Mae gan bob myfyriwr hawl awtomatig i ymaelodi ag Undeb y Myfyrwyr, sy'n gysylltiedig ag Undeb Cenedlaethol y Myfyrwyr (UCM), gan elwa ar y berthynas a grëwyd rhwng y ddau undeb.
Mae gan Undeb Myfyrwyr Grŵp Llandrillo Menai dri llywydd etholedig, un ym mhob coleg: Coleg Llandrillo, Coleg Meirion-Dwyfor a Choleg Menai. Caiff llywyddion yr Undeb eu hethol tua diwedd pob blwyddyn golegol a byddant yn dechrau ar eu swyddi fis Medi.
Yn ogystal â'r tri Llywydd, mae gan Undeb y Myfyrwyr hefyd Swyddog Addysg Uwch etholedig i gynrychioli buddiannau'r myfyrwyr Addysg Uwch. Bydd Swyddogion Undeb y Myfyrwyr yn gweithio gyda staff a myfyrwyr y colegau. Byddant yn cyfrannu i bwyllgorau'r Coleg, i fforymau agored ac i baneli dysgwyr, gan gynrychioli'r dysgwyr ar Fwrdd y Llywodraethwyr.
Aelodaeth o Undeb y Myfyrwyr
Pan fydd gwahanol sefydliadau'n cynnig gostyngiadau i aelodau UCM, gallwch ddefnyddio eich Cerdyn Adnabod colegol i ddangos eich bod yn aelod o'r undeb hwnnw. Os hoffech gael rhagor o fanteision, gallwch wneud cais am gerdyn NUS Extra. Bydd hwn yn rhoi rhagor o ostyngiadau i chi yn llawer o siopau'r stryd fawr. Gallwch ei ddefnyddio hefyd i siopa ar-lein.
Os oes gennych gerdyn NUS Extra, cewch gynigion arbennig gan Superdrug, Office, BSM, JJB a Pizza Hut, i enwi ond rhai.
Gall myfyrwyr presennol wneud cais am gerdyn NUS Extra ar www.nus.org.uk. Os hoffech gael cymorth i wneud hyn, cysylltwch â'ch Llywydd UM; bydd ef/hi'n falch iawn o'ch helpu.
Siop Undeb y Myfyrwyr (Safle Llandrillo-yn-Rhos)
Ewch draw i weld Sue yn Siop Undeb y Myfyrwyr, yn Lolfa'r Myfyrwyr, i weld y dewis eang o ddefnyddiau ysgrifennu a chyflenwadau celf sydd ar gael yno. Os hoffech weld rhagor o bethau'n cael eu cynnig yno, bydd Sue yn falch o glywed eich barn.
Sut Gallwch Chi Gymryd Rhan
- Gwirfoddolwch fel Cynrychiolydd eich Campws neu fel Swyddog Gweithredol
- Cynigiwch eich enw i gynrychioli myfyrwyr eich cwrs
- Helpwch i drefnu clwb, cymdeithas neu ddigwyddiad cymdeithasol
- Rhowch eich barn neu awgrymiadau i'ch Llywydd CHI
- Anogwch eich ffrindiau i gymryd rhan yn Undeb y Myfyrwyr
- Cadwch lygad am wahoddiadau i gyfrannu i grwpiau ffocws, fforymau, cynghorau myfyrwyr a phaneli dysgwyr!
Sut i gysylltu â'ch Undeb Myfyrwyr