddio i gwblhau gwaith yn ddigidol yn eich cartref. Mae gennym Gronfa Cynhwysiant Digidol TG bwrpasol i gefnogi'r dysgwyr hynny nad oes ganddynt ddyfais ddigidol ac sy'n methu â phrynu un.

Disgrifiad o'r Cwrs

Ydych chi'n gobeithio dilyn gyrfa yn y diwydiant sba neu'r maes holistig? Bydd gyrfa o'r fath yn eich herio, yn eich ysbrydoli ac yn rhoi i chi ddewis eang o gyfleoedd gyrfaol.

Ar yr ochr ymarferol, byddwch yn dysgu sut i dylino'r corff, yn dysgu am therapi cerrig, tylino gan ddefnyddio olewau aromatherapi, tylino yn y dull Indiaidd, a sut i roi lliw haul ffug a thrin clustiau â chanhwyllau Hopi. Mae electrotherapi i'r wyneb hefyd yn opsiwn.

O ran theori, byddwch yn dysgu am anatomeg a ffisioleg yn eu manylder, er mwyn cael sylfaen ar gyfer datblygu'ch sgiliau ymarferol.

Gofynion mynediad

I gael lle ar y cwrs hwn byddwch angen o leiaf un o'r canlynol:

Gradd Llwyddo mewn cymhwyster Lefel 2 perthnasol
Profiad perthnasol mewn diwydiant

Mae'r broses ymgeisio'n cynnwys cyfweliad fydd yn rhoi cyfle i chi drafod y cwrs.

Cyflwyniad

Cyflwynir y cwrs drwy gyfuniad o'r canlynol:

Arddangosiadau
Gwaith grŵp
Gweithdau theori
Sesiynau ymarferol mewn amgylchedd gwaith realistig (RWE)
Profiad gwaith

Bydd eich rhaglen yn cynnwys cyfuniad o:

Cymwysterau Sgiliau Hanfodol a/neu
Ailsefyll TGAU a/neu
Bagloriaeth Cymru

Bagloriaeth Cymru

Mae Bagloriaeth Cymru'n gymhwyster gwerthfawr a astudir yn aml ochr yn ochr â chwrs llawn amser.

Caiff y cymhwyster, sy'n werth hyd at 120 pwynt UCAS, ei raddio A*–E a bydd yn rhoi i chi sgiliau personol a sgiliau busnes trosglwyddadwy. Mae prifysgolion a chyflogwyr yn ei ystyried yn gymhwyster gwerthfawr.

Yn rhan o'r cymhwyster, byddwch yn dysgu am Ddinasyddiaeth Fyd-eang, Mentergarwch a Chyflogadwyedd, yn cymryd rhan mewn gweithgareddau ymgysylltu â'r gymuned ac yn mynd ar brofiad gwaith.

Sgiliau Hanfodol

Gall hyn gynnwys cyfuniad o Gymhwyso Rhif, Cyfathrebu, Llythrennedd Digidol a Sgiliau Cyflogadwyedd Hanfodol.

Ailsefyll TGAU

Gall hyn gynnwys TGAU Rhifedd/Mathemateg a/neu Gymraeg/Saesneg.

Mathemateg a Chymraeg/Saesneg

Os nad oes gennych radd C neu uwch mewn Mathemateg a/neu Gymraeg/Saesneg, byddwn yn eich cefnogi i ailsefyll y pynciau hyn yn rhan o'ch rhaglen astudio.