Arweinyddiaeth Strategol: Datblygu Strategaeth sy'n canolbwyntio ar gynnig ‘Profiad Rhagorol i Gwsmeriaid'

Mae'r cwrs hwn wedi'i gynllunio ar gyfer Uwch Arweinwyr sy'n dymuno archwilio pob agwedd ar sut i ddatblygu Strategaeth Gwasanaeth i Gwsmeriaid o fewn eu sefydliad eu hunain.

⁠Pam Dilyn y Cwrs?

Datblygu syniadau a thechnegau ymarferol a chael llawlyfr er mwyn hwyluso datblygu strategaeth arloesol i gwmnïau i ddarparu Gwasanaeth i Gwsmeriaid a fydd yn gwella twf, cynhyrchiant a chadw cwsmeriaid y sefydliad.

Cynnwys Allweddol (modiwlau a ddefnyddir):

1. Diffiniad: Beth yw 'Profiad Cwsmeriaid'.
2. Pam mae darparu profiad rhagorol i gwsmeriaid yn hanfodol i'r busnes.
3. Dadansoddi effaith profiad gwael i gwsmeriaid ar y busnes.
4. Archwilio rhwystrau mewnol a nodi sut i oresgyn rhwystrau er mwyn cynnig gwasanaeth rhagorol i gwsmeriaid.
5. Sut i alinio: Deallusrwydd Emosiynol gyda Gwasanaeth i Gwsmeriaid (Model Goleman).
6. Pum Cam i greu Profiad Arloesol i Gwsmeriaid.
7. Sut i gymhwyso Datrys Problemau yn y broses o Adfer Gwasanaeth (model).
8. Diwrnod 2: Meddwl Dylunio Bydd pob cynrychiolydd yn cwblhau Cynllun Gweithredu Byr, gan sefydlu camau gweithredu a meithrin atebion arloesol sy'n arwain yn uniongyrchol at wella profiad i gwsmeriaid y sefydliad ac at dwf y sefydliad.

Ar gyfer pwy mae’r cwrs?

Perchnogion busnesau neu uwch arweinwyr sy'n dymuno dod o hyd i strategaethau ymarferol i feithrin syniadau arloesol wrth greu a datblygu Strategaeth Gwasanaeth i Gwsmeriaid.

Neu mewn sefydliad mwy: Aelodau'r tîm sydd â chyfrifoldeb dros ddatblygu Strategaeth Gwasanaeth i Gwsmeriaid gydag aelodau eraill o'r tîm yn gyfrifol am weithredu'r strategaeth.