Cyflwyniad i Sgiliau Cyfathrebu ar gyfer Cwnsela, Hyfforddi a Mentora Lefel 2

Cwrs rhagarweiniol yw hwn sydd wedi'i gynllunio i gyflwyno pobl i gwnsela a rolau eraill, a nodi'r sgiliau sydd eu hangen ar gyfer datblygu yn eu rôl broffesiynol neu bersonol.

Nod y cwrs yw adnabod sefyllfaoedd yn y gwaith lle mae gofyn defnyddio sgiliau fel gwrando empathig, a deall agweddau, rhagfarnau a gwerthoedd a all hwyluso neu lesteirio'r berthynas.

Bydd yn eich helpu i:

• ddod i ddeall y sgiliau craidd sy'n cynnwys gwrando'n weithredol ac yn empathig ynghyd ag ymateb yn effeithiol;
• dod yn ymwybodol o derfynau eich rôl broffesiynol e.e. rôl tiwtor wrth ddysgu a gwybod pryd y mae'n well cyfeirio rhywun at unigolyn/asiantaeth arall.

⁠Mae'r cwrs hwn yn cefnogi strategaeth Meddwl yn Gadarnhaol: Iechyd a Lles Emosiynol Llywodraeth Cymru, ac yn codi ymwybyddiaeth am les emosiynol ac iechyd meddwl. ⁠

Dyma'r pynciau y byddwch yn eu hastudio yn y modiwl hwn:

• ⁠Sgiliau a Theori Cwnsela
• Deall gwahaniaethau allweddol rhwng Cwnsela, Hyfforddi a Mentora
• Moeseg
• Ymarfer Adfyfyriol
• Darparu adborth

Bydd hyn yn caniatáu dilyniant i Lefel 3 Cwnsela, neu astudiaeth bellach arall mewn hyfforddi a mentora