Coleg Llandrillo, Coleg Menai, Coleg Meirion-Dwyfor and Busnes@LlandrilloMenai logosColeg Llandrillo, Coleg Menai, Coleg Meirion-Dwyfor and Busnes@LlandrilloMenai logos

Manylion Allweddol

  • Ar gael yn:
    Llangefni, Llandrillo-yn-Rhos, Pwllheli, Y Rhyl, Dolgellau
  • Dull astudio:
    Llawn Amser
  • Hyd:

    1-2 flynedd

Gwnewch gais
×

Lefel AS/A Cemeg

Llawn Amser (Addysg Bellach)

Dolgellau
Llangefni
Pwllheli
Llandrillo-yn-Rhos

Wyt ti'n gwneud cais am fwy nag un pwnc Safon Uwch? Gelli di wneud cais o'r dudalen hon a bydd cyfle i ti ychwanegu pynciau Safon Uwch eraill ar ddiwedd y broses ymgeisio.

Noder: Rydym yn argymell bod gennych liniadur neu Chromebook y gallwch ei ddefnyddio i gwblhau gwaith yn ddigidol yn eich cartref. Mae gennym Gronfa Cynhwysiant Digidol TG bwrpasol i gefnogi'r dysgwyr hynny nad oes ganddynt ddyfais ddigidol ac sy'n methu â phrynu un.

Disgrifiad o'r Cwrs

Hoffech chi ddatblygu eich sgiliau gwyddonol ar lefel uwch? Mae Lefel A Cemeg yn bwnc allweddol wrth baratoi ar gyfer y rhan fwyaf o yrfaoedd o natur wyddonol, ac fe'i hystyrir yn fuddiol iawn fel cefndir i ddilyn gyrfa yn y byd ariannol neu fusnes.

Mae hefyd yn bwnc gwerthfawr a diddorol yn ei rinwedd ei hun. Mae Cemeg yn rhan greiddiol o Wyddoniaeth. Golyga astudio'r byd naturiol er mwyn canfod patrymau cemegol ymddygiadau.

Mae'r cwrs hwn yn datblygu eich dealltwriaeth o gemeg, y cysyniadau sylfaenol a'u goblygiadau ymarferol. Mae hefyd yn cynnwys agweddau ar beirianneg ac yn darparu gwybodaeth sylfaenol ar gyfer amrywiaeth o yrfaoedd. Mae'n ffurfio baratoad gwerthfawr ar gyfer Addysg Uwch, a sgiliau rhesymegol, ymchwilio trefnus yn berthnasol i bob disgyblaeth.

Mae'r cwrs yn addas os ydych yn fyfyriwr ymroddedig ac wedi ennill graddau Mathemateg a Cemeg/Gwyddoniaeth dda ac ar lefel TGAU. Bydd y cwrs yn gwella eich diddordeb yn y pwnc a'i chymwysiadau ehangach, sy'n eich galluogi i ragori. Dylai pob myfyriwr fod â diddordeb mewn gwyddoniaeth a'i chymwysiadau ehangach, a rhaid iddynt fod yn barod i ddarllen o amgylch y pwnc.

Gall ddilyn y cwrs fel rhan o raglen lawn-amser o astudio ar y cyd â phynciau eraill AS, neu o bosibl â chymwysterau Lefel 3 eraill. Mae Cemeg yn cyfuno'n arbennig o dda gyda phynciau gwyddonol eraill, ond bydd ein staff yn barod i'ch helpu i lunio rhaglen addas ar gyfer eich anghenion.

Gwybodaeth uned

AS Uned 1: IAITH CEMEG, STRWYTHUR MATER AC ADWEITHIAU SYML

Mae'r uned hon yn ymdrin â'r meysydd astudio a ganlyn:

Fformiwlâu a hafaliadau, syniadau sylfaenol ynghylch atomau, cyfrifiadau cemegol, bondio, adeileddau solet, Y Tabl Cyfnodol ac ecwilibria syml ac adweithiau asid-bas.

AS UNED 2: EGNI, CYFRADD A CHEMEG CYFANSODDION CARBON

Mae'r uned hon yn ymdrin â'r meysydd astudio a ganlyn:

Thermocemeg, cyfraddau adweithio, effaith ehangach cemeg, cyfansoddion organig, hydrocarbonau, halogenoalcanau, alcoholau ac asidau carbocsilig a dadansoddi cyfrannol.

A2 UNED 3: CEMEG FFISEGOL AC ANORGANIG

Mae'r uned hon yn ymdrin â'r meysydd astudio a ganlyn:

Rhydocs a photensial electrod safonol, adweithiau rhydocs, cemeg y bloc-p, cemeg y metelau trosiannol bloc-d, cineteg gemegol, newidiadau enthalpi ar gyfer solidau a hydoddiannau, entropi a dichonoldeb adweithiau, cysonion ecwilibriwm ac ecwilibria asid-bas

A2 UNED 4: CEMEG ORGANIG A DADANSODDI

Mae'r uned hon yn ymdrin â'r meysydd astudio a ganlyn:

Stereoisomeredd, aromatigedd, alcoholau a ffenolau, aldehydau a chetonau, asidau carbocsilig a'u deilliadau, aminau, asidau amino, peptidau a phroteinau, synthesis organig a dadansoddi.

Gofynion mynediad

Wyt ti'n bwriadu gwneud cais i ddilyn cwrs Lefel A? Dewisa 'Gwneud Cais' ar gyfer unrhyw un o'r pynciau mae gen ti ddiddordeb yn ei astudio. Gelli nodi dy ddau bwnc Lefel A arall wrth wneud y cais ar-lein.

Ceir gridiau o'r pynciau Safon Uwch sy'n cael eu cynnig ar bob campws yn yr adran Lefel A ar y wefan.

I gael lle ar y cwrs hwn byddwch angen:

  • 6 TGAU gradd C neu uwch, yn cynnwys Saesneg neu Gymraeg Iaith Gyntaf
  • TGAU gradd BB mewn Gwyddoniaeth (Dwyradd) neu TGAU gradd B mewn Cemeg. TGAU gradd C mewn Mathemateg (Haen Uwch) neu TGAU gradd B mewn Rhifedd (Uwch/Canolradd).

Mae'r broses ymgeisio'n cynnwys cyfweliad fydd yn rhoi cyfle i chi drafod y cwrs.

Mae dilyniant i Lefel A yn ddibynnol ar eich perfformiad yn eich arholiadau AS.

Cyflwyniad

Ystyrir bod myfyrwyr yn bobl greadigol sy'n gwneud eu synnwyr eu hunain o ffenomenâu y dônt ar eu traws. Mae'r cwrs yn cynnwys cymaint o ddysgu drwy brofiad ag sy'n bosib. Adlewyrchir hyn yn y gweithgareddau dysgu sy'n cynnwys:

  • gweithio mewn grwpiau
  • astudio'n annibynnol
  • adrodd
  • darllen
  • trafod
  • ymweliadau addysgol
  • MOODLE (amgylchedd dysgu rhithiol)
  • Dysgu Cyfunol (defnyddio rhaglenni dysgu digidol yn annibynnol ac yn y labordy)

Bydd eich rhaglen yn cynnwys cyfuniad o:

  • Cymwysterau Sgiliau Hanfodol a/neu
  • Ailsefyll TGAU a/neu
  • Bagloriaeth Cymru
Bagloriaeth Cymru

Mae Bagloriaeth Cymru'n gymhwyster gwerthfawr a astudir yn aml ochr yn ochr â chwrs llawn amser.

Caiff y cymhwyster, sy'n werth hyd at 120 pwynt UCAS, ei raddio A*–E a bydd yn rhoi i chi sgiliau personol a sgiliau busnes trosglwyddadwy. Mae prifysgolion a chyflogwyr yn ei ystyried yn gymhwyster gwerthfawr.

Yn rhan o'r cymhwyster, byddwch yn dysgu am Ddinasyddiaeth Fyd-eang, Mentergarwch a Chyflogadwyedd, yn cymryd rhan mewn gweithgareddau ymgysylltu â'r gymuned ac yn mynd ar brofiad gwaith.

Sgiliau Hanfodol

Gall hyn gynnwys cyfuniad o Gymhwyso Rhif, Cyfathrebu, Llythrennedd Digidol a Sgiliau Cyflogadwyedd Hanfodol.

Ailsefyll TGAU

Gall hyn gynnwys TGAU Rhifedd/Mathemateg a/neu Gymraeg/Saesneg.

Mathemateg a Chymraeg/Saesneg

Os nad oes gennych radd C neu uwch mewn Mathemateg a/neu Gymraeg/Saesneg, byddwn yn eich cefnogi i ailsefyll y pynciau hyn yn rhan o'ch rhaglen astudio.

Asesiad

Asesir y Lefel AS yn ystod y flwyddyn gyntaf ac asesir y Lefel A yn ystod yr ail flwyddyn.

  • AS: 2 arholiad ddiwedd Mai/dechrau Mehefin, ar ddiwedd y flwyddyn gyntaf (yn werth 40% o'r Lefel A gyfan); ac
  • A2: Arholiad Ymarferol - mis Mawrth yr ail flwyddyn, a 2 arholiad fis Mehefin yr ail flwyddyn (yn werth 60% o'r Lefel A gyfan).

Dilyniant

Beth bynnag a gewch, Lefel A lawn neu Lefel AS, bydd gennych gymhwyster ychwanegol a fydd o gymorth i chi fynd yn eich blaen.

Byddwch yn ennill pwyntiau UCAS ac yn gallu gwneud cais ar gyfer ystod o gyrsiau Addysg Uwch mewn llawer o sefydliadau, yn cynnwys Grŵp Llandrillo Menai. Byddwch hefyd yn cael cyfleoedd ar gyfer cyflogaeth, a bod eich meddwl yn rhesymegol a bydd sgiliau ymarferol yn cael eu gwerthfawrogi gan gyflogwyr.

Os byddwch yn dewis parhau â'ch astudiaethau mewn pwnc cysylltiedig, mae yna gyrsiau gradd ar gael mewn cemeg, peirianneg gemegol, biocemeg, gwyddoniaeth fiomoleciwlaidd, gwyddoniaeth fforensig a gwyddorau sy'n gysylltiedig â bwyd.

Mae'r llwybrau gyrfaol a gysylltir â Lefel A mewn Cemeg yn cynnwys Cemeg, Ynni Amgen, Peirianneg Gemegol, y Gwasanaeth Iechyd, Meteleg, Gwyddoniaeth Amgylcheddol, y Diwydiant Niwclear, Petroleg Biocemeg, Deintyddiaeth, Fferylliaeth, Gwyddoniaeth Filfeddygol a Meddygaeth.

Byddwch hefyd mewn sefyllfa dda i ddilyn gyrfa mewn addysgu, y lluoedd arfog neu yn y diwydiant cosmetig. Bydd eich astudiaethau ar y cwrs Lefel A yn eich helpu i wneud dewis gwybodus gan yr opsiynau sydd ar gael.

Mwy o wybodaeth

Math o gwrs: Llawn Amser (Addysg Bellach)

Lefel: 3

Maes rhaglen:

  • International
  • Lefel AS/A

Dwyieithog:

Mae'r rhaglen yma ar gael yn ddwyieithog yn y campws/campysau canlynol:

  • Dolgellau
  • Pwllheli

Lefel AS/A