Iechyd a Gofal Cymdeithasol Lefel 2 (Oedolion neu Blant a Phobl Ifanc)

Manylion Allweddol

  • Ar gael yn:
    Llandrillo-yn-Rhos, Bangor, Llangefni
  • Math o gwrs:
    Rhan amser
  • Dull astudio:
    Rhan amser
  • Lefel:
    2
  • Maes Rhaglenni:
    Cyfrif Dysgu Personol
    Iechyd, Gofal Cymdeithasol a Gofal Plant
  • Hyd:

    Un flwyddyn academaidd, 3 awr yr wythnos am 30 wythnos fel arfer

  • Dwyieithog:
    n/a

Disgrifiad o'r Cwrs

Hoffech chi gael gyrfa ym maes iechyd a gofal cymdeithasol? Ar y rhaglen hon, dan gyfarwyddyd arbenigwyr profiadol, cewch gyfle i ennill cymhwyster lefel sylfaen a gydnabyddir gan y diwydiant. Ei nod yw eich paratoi i fynd ymlaen i astudio ar lefel uwch neu i weithio yn y sector iechyd a gofal cymdeithasol.

Ar ôl cwblhau'r rhaglen gallwch ymgeisio am swyddi amrywiol yn y sector gofal, yn cynnwys gwaith cefnogi a gwaith sesiynol. Cewch hefyd eich paratoi ar gyfer cyrsiau lefel uwch a all arwain maes o law at yrfaoedd mewn meysydd megis nyrsio, gwaith cymdeithasol a gofal preswyl.

Mae'r sector iechyd, gofal cymdeithasol a gofal plant yn ymwneud â rhoi eraill yn gyntaf, felly bydd eich cyfweliad yn gyfle i ni benderfynu a ydych yn ymgeisydd addas i weithio'n agos gyda'r bobl sydd fwyaf agored i niwed yn ein cymdeithas. Yn eich cyfweliad, byddwn yn trafod pwysigrwydd profiad gwaith addas yn y sector. Cewch hefyd gyfle i holi rhagor am y cwrs.

Llwybr i oedolion yn unig yn Llangefni a Bangor.

Gofynion mynediad

I gael lle ar y cwrs hwn byddwch angen o leiaf un o'r canlynol:

  • Profiad o'r diwydiant neu gymhwyster Lefel 1 perthnasol; ynghyd â Lefel Mynediad 3 o leiaf mewn Rhifedd a Chyfathrebu.

Mae'r broses ymgeisio'n cynnwys cyfweliad fydd yn rhoi cyfle i chi drafod y cwrs.

Cyflwyniad

Mae'r rhaglen yn cynnwys cymhwyster Craidd Cymru Gyfan sy'n ofynnol er mwyn cofrestru i weithio yn y sector.

Cyflwynir y rhaglen drwy gyfuniad o'r dulliau a ganlyn:

  • Gwaith grŵp
  • Dysgu yn y dosbarth
  • Cefnogaeth tiwtor
  • Ymweliadau addysgol
  • Amgylchedd dysgu rhithwir (MOODLE)
  • Siaradwyr gwadd o'r sector neu ddigwyddiadau

Asesiad

Asesir y cymhwyster hwn galwedigaethol trwy gyfuniad o asesu mewnol ac allanol. Rhaid i ymgeiswyr gwblhau'n llwyddiannus:

  • Tri asesiad mewnol a osodir yn allanol ar sail senario
  • Un prawf amlddewis a osodir ac a farcir yn allanol

Asesir y rhaglen ehangach trwy gyfuniad o'r canlynol:

  • Asesiadau/aseiniadau ymarferol ac ysgrifenedig
  • Cyflwyniadau ac arddangosiadau
  • Portffolios gwaith
  • Perfformio ac arsylwi
  • Arholiadau a asesir yn allanol
  • Tasgau a phortffolios sy'n gysylltiedig â phrofiad gwaith
  • Arholiadau

Dilyniant

Bydd cwblhau'r rhaglen hon yn gwella'ch cyflogadwyedd ac yn rhoi i chi wybodaeth a sgiliau pwysig. Bydd yn eich paratoi ar gyfer gyrfa ym maes gofal iechyd, gofal cymdeithasol neu ofal plant. Byddai cwblhau'r cwrs yn llwyddiannus yn eich galluogi i gofrestru ar unwaith i weithio yn y sector.

O ran addysg, bydd y cwrs yn rhoi nifer o ddewisiadau i chi. Yng Ngrŵp Llandrillo Menai, gallech fynd ymlaen i ddilyn nifer o gyrsiau, yn cynnwys:

  • Gofal Plant Lefel 3
  • Iechyd a Gofal Cymdeithasol Lefel 3

A hoffech chi wneud cais am y cwrs hwn?

Cyfrif Dysgu Personol