Lefel A
Mae ein canolfannau Chweched Dosbarth yn gam nesaf delfrydol i chi os ydych yn gobeithio mynd ymlaen i brifysgol neu i waith ar ôl dilyn eich cyrsiau Lefel A.
Yn y coleg, cewch gyfleoedd gwych i wneud ffrindiau newydd, i roi cynnig ar rywbeth newydd ac i gael ychydig o annibyniaeth.
Ein Canolfannau Chweched Dosbarth:
- Dwyfor
- Meirionnydd
- Menai
- Llandrillo-yn-Rhos
- Y Rhyl
Enillodd 97.1% o'r dysgwyr raddau A* i E yn 2023.
Yn ogystal, mae ein colegau'n rhan o gynllun Rhwydwaith Seren Llywodraeth Cymru, a gynlluniwyd i gefnogi'r rhai mwyaf galluog i wireddu eu potensial academaidd yn llawn ac i gael lle yn y prifysgolion gorau.
Dilynir cyrsiau Safon Uwch dros ddwy flynedd, gan ennill eich cymwysterau UG yn y flwyddyn gyntaf, a’r cymwysterau Safon Uwch llawn yn yr ail flwyddyn.
Bydd angen i chi ddewis lleiafrif o 3 pwnc Safon Uwch.
Mae'n bosibl i chi ganfod rhestr o'n holl bynciau Safon Uwch yma.
Mae Grŵp Llandrillo Menai yn y 10% uchaf yn genedlaethol am gynnydd eithriadol ein dysgwyr Safon Uwch (yn seiliedig ar adroddiadau darparwyr ALPS*).
*Mae ALPS (A Level Performance System) yn system sy'n cyfrifo sgôr ar sail y cynnydd a wneir gan fyfyrwyr rhwng eu canlyniadau TGAU (neu gymwysterau cyfwerth) a'u canlyniadau Safon Uwch. Mae'r sgôr yn cymharu'r graddau Safon Uwch a gafodd y myfyrwyr â'r graddau roedd disgwyl iddynt eu cael ar sail eu cyrhaeddiad ar lefel TGAU (neu ganlyniadau cyfwerth).
Mae Sgôr ALPS yn fesur o'r gwerth a ychwanegodd ysgol neu goleg i raddau Safon Uwch eu myfyrwyr. Mae sgôr gadarnhaol yn dangos bod yr ysgol neu'r coleg wedi helpu eu myfyrwyr i gael graddau Safon Uwch gwell na'r disgwyl ar sail eu cyrhaeddiad blaenorol.
Defnyddir sgôr ALPS mewn ysgolion a cholegau fel dangosydd perfformiad er mwyn asesu eu heffeithiolrwydd wrth wella canlyniadau eu myfyrwyr.
Lefel A - Coleg Llandrillo (Llandrillo-yn-Rhos/Rhyl)
I gael rhagor o wybodaeth am gyrsiau Safon Uwch ar gampws Llandrillo-yn-Rhos neu'r Rhyl, lawrlwythwch ein llawlyfr diweddaraf. Mae'r llawlyfr hefyd yn cynnwys grid o'r pynciau Safon Uwch a gynigir.
Lefel A - Dolgellau
I gael rhagor o wybodaeth am gyrsiau Safon Uwch ar gampws Dolgellau, lawrlwythwch ein llawlyfr diweddaraf. Mae'r llawlyfr hefyd yn cynnwys grid o'r pynciau Safon Uwch a gynigir.
Lefel A - Pwllheli
I gael rhagor o wybodaeth am gyrsiau Safon Uwch ar gampws Pwllheli, lawrlwythwch ein llawlyfr diweddaraf. Mae'r llawlyfr hefyd yn cynnwys grid o'r pynciau Safon Uwch a gynigir.
Llangefni
Dewch i weld rhestr o'r holl gyrsiau Lefel-A sy'n rhedeg ar ein campws yn Llangefni.
Mwy o Ddewis
Rydym yn cynnig dros 30 o gyrsiau Lefel AS/A a gyflwynir gan diwtoriaid profiadol a chymwys dros ben. Gan fod dewis mor eang ar gael, rydych yn siŵr o ddod o hyd i bynciau sy'n addas i chi.
Yn ogystal, byddwch yn astudio Bagloriaeth Cymru sy'n cyfateb i gymhwyster Lefel A llawn ac yn werth pwyntiau UCAS gwerthfawr a fydd yn eich galluogi i fynd ymlaen i astudio mewn prifysgol
Mwy o Gefnogaeth
Rydym yn gofalu am ein myfyrwyr ac am wneud yn siŵr eich bod yn wirioneddol fwynhau eich amser yn astudio gyda ni! Bydd eich Tiwtor Personol yn eich helpu i ymgynefino â bywyd yn y coleg a bydd yn cynllunio ac yn adolygu'ch cynnydd er mwyn gwneud yn siŵr eich bod yn cyrraedd eich targedau – beth bynnag fo'r rheini.
Yn ogystal, bydd ein Tîm cyfeillgar sy'n darparu Gwasanaethau i'r Dysgwyr ar gael i roi cyngor, arweiniad a chefnogaeth i chi ar amrediad o faterion, yn cynnwys: cymorth i astudio, cyngor gyrfaol, cwnsela cyfrinachol a chyngor ar faterion ariannol.
Mwy o Gyfleoedd
Mae astudio ar un o'n campysau Chweched Dosbarth yn gyfle delfrydol i wneud ffrindiau newydd, i ddysgu sgiliau newydd a dod o hyd i ddiddordeb neu hobi newydd. Fel un o'n myfyrwyr, byddwch hefyd yn gallu ymuno ag amrywiaeth o glybiau colegol: o glybiau chwaraeon a gweithgareddau hamdden i gymdeithas ddadlau a'r gymdeithas LGBT+.
Wrth astudio pynciau Lefel A yn ein canolfannau Chweched Dosbarth, cewch gyfle i fynd ar deithiau, gwneud gwaith maes a mynychu sgyrsiau a seminarau sy'n ymwneud â diwydiannau perthnasol.
Mwy o Gyfleusterau
Yn ein canolfannau Chweched Dosbarth ceir cyfarpar modern ac amgylcheddau gweithio sy'n adlewyrchu'r byd go iawn. Pan na fyddwch mewn dosbarth, cewch ddefnyddio'r amrywiol gyfleusterau, yn cynnwys y llyfrgelloedd, y ganolfan chwaraeon a'r gampfa, neu ymlacio gyda phaned o goffi yn un o'n caffis a ffreuturau niferus.
Mwy o Lwyddiant
Mae myfyrwyr sy'n astudio gyda ni'n cael canlyniadau gwych!
Enillodd 84% o'r dysgwyr raddau A* i C yn eu harholiadau Lefel A a chafodd dros draean y dysgwyr raddau A* ac A yn 2022.
Caiff ein myfyrwyr gefnogaeth pan fyddant yn gwneud cais am leoedd mewn prifysgolion, gan dderbyn arweiniad craff gan diwtoriaid personol profiadol. Mae cymorth ar gael hefyd i baratoi at gyfweliadau mewn prifysgolion a gallwn eich helpu i ddod o hyd i brofiad gwaith perthnasol.