PRINCE2 7fed argraffiad fersiwn 2 AGILE Sylfaen⁠ ⁠ Cyflwyno hybrid

Mae'r pecyn hwn yn cynnwys y cwrs PRINCE2 AGILE ar lefel Sylfaen a'r arholiad. Mae’r cwrs hwn yn ddelfrydol ar gyfer rhywun sydd am ennill gwybodaeth a sgiliau rheoli prosiect o’r radd flaenaf, gwella cyfleoedd cyflogaeth a datblygu gyrfa ym maes rheoli prosiectau. Y gwahaniaeth rhwng Rheoli Prosiectau AGILE a Prince2 yw bod AGILE wedi'i seilio ar amgylcheddau cyflym, ailadroddol, sy'n fodlon iawn addasu i adborth gan ddefnyddwyr.

Nod y cwrs hwn yw eich galluogi i lwyddo yn yr arholiad PRINCE2® AGILE Sylfaen. I lwyddo yn yr arholiad bydd angen i chi:

• ddeall y cysyniadau allweddol sy'n ymwneud â'r meddylfryd AGILE, rheoli prosiectau, a rheoli newid sefydliadol
• ddeall prosesau PRINCE2 AGILE, gweithdai AGILE, a sut i gymhwyso'r rhain
• cofio egwyddorion, arferion ac arteffactau PRINCE2 AGILE a deall eu rôl mewn cyd-destun ystwyth
• deall integreiddio PRINCE2 AGILE yn y cyd-destun ehangach.

Ennill sgiliau AGILE a rheoli prosiectau y mae galw mawr amdanynt, er mwyn ffynnu mewn marchnad sy'n gystadleuol iawn. Mae'r modiwl hwn yn ymdrin â chysyniadau craidd y dull a'r holl wybodaeth sydd ei hangen i FOD yn ystwyth, a GWEITHREDU yn ystwyth. Mae'r cymhwyster hwn wedi'i anelu at Reolwyr Prosiectau Agile / Hybrid / unigolion sy'n dymuno bod yn Rheolwyr Prosiectau. Mae’r cwrs hefyd yn berthnasol i staff eraill sy’n ymwneud â dylunio, datblygu a chyflawni prosiectau, gan gynnwys: Aelodau'r Bwrdd Prosiect, Rheolwyr Tîm, staff Sicrwydd Prosiect, staff Cymorth a Chefnogaeth Prosiect, Dadansoddwyr Busnes a pherchnogion y cynnyrch.

Mae'r cwrs yn un dwys ac mae angen darllen deunydd y cwrs ymlaen llaw, fydd yn cymryd o leiaf chwech awr. Bydd gwaith cartref yn cael ei osod ar gyfer pob un o'r nosweithiau a'r penwythnos, sef cyfanswm o tua 1.5 awr y noson/diwrnod.

Mae gofyn i chi gadw eich cymwysterau PRINCE2 yn gyfredol trwy ail-ddilysu ar ôl tair blynedd, neu drwy Ddatblygiad Proffesiynol Parhaus fel aelod AEXLOS.