Lluniwyd y Rhaglen Llysgenhadon Actif i feithrin arweinwyr y dyfodol yng Ngrŵp Llandrillo Menai, ac i hyrwyddo pwysigrwydd iechyd a lles a chymryd rhan mewn gweithgareddau corfforol.

Nid oes angen i'r dysgwyr sy'n ymuno â'r rhaglen fod yn athletwyr o'r radd flaenaf. Yn hytrach, anelir y rhaglen at ddysgwyr brwdfrydig yng Ngrŵp Llandrillo Menai sy'n awyddus i wneud gwahaniaeth yn eu coleg a'u cymunedau lleol.

Yn ystod y rhaglen byddwch yn:

  • Hyrwyddo gweithgareddau corfforol i bobl ifanc yn eich coleg a'ch cymuned;
  • Hyrwyddo gwerth cadarnhaol gweithgareddau corfforol;
  • Bod yn fodel rôl sy'n hyrwyddo lles a ffyrdd iach o fyw;
  • Cynyddu cyfleoedd i bawb gymryd rhan mewn gweithgareddau corfforol a byw'n iach.

Y Mathau o Raglenni

Mae pum rhaglen Llysgennad Actif i'w cael, a phob un yn canolbwyntio ar ddiddordebau a sgiliau penodol.  Y bwriad yw denu ystod eang o sgiliau a gallu, a chynnig rhaglen sy'n gynhwysol ac amrywiol.

  1. Gwirfoddolwyr mewn Digwyddiadau
  2. Arweinwyr Actif
  3. Hyfforddwyr
  4. Swyddogion
  5. Rheolwyr

Cyfleoedd

Yn ystod y rhaglen byddwch yn gallu:

  • cyflawni oriau gwirfoddoli yn y gymuned;
  • cael mynediad at gyfleoedd a chefnogaeth
  • cymryd rhan mewn prosiectau
  • cael hyfforddiant ac ennill cymwysterau ychwanegol

Y Bartneriaeth ag Undeb Rygbi Cymru

Ar y cyd â rhaglen hwb Undeb Rygbi Cymru, sy'n anelu at dyfu, datblygu a gwella'r gêm genedlaethol ac ehangu ei hapêl, mae Grŵp Llandrillo Menai wedi cyflogi Swyddog Hybu Rygbi.  Bydd hyn yn sicrhau bod rygbi'n gêm gynhwysol sy'n  ennyn diddordeb chwaraewyr gwrywaidd a benywaidd o bob oedran a charfan o gymdeithas, beth bynnag fo'u cymhelliant a/neu angen.

Gweithgareddau'r tymor hwn

Bydd amrywiaeth eang o weithgareddau'n cael eu cynnal yn ystod y tymor i'ch annog i gymryd rhan yn y Rhaglen Llysgenhadon Actif.

Digwyddiadau Hybu Rygbi 2019-2020 (PDF)

Ffurflen Gais

Ffurflen Gais Llysgennad Actif 2020-21

Gwybodaeth bellach

I gael gwybod rhagor am y cynllun, yn cynnwys gweithgareddau Llysgenhadon Actif blaenorol y Grŵp, cysylltwch â'n Swyddog Hybu Rygbi, Hannah Hughes, drwy ebos: hughes6h@gllm.ac.uk.

 
Active Ambassador logo WRU Hub logo