Coleg Llandrillo, Coleg Menai, Coleg Meirion-Dwyfor and Busnes@LlandrilloMenai logosColeg Llandrillo, Coleg Menai, Coleg Meirion-Dwyfor and Busnes@LlandrilloMenai logos
Coleg Llandrillo, Coleg Menai, Coleg Meirion-Dwyfor and Busnes@LlandrilloMenai logosColeg Llandrillo, Coleg Menai, Coleg Meirion-Dwyfor and Busnes@LlandrilloMenai logos

Undeb y Myfyrwyr

Yn Falch o fod yn Enillydd Gwobr UCM Cymru – Rhoi Gwerth ar Lais y Dysgwyr a Chefnogi Dysgwyr

Mae Undeb Myfyrwyr Grŵp Llandrillo Menai yn gysylltiedig ag Undeb Cenedlaethol y Myfyrwyr (UCU) ac mae gan bob myfyriwr hawl awtomatig i ymaelodi ag Undeb y Myfyrwyr, gan elwa ar y berthynas a grëwyd rhwng y ddau undeb.

Mae gan Undeb y Myfyrwyr Grŵp Llandrillo Menai dri llywydd etholedig, un ym mhob coleg: Coleg Llandrillo, Coleg Meirion-Dwyfor a Choleg Menai. Caiff llywyddion yr Undeb eu hethol tua diwedd pob blwyddyn golegol a byddant yn dechrau ar eu swyddi fis Medi.

Yn ogystal â'r tri Llywydd, mae gan Undeb y Myfyrwyr hefyd Lywydd Addysg Uwch etholedig i gynrychioli buddiannau'r myfyrwyr Addysg Uwch. Bydd Swyddogion Undeb y Myfyrwyr yn gweithio gyda staff a myfyrwyr y colegau. Byddant yn cyfrannu i bwyllgorau'r Coleg, i fforymau agored ac i baneli dysgwyr, gan gynrychioli'r dysgwyr ar Fwrdd y Llywodraethwyr.

Yng Ngwobrau UCM Cymru yng Nghaerdydd, derbyniodd Undeb Myfyrwyr Grŵp Llandrillo Menai gydnabyddiaeth genedlaethol am y pedwerydd tro trwy ennill gwobr Undeb Coleg Addysg Bellach y Flwyddyn yng Nghymru!

Canmolwyd yr Undeb am weithio'n eithriadol o galed i gyfoethogi profiadau myfyrwyr, gan ymgysylltu â dros 3,000 o ddysgwyr mewn un tymor academaidd, ar draws 12 campws a phedair sir.

⁠Ond nid dyna'r cyfan! Cawsom ein cydnabod hefyd am hyrwyddo Llais y Dysgwyr ac am ein gwaith ym maes Iechyd Rhywiol a Llesiant, gan ddangos pa mor ymrwymedig ydym ni i sicrhau bod myfyrwyr yn teimlo ein bod yn gwrando arnynt, ac yn eu cefnogi a'u grymuso bob cam o'r ffordd.

Eich llais chi. Eich Undeb chi. Eich llwyddiant chi.

Mae'r Coleg yn ffodus o fod yn un o'r ychydig Golegau Addysg Bellach sydd â llywyddion cyflogedig ar ei Undeb Myfyrwyr.

Aelodaeth Undeb y Myfyrwyr
Pan fydd gwahanol sefydliadau'n cynnig gostyngiadau i aelodau UCM, gallwch ddefnyddio eich Cerdyn Adnabod colegol i ddangos eich bod yn aelod o'r undeb hwnnw. Os hoffech gael rhagor o fanteision, gallwch wneud cais am gerdyn TOTUM. Bydd hwn yn rhoi rhagor o ostyngiadau i chi yn llawer o siopau'r stryd fawr. Gallwch ei ddefnyddio hefyd i siopa ar-lein.

Os oes gennych gerdyn TOTUM, cewch gynigion arbennig gan ASOS, Spotify, Domino’s Pizza, boohoo a boohooMAN, i enwi ond rhai.

Gall myfyrwyr presennol wneud cais am gerdyn TOTUM ar www.totum.com. Os hoffech gael cymorth i wneud hyn, cysylltwch â Swyddog Cyfoethogi Profiad, bydd hi'n falch iawn o'ch helpu: enrichment@gllm.ac.uk

Sut Gallwch Chi Gymryd Rhan

  • Gwirfoddolwch fel Cynrychiolydd eich Campws neu fel Swyddog Gweithredol
  • Cynigiwch eich enw i gynrychioli myfyrwyr eich cwrs
  • Helpwch i drefnu clwb, cymdeithas neu ddigwyddiad cymdeithasol
  • Helpwch i drefnu digwyddiadau ymgyrchu Undeb y Myfyrwyr
  • Rhowch eich barn neu awgrymiadau i'ch Llywydd CHI
  • Anogwch eich ffrindiau i gymryd rhan yn Undeb y Myfyrwyr
  • Cadwch lygad am wahoddiadau i gyfrannu i grwpiau ffocws, fforymau, cynghorau myfyrwyr a phaneli dysgwyr!

Sut i gysylltu â'ch Undeb Myfyrwyr

Aelodau Undeb y Myfyrwyr

Yn y rhan hwn

Cysylltu â ni

Nid ydym ar-lein ar hyn o bryd. Gadewch neges ac mi gysylltwn â chi.

Request date