Diploma Lefel 2 mewn Cymorth Gofal Iechyd Clinigol yng Nghymru

Mae’r cymhwyster hwn ar gyfer cynorthwywyr gofal iechyd sy’n gweithio’n bennaf mewn ysbytai clinigol yng Nghymru, gan ddarparu cymorth i unigolion sy’n defnyddio gwasanaethau iechyd Cymru dan gyfarwyddyd ymarferydd cofrestredig proffesiynol, neu nyrs gofrestredig. Mae'n darparu'r cymhwyster craidd sy'n cydnabod rolau a gyflawnir ar hyn o bryd gan gynorthwywyr gofal iechyd sy'n gweithio yn y lleoliadau hyn.

I ymgymryd â'r cymhwyster hwn, rhaid i ddysgwyr gael eu cyflogi gan wasanaethau iechyd Cymru mewn rolau lle mae sgiliau clinigol yn ganolog i'w rôl. Datblygwyd y cymhwyster i lywodraethu arfer yng Nghymru yn well trwy sicrhau ansawdd allanol.

Dyma’r cymhwyster a ffafrir ar gyfer cynorthwywyr gofal iechyd GIG Cymru, a disgwylir y bydd yr holl staff cymorth clinigol yn cael y cyfle i gwblhau’r cymhwyster a/neu gyflawni elfennau ohono ar gyfer datblygiad proffesiynol parhaus i gefnogi newidiadau mewn ymarfer dros amser.

Bydd cyflogwyr yn gosod eu disgwyliadau eu hunain ynglŷn â sefydlu rôl cynorthwyydd gofal iechyd, a gall rhai ohonynt ddarparu tystiolaeth yn erbyn y cymhwyster hwn trwy gydnabod dysgu blaenorol.

Rhaid i ddysgwyr gyflawni o leiaf 60 credyd i ennill y cymhwyster. I wneud hyn rhaid iddynt ennill pob un o'r 28 credyd o'r Unedau Gorfodol, ac o leiaf 32 credyd o'r Unedau Dewisol.