Cyfleusterau Chwaraeon yn Llangefni

Cyfleuster o safon fyd-eang sy’n cynnig amrywiaeth o gyfleoedd chwaraeon. Mae marciau ar y llawr ar gyfer chwarae badminton, pêl fasged, pêl rwyd a futsal/pêl-law. Mae’r neuadd chwaraeon hefyd yn cynnig cyfleoedd i chwarae criced gan ddefnyddio’r offer gorau posibl.

Mae’r stiwdio yn gyfleuster o’r ansawdd uchaf, sy’n cynnwys llawr sbring ar gyfer cynnal amrywiaeth o weithgareddau megis ioga, dawnsio a sesiynau ymarfer corff dwys. Bydd y stiwdio hefyd yn cynnal dosbarthiadau sbin gyda 18 o feiciau sbin.

Mae’r gampfa berfformio yn cynnwys offer o’r radd flaenaf gan gynnwys ystod o gyfarpar cardiofasgwlaidd megis peiriannau sgïo ERGS, peiriannau rhwyfo, beiciau awyru, melinau traed a melinau traed awyru. Mae offer ychwanegol gan gynnwys pwysau sefydlog a phwysau rhydd, slej, bagiau pwysau pŵer a phwysau tegell hefyd ar gael i’w defnyddio.

Rydym yn falch bod gennym staff cymwys a phrofiadol o’r sectorau chwaraeon a gwasanaethau cyhoeddus. Mae’r rhain yn cynnwys cyn-chwaraewyr rygbi a phêl-droed elitaidd, cyn-aelodau o’r lluoedd arfog, yr heddlu a swyddogion y gwasanaethau diogelu y gall ein dysgwyr fanteisio’n uniongyrchol ar eu profiadau.

Mae’r labordy ffisioleg ymarfer corff yn gyfleuster sy’n arwain y sector AB o ran asesu ystod eang o agweddau ar iechyd a ffitrwydd, gydag offer yn cynnwys:

• Melin draed h/p/cosmos quasar gyda bwa diogelwch a system dadansoddi nwy douglas bag i asesu V02 max.
• Ergomedrau beicio Monark a Wattbike er mwyn cynnal ystod o brofion Aerobig/Anaerobig.
• Dadansoddwr cyfansoddiad corff Seca mBCA515 er mwyn cynnal dadansoddiad cyfansoddiad corff llawn o radd feddygol.
• System sbirometreg gyfrifiadurol Spiroscout er mwyn asesu gweithrediad yr ysgyfaint.

Yn ogystal â’r uchod, mae gan y labordy nifer o galiperau tegyll Harpenden, offer profi cryfder a phŵer Takei, ac offer mesur lactad pwysedd gwaed ac mae’r rhain oll yn rhoi profiadau dysgu unigryw i’n dysgwyr.