Heb Amheuaeth: Torri Trwy Syndrom y Ffugiwr

Mae'r gweithdy hanner diwrnod hwn wedi'i gynllunio i helpu cynrychiolwyr i ddatgelu ac ymdrin â'r rhwystrau mewnol sy'n eu hatal rhag cyrraedd eu potensial llawn. Drwy gyfrwng gweithgareddau dan arweiniad, trafodaethau grŵp ac ymarferion myfyriol, byddwch yn dysgu'r sgiliau ymarferol i hybu hunangred, meithrin gwydnwch a chryfhau eich ymdeimlad o werth mewn lleoliadau personol a phroffesiynol.

Mae'r sesiwn yn archwilio sut mae hunan-amheuaeth yn amlygu ei hun, yn cynnig strategaethau i frwydro yn erbyn patrymau meddwl negyddol, ac yn cyflwyno technegau i gydnabod a chroesawu eich cyflawniadau gyda hyder. Byddwch chi'n dysgu technegau i feithrin hunanwerth dilys ac ymdopi ag ansicrwydd mewn ffordd sy'n cefnogi twf a llwyddiant.

Pam Dilyn y Cwrs?

Erbyn diwedd y gweithdy hwn, byddwch:

• Yn adnabod arwyddion syndrom y ffugiwr a rhwystrau meddyliol cysylltiedig

• Yn datblygu dealltwriaeth gliriach o gryfderau a chyflawniadau personol.

• Yn dysgu technegau i aildrefnu meddyliau negyddol a datblygu meddylfryd twf

• Yn teimlo'n fwy hyderus wrth gyfathrebu ac eiriol drosoch eich hun yn y gwaith a thu hwnt

• Yn datblygu strategaethau cynaliadwy i gynnal hunan-barch a chefnogi hyder — hyd yn oed yn ystod cyfnodau heriol

• Yn teimlo'n hyderus i ddilyn eich amcanion heb ofni methu na beirniadaeth gan eraill

I bwy mae’n addas?

Mae'r cwrs hwn yn ddelfrydol ar gyfer gweithwyr proffesiynol, arweinwyr tîm, rheolwyr, ac unrhyw un sydd eisiau goresgyn cyfnod o hunan-amheuaeth a datblygu hyder. Mae'n werthfawr i'r rhai sy'n teimlo'n rhwystredig, ac nad ydynt yn cael eu cydnabod yn ddigonol, neu unigolion sy'n ansicr o'u galluoedd er gwaethaf talent a photensial amlwg.

P'un a ydych chi'n camu i rôl newydd, yn paratoi i arwain, neu'n chwilio am ddatblygiad personol, bydd y gweithdy hwn yn cyflwyno'r meddylfryd a'r technegau i symud ymlaen yn glir ac yn hyderus.

Cymerwch y cam nesaf i gredu yn eich gwerth — i feithrin hyder, cofleidio eich cryfderau, a thorri trwy rwystrau syndrom y ffugiwr.