Gwasanaethau Arbenigol
Cyngor a chefnogaeth arbenigol i'ch helpu i ddatblygu cynnyrch a gwasanaethau arloesol, o weithgynhyrchu i fwyd ac i ynni.
![Myfyriwr yn defnyddio cyfrifiadur](/imager/images/163059/studio-republic-644339-unsplash_b53bbcbaa438afef7e17904f53c4511b.jpeg)
Partneriaeth Trosglwyddo Gwybodaeth (KTP)
Partneriaeth dair ffordd ydy KTP rhwng y cwmni, y tîm academaidd (y colegau) a'r graddedigion (aelod cysylltiol KTP), sy'n eich galluogi chi i gael arbenigedd a sgiliau a fydd yn helpu eich cwmni i ddatblygu medrau newydd a fydd yn arwain at fwy o elw a chystad.
![Profi labordy](/imager/images/46421/ftc_b53bbcbaa438afef7e17904f53c4511b.jpeg)
Y Ganolfan Technoleg Bwyd (CTB)
Sefydlwyd y Ganolfan Technoleg Bwyd ar gampws Llangefni yn 1999 a chwaraea ran allweddol yn y gwaith o drosglwyddo gwybodaeth i'r diwydiant bwyd yng Nghymru a ledled y Deyrnas Unedig. Yn y ganolfan hon, mae adnoddau pwrpasol sy'n cynnwys neuaddau i brosesu cig ffres, pysgod, cynnyrch llaeth a bwyd a baratowyd; cegin profi a datblygu cynnyrch a labordy dadansoddi cynnyrch.
![Myfyrwyr ar safle adeiladu](/imager/images/163030/DSCF8885-X2_b53bbcbaa438afef7e17904f53c4511b.jpeg)
Canolfan Isadeiledd, Sgiliau a Thechnoleg
Mae’r Ganolfan Isadeiledd, Sgiliau a Thechnoleg (CIST) ar gampws Grŵp Llandrillo Menai yn Llangefni yn rhoi pwyslais pendant ar weithio mewn partneriaeth i ddarparu hyfforddiant sgiliau Isadeiledd o ansawdd uchel.
Mae CIST yn llwyfan i’r diwydiant Isadeiledd weithio gyda busnesau i hyrwyddo datrysiadau a chynnyrch arloesol, ac mae’n lleoliad delfrydol i brofi ac arddangos cynnyrch newydd yng Ngogledd Cymru a thu hwnt.
![Logo CAMVA](/imager/images/CAMVA/594243/CaMVA-logo-Colour_b53bbcbaa438afef7e17904f53c4511b.jpeg)
Asiantaeth Cyflogadwyedd a Menter - CAMVA
Mae CAMVA yn pontio'r bwlch rhwng dysgwyr a chyflogwyr ac rydym yn cynnig cyfleoedd i gyflogwyr lleol ymgysylltu â dysgwyr trwy gyfrwng y gwasanaethau isod.
![Adeiladau campws Glynllifon](/imager/images/45952/Coleg-Meirion-Dwyfor-Glynllifon-Campus_b53bbcbaa438afef7e17904f53c4511b.jpeg)
Coleg Glynllifon
Campws diwydiannau’r tir, sy’n cynnwys cyfleusterau preswyl, yw Coleg Glynllifon. Saif ar Ystâd Glynllifon ger Caernarfon.
Mae fferm Glynllifon, yn cynnwys y coetir, yn ymestyn dros 300 hectar, ac mae’n amgylchedd gwych ar gyfer astudio rheoli cefn gwlad ac amaethyddiaeth.
![Adeiladau Prifysgol Bangor](/imager/images/46422/bmc_b53bbcbaa438afef7e17904f53c4511b.jpeg)
Y Ganolfan Rheoli Busnes, Bangor
Mae Grŵp Llandrillo Menai (GLLM) a'r Ganolfan Rheolaeth ym Mhrifysgol Bangor yn cynnig amrediad eang o gymwysterau proffesiynol a gydnabyddir gan y diwydiant ac a fydd yn datblygu'ch sgiliau ac yn gwella'ch cyflogadwyedd.
Mae'r Ganolfan Rheolaeth yn Ganolfan Hyfforddi breswyl yn un o brif Ysgolion Busnes y Deyrnas Unedig. Darpara hyfforddiant blaengar, proffesiynol a phwrpasol i'r farchnad fusnes fyd-eang, gan hybu cynaliadwyedd busnesau drwy feithrin rheolwyr sy'n ymwybodol o syniadau cyfredol, perthnasol a chyfoes yn y maes. Darperir cyrsiau ar bob lefel, o lefel aelodau tîm i lefel arweinwyr busnes a Phrif Swyddogion Gweithredol.
Cynigia'r Ganolfan amrediad eang o gymwysterau proffesiynol a gydnabyddir gan y diwydiant. Bwriadwyd y rhain, a gynigir ym maes Arwain a Rheoli, Hyfforddi a Mentora, a Phrynu a Chyflenwi, ar gyfer rheolwyr canol ac uwch reolwyr, ac fe'u cyflwynir gan hwyluswyr rhyngwladol profiadol sydd â phrofiad ymarferol eang mewn diwydiant.
Rydym yn falch o gynnig i gleientiaid becynnau datblygiad a hyfforddiant proffesiynol sydd wedi'u teilwrio ar gyfer eu hanghenion, a gellir achredu ein holl raglenni.