Darlithydd Iechyd a Gofal Cymdeithasol, neu Gofal Plant (Cyfnod Mamolaeth)
Byddwch yn ymuno â thîm o ddarlithwyr sy'n gyfrifol am ddarparu Addysg Bellach ac/neu Addysg Uwch ar gyrsiau Iechyd a Gofal Cymdeithasol a Gofal Plant. Mae oddeutu 200 o fyfyrwyr yn astudio'n ddwyieithog yn yr Adran Iechyd a Gofal ar draws y ddau gampws yn Nolgellau a Phwllheli. Rydym yn cynnig cyrsiau Lefel 2 a Lefel 3, gan gynnwys Iechyd a Gofal Cymdeithasol a Gofal Plant yn ogystal â cwrs Mynediad i Addysg Uwch (Gofal Iechyd), cwrs Lefel 4 i Lefel 6 Iechyd a Gofal Cymdeithasol a’r Bagloriaeth Cymru.
Croesewir ceisiadau yn arbennig gan unigolion sydd â phrofiad diweddar o weithio ym maes nyrsio / gofal iechyd / gwaith cymdeithasol / gofal cymdeithasol / gofal a datblygiad plant - rolau lle mae gennych ddealltwriaeth gadarn o ddeddfwriaeth, polisi a materion cyfoes cyfredol yn y sector Datblygiad ac Addysg Plant neu'r sector Gofal Iechyd.
Disgwylir i'r ymgeisydd llwyddiannus ddysgu ar y cyrsiau Addysg Bellach ac/neu Addysg Uwch yn unol â'u maes arbenigedd. Bydd eich dyletswyddau'n cynnwys paratoi a chyflwyno darlithoedd diddorol i'n dysgwyr ynghyd â'r gwaith gweinyddu, asesu a sicrhau ansawdd sy'n gysylltiedig â hynny.
Mesurir llwyddiant ein hadran gan y dysgu o ansawdd uchel a'r cyfleoedd a gynigir i'n dysgwyr. Yng nghanlyniadau Lefel-A Iechyd a Gofal Cymdeithasol Haf 2025, llwyddodd ein myfyrwyr gyda chyfradd llwyddiant o 100%. Mae ein myfyrwyr yn aml yn cyflawni graddau uwchlaw’r cymhardd cenedlaethol. Ym Mhwllheli, llwyddodd 95% i basio gyda graddau A*-C yn y Diploma Iechyd a Gofal Cymdeithasol yn 2025/26. Llwyddodd 92% i basio’r cymhwyster gofal plant gyda Gradd A-C.
Byddem hefyd yn croesawu ceisiadau gan ymgeiswyr sydd â diddordeb mewn rhannu swydd.
Manylion Swydd
Cyfeirnod y Swydd
CMD/121/26
Cyflog
£33,595 - £51,931 y flwyddyn, yn ddibynnol ar gymwysterau a phrofiad
Lleoliad Gwaith
- Dolgellau
Hawl gwyliau
● 46 diwrnod o wyliau yn flynyddol
● Pob gwyliau cyhoeddus a arsylwir fel arfer, yn cael eu pennu'n flynyddol.
● Hyd at 5 diwrnod o ddiwrnodau cau effeithlonrwydd y flwyddyn, a bennir yn flynyddol.
Patrwm gweithio
37 awr yr wythnos
835 awr o amser addysgu blynyddol – 24 i 26 awr yr wythnos.
Hyd at 5 awr yr wythnos o weithio'r safle gyda chytundeb y rheolwr.
Hawliau Pensiwn
Cynllun Pensiwn Athrawon
Math o gytundeb
Llawn Amser Cyfnod Penodol
Dyddiad cau
06 Chwef 2026
12:00 YH
(Ganol dydd)
Lawrlwythiadau
Sut i wneud cais
Gellir cyflwyno ceisiadau yn y Gymraeg neu’r Saesneg; ni fydd unrhyw gais a gyflwynir yn y Gymraeg yn cael ei drin yn llai ffafriol nac yn arwain at unrhyw oedi.
- Lawrlwythwch eich ffurflen gais a’i chadw ar eich cyfrifiadur/dyfais (e.e. ffolder My Documents neu Downloads).
- Ewch i'r ffolder sy'n cynnwys y ffurflen gais ac agor y PDF gan ddefnyddio rhaglen megis Adobe Acrobat Reader.
Peidiwch ag agor y ddogfen yn eich porwr oherwydd efallai na fyddwch yn gallu ei chadw. - Llenwch y ffurflen, gan gynnwys y ffurflen monitro cyfle cyfartal.
- Anfonwch eich ffurflen gais orffenedig i jobs@gllm.ac.uk. Dylid defnyddio teitl y swydd a ymgeisir admdani fel llinell pwnc eich e-bost.
Cysylltwch a ni drwy ebost jobs@gllm.ac.uk os ydych angen cymorth neu os oes gennych ymholiad pellach.
Mae ein ffurflen gais ar ffurf PDF. Bydd angen rhaglen megis Adobe Acrobat Reader ar eich cyfrifiadur / dyfais i agor a golygu'r ddogfen hon.
Pam gweithio i ni?
Diffiniadau o sgiliau iaith
Canllawiau i Ddarlithwyr
Gwasanaeth Datgelu a Gwahardd (DBS)
Swyddi eraill
Mae gennym nifer o swyddi eraill gan gyflogwyr mewn busnesau bach a mawr ledled yr ardal. Mae'r cyflogwyr a restrir yma'n awyddus i roi cyfle i ddysgwyr Grŵp Llandrillo Menai.
Achrediadau Cyflogaeth
Datganiad Gwrth-hiliaeth
Yng Ngrŵp Llandrillo Menai, rydym yn rhoi blaenoriaeth i'r egwyddorion sylfaenol o Degwch, Parch, Cydraddoldeb, Amrywiaeth, Cynhwysiant ac Ymgysylltu (FREDIE) ym mhob agwedd ar waith y sefydliad. Rydym yn gadarn yn ein hymrwymiad i feithrin gweithle lle mae pob unigolyn yn teimlo ei fod yn cael ei werthfawrogi a'i rymuso.
Rydym yn dathlu amrywiaeth ac yn falch o fod yn gymuned lle gall pob unigolyn ffynnu a chyflawni ei botensial. Safwn yn gadarn yn erbyn pob math o hiliaeth, gwahaniaethu, a rhagfarn. Mae ein perthynas â’r Black Leadership Group yn tanlinellu ein hymrwymiad i ysgogi newid systematig ac i gefnogi tegwch mewn addysg a chyflogaeth.
Fel cyflogwr, rydym wedi ymrwymo i greu gweithlu sy'n adlewyrchu'r cymunedau yr ydym yn eu gwasanaethu. Rydym yn annog ceisiadau gan unigolion o bob cefndir ac yn ymroddedig i sicrhau proses recriwtio gynhwysol a diragfarn.
Tegwch, Parch, Cydraddoldeb, Amrywiaeth, Cynhwysiant ac Ymgysylltu (FREDIE)
- Mae tegwch wrth wraidd ein gweithrediadau, gan sicrhau triniaeth ddiduedd ar bob lefel.
- Mae parch yn arwain ein rhyngweithiadau, gan feithrin diwylliant o empathi.
- Nid nod yn unig yw cydraddoldeb, ond safon ofynnol, gan hyrwyddo cyfle cyfartal waeth beth fo'i gefndir.
- Mae amrywiaeth yn cael ei ddathlu, gan gydnabod cryfder ein gwahaniaethau a sut y gallant ein gyrru ymlaen.
- Mae cynhwysiant yn ffynnu trwy ddeialog agored a llwybrau hygyrch i bob llais.
- Mae ymgysylltu yn hanfodol, gan ein bod yn cynnwys cyflogeion yn weithredol yn y broses o wneud penderfyniadau, gan greu ymdeimlad o berthyn.
Trwy addysg barhaus, ymwybyddiaeth, a mentrau ymroddedig, rydym yn hyrwyddo FREDIE i greu gweithle cytûn a ffyniannus i bawb.
I drafod mater cydraddoldeb ac amrywiaeth, e-bostiwch gt.williams@gllm.ac.uk