Coleg Llandrillo, Coleg Menai, Coleg Meirion-Dwyfor and Busnes@LlandrilloMenai logosColeg Llandrillo, Coleg Menai, Coleg Meirion-Dwyfor and Busnes@LlandrilloMenai logos
Coleg Llandrillo, Coleg Menai, Coleg Meirion-Dwyfor and Busnes@LlandrilloMenai logosColeg Llandrillo, Coleg Menai, Coleg Meirion-Dwyfor and Busnes@LlandrilloMenai logos

Ymarfer Iechyd a Gofal Cymdeithasol (Oedolion) - Lefel 3

Manylion Allweddol

  • Ar gael yn:
    Busnes@LlandrilloMenai - Llwyn Brain, Parc Menai, Busnes@LlandrilloMenai - Parc Busnes Llanelwy
  • Dull astudio:
    Rhan amser
  • Hyd:

    10-12 mis

Cofrestru
Oes gennych gwestiwn? Cysylltwch â ni!
×

Ymarfer Iechyd a Gofal Cymdeithasol (Oedolion) - Lefel 3

Hyfforddiant rhan-amser

Dysgu o Bell
Cwrs OL: 01/08/26 | Cost: AM DDIM
Archebwch gyfweliad

Disgrifiad o'r Cwrs

Mae'r cymhwyster yn seiliedig ar ymarfer ac mae'n asesu gwybodaeth a chymhwysedd dysgwyr i ymarfer wrth eu gwaith. Mae'n rhoi'r cyfle i gyfoethogi gwybodaeth a sgiliau ac yn gwneud hynny drwy ddefnyddio cynnwys gorfodol ac unedau dewisol. Bydd o ddiddordeb i ddysgwyr sy'n gweithio mewn gwasanaethau cymorth cartref, gofal preswyl, darpariaeth anabledd dysgu gan gynnwys gwasanaethau gofal iechyd yn y gymuned. Yn benodol, bydd dysgwyr yn gallu dangos eu bod:

  • yn deall, ac yn gallu cymhwyso'n ymarferol, yr egwyddorion a'r gwerthoedd sy'n sail i iechyd a gofal cymdeithasol
  • yn deall, ac yn gallu cymhwyso'n ymarferol, ddulliau sy'n canolbwyntio ar yr unigolyn
  • yn hyrwyddo a chefnogi arfer effeithiol ym maes Iechyd a Gofal Cymdeithasol
  • yn ymwybodol o bolisïau allweddol yn y sector ac yn deall sut mae'r rhain yn effeithio ar ddatblygu a darparu gwasanaethau
  • yn gweithio mewn partneriaeth ag unigolion, eu teuluoedd, gofalwyr ac amrywiaeth o weithwyr proffesiynol
  • yn defnyddio ystod o dechnegau datrys problemau i fyfyrio ar arfer er mwyn parhau i wella'r defnydd o sgiliau llythrennedd, rhifedd a chymhwysedd digidol fel y bo’n briodol yn eu rôl.

Mae'r cymhwyster hwn ar gyfer unigolion sy'n gweithio mewn lleoliad Iechyd a Gofal Cymdeithasol sy'n canolbwyntio ar oedolion ar hyn o bryd, a gellir ei gyflwyno drwy ddysgu seiliedig ar waith neu goleg addysg bellach. Disgwylir bod gan ddysgwyr rywfaint o ymreolaeth yn eu rôl a'u bod yn cefnogi eraill i ddarparu gofal o ansawdd uchel.

Mae’r cwrs yn addas ar gyfer:

  • dysgwyr sydd wedi cwblhau cymhwyster Lefel 2 Iechyd a Gofal Cymdeithasol: Cymhwyster Craidd
  • dysgwyr sydd wedi cwblhau cymhwyster Lefel 2 Iechyd a Gofal Cymdeithasol: Ymarfer (Oedolion)
  • dysgwyr sydd wedi cwblhau cymwysterau etifeddol priodol sydd wedi'u cynnwys yn Fframwaith Cymwysterau Gofal Cymdeithasol Cymru ar gyfer Gofal Cymdeithasol a Gofal Plant Rheoleiddiedig yng Nghymru.

Noder: Ni ellir ennill y cymhwyster hwn tra byddwch ar gyfnod profiad gwaith.

Gofynion mynediad

Rhaid i ddysgwyr fod yn gweithio ac yn cael eu cyflogi mewn sefydliad Iechyd a Gofal Cymdeithasol ac wedi cyflawni'r cymhwyster craidd mewn Iechyd a Gofal Cymdeithasol yn flaenorol.

Rhaid i ddysgwyr fod yn 18 oed a hŷn.

Rhaid cael cyfweliad gan y tîm Dysgu Seiliedig ar Waith.

Cyflwyniad

Bydd y cwrs yn cael ei gyflwyno ar sail un i un.

Bydd tystiolaeth yn cael ei chasglu drwy dystiolaeth portffolio a thasgau strwythuredig.

Asesiad

Prif ddull asesu'r cymhwyster hwn yw arsylwi uniongyrchol ar arferion gwaith naturiol yn y gweithle, gan gynnwys adfyfyrio misol a pharhaus, tystiolaeth gan dystion a thrafodaethau a chwestiynau proffesiynol.

Rhaid cwblhau tasgau wedi'u pennu'n allanol hefyd.

Mae’r cymhwyster yn cynnwys:

Mae cynnwys gorfodol y cymhwyster wedi'i alinio â themâu allweddol Fframwaith Sefydlu Iechyd a Gofal Cymdeithasol Cymru Gyfan ac mae'n cynnwys:

  • egwyddorion ac ymarfer
  • diogelu
  • iechyd a diogelwch
  • iechyd a llesiant
  • ymarfer proffesiynol

Dilyniant

Bydd cwblhau'r cymhwyster hwn yn llwyddiannus yn galluogi dysgwyr i weithio gyda mwy o ymreolaeth a chyfrifoldeb fel Uwch Weithiwr Gofal Iechyd a Gofal Cymdeithasol Lefel 3 cymwysedig, gyda ffocws ar oedolion sy'n agored i niwed neu mewn angen.

Bydd hefyd yn helpu dysgwyr sydd angen gwneud cais i gofrestru gyda Gofal Cymdeithasol Cymru fel Uwch Weithiwr Gofal, er y bydd angen bodloni gofynion cofrestru eraill hefyd. I gael rhagor o wybodaeth, ewch i: https://gofalcymdeithasol.cymru/cofrestru

Mae'r cymhwyster yn rhoi'r wybodaeth a'r cymhwysedd priodol i ymarfer a chefnogi dysgwyr i symud ymlaen i:

  • Ymarfer Proffesiynol mewn Iechyd a Gofal Cymdeithasol - Lefel 4
  • Paratoi i Arwain a Rheoli ym maes Iechyd a Gofal Cymdeithasol - Lefel 4

Mwy o wybodaeth

Math o gwrs: Hyfforddiant rhan-amser

Lefel: 3

Maes rhaglen:

  • Iechyd a Gofal Cymdeithasol

Iechyd a Gofal Cymdeithasol

Dewch i wybod mwy am y maes hwn ac i weld ein canllawiau lefelau:

Iechyd a Gofal Cymdeithasol

Myfyrwyr yn gweithio mewn ystafell ddosbarth