Llyfrgell +

Mae Llyfrgell+ yn amgylchedd dysgu arloesol sydd wedi'i gynllunio i fynd y tu hwnt i wasanaethau llyfrgell traddodiadol, gan gynnig lle deinamig i fyfyrwyr astudio, meddwl a chreu.

Mae gan fyfyrwyr fynediad at ystod eang o adnoddau gan gynnwys llyfrau a chyfnodolion, adnoddau arbenigol ar-lein, offer dysgu digidol fel pensetiau VR, WiFi am ddim, a benthyca Chromebook.

Mae Llyfrgell+ hefyd yn darparu amrywiaeth o fannau astudio, a staff ymroddedig i gefnogi myfyrwyr gyda'u sgiliau astudio.

Lle i astudio

Mae'r holl fannau sydd â mynediad agored ar agor drwy gydol diwrnod y coleg. Mae'r meddalwedd a'r caledwedd diweddaraf ar gael yno.

Cyfle i ddefnyddio cyfrifiadur a chyfleusterau argraffu
Astudio'n unigol ac mewn grŵp
Defnyddio'r rhwydwaith a'r Wi-Fi am ddim
Mynediad at fenthyca Chromebooks

Mae ein llyfrgelloedd yn cynnig amrywiaeth o weithgareddau cyfoethogi a lles fel: grwpiau darllen, gwyddbwyll, clybiau o grefftau i sgiliau digidol gan gynnwys realiti rhithwir, codio, a dysgu sut i ddefnyddio dronau.

Adnoddau Gwybodaeth

Mynediad at adnoddau arbenigol ar-lein fel cronfeydd data, e-lyfrau ac e-gyfnodolion, llyfrau printiedig, cylchgronau a phapurau newydd.

Mae catalog y llyfrgell ar-lein yn caniatáu i chi chwilio ein casgliad cyfan ar draws holl safleoedd y coleg gan gynnwys llyfrau a deunydd electronig. Mae'r catalog yn caniatáu ichi gael mynediad at fanylion eich cyfrif, i adnewyddu benthyciadau, ac i weld eich archebion.

Edrychwch trwy gatalog ar-lein y llyfrgell yma.

Lawrlwythwch ap y llyfrgell i gael mynediad at y gwasanaethau o'ch ffôn clyfar. Gallwch reoli eich cyfrif, chwilio'r catalog, adnewyddu ac archebu llyfrau.

Cefnogaeth Bellach

Gall y staff cyfeillgar yn ein llyfrgelloedd roi cymorth, cyngor ac arweiniad i chi ar ddefnyddio adnoddau a chyfleusterau’r llyfrgell+.

Rydym yn cynnig sesiynau sgiliau astudio wyneb yn wyneb neu o bell ar gyfer cefnogaeth i gael mynediad at adnoddau ar-lein, cyfeirio, Google Suite, Read&Write ac unrhyw feysydd eraill

Mae sianel YouTube y llyfrgell, a'r wefan Sgiliau Astudio yn cynnwys adnoddau i'ch helpu gyda sgiliau ymchwil ac ysgrifennu aseiniadau.