Coleg Llandrillo, Coleg Menai, Coleg Meirion-Dwyfor and Busnes@LlandrilloMenai logosColeg Llandrillo, Coleg Menai, Coleg Meirion-Dwyfor and Busnes@LlandrilloMenai logos
Coleg Llandrillo, Coleg Menai, Coleg Meirion-Dwyfor and Busnes@LlandrilloMenai logosColeg Llandrillo, Coleg Menai, Coleg Meirion-Dwyfor and Busnes@LlandrilloMenai logos

Tystysgrif Lefel 3 mewn Cymorth Gofal Iechyd Sylfaenol

Manylion Allweddol

  • Ar gael yn:
    Dysgu Seiliedig ar Waith
  • Dull astudio:
    Rhan amser
  • Hyd:

    9-12 mis

Cofrestru
Oes gennych gwestiwn? Cysylltwch â ni!
×

Tystysgrif Lefel 3 mewn Cymorth Gofal Iechyd Sylfaenol

Hyfforddiant rhan-amser

Dysgu o Bell
Cwrs OL: 01/08/26 | Cost: £200.00
Archebwch gyfweliad

Disgrifiad o'r Cwrs

Mae'r cymhwyster hwn ar gyfer gweithwyr cymorth Gofal Iechyd Sylfaenol sy'n gweithio mewn meddygfeydd yng Nghymru, yn rhoi cymorth i unigolion sy'n defnyddio gwasanaethau meddygfeydd dan gyfarwyddyd ymarferydd proffesiynol cofrestredig, megis meddyg teulu neu nyrs gofrestredig. Mae'n gymhwyster craidd sy'n cydnabod y rolau a gyflawnir gan weithwyr cymorth sy'n gweithio

gydag unigolion mewn meddygfeydd.

I ymgymryd â'r cymhwyster hwn, rhaid i ddysgwyr gael eu cyflogi gan feddygon teulu mewn rolau lle mae sgiliau clinigol yn ganolog i'w rôl. Datblygwyd y cymhwyster i lywodraethu arfer yng Nghymru yn well trwy sicrhau ansawdd allanol ar gyfer y rôl ddatblygol hon sy'n ehangu.

Dyma’r cymhwyster a ffefrir ar gyfer GIG Cymru, a disgwylir y bydd pob gweithiwr cymorth mewn meddygfeydd yn cael y cyfle i gwblhau’r cymhwyster a/neu gyflawni elfennau ohono ar gyfer datblygiad proffesiynol parhaus i gefnogi newidiadau mewn ymarfer dros amser.

Tystysgrif

  • Oriau dysgu dan arweiniad: 172 awr
  • Cyfanswm yr amser cymhwyso ar gyfer y cymhwyster: 310 awr

⁠Diploma

  • Oriau dysgu dan arweiniad: 366 awr
  • Cyfanswm yr amser cymhwyso ar gyfer y cymhwyster: 600 awr

Gofynion mynediad

Rhaid i'r dysgwyr:

  • fod yn 18 oed o leiaf i wneud y cymhwyster hwn
  • gael eu cyflogi mewn swydd lle mae sgiliau clinigol yn cynrychioli'r cyfan neu gyfran allweddol o'u gwaith
  • feddu ar safon dda o addysg gyffredinol i lefel TGAU / Lefel O / Fframwaith Credydau a Chymwysterau Cymru Lefel 2 / NVQ Lefel 2
  • fod yn derbyn goruchwyliaeth gan Ymarferydd/wyr Proffesiynol Cofrestredig, sy'n medru asesu eu cynnydd
  • fod wedi bodloni safonau isafswm y sector wrth gynefino yn y swydd. Gallai peth o hyn ddarparu tystiolaeth i'r cymhwyster hwn trwy gydnabod dysgu blaenorol.

Rhaid cael cyfweliad gan y tîm Dysgu Seiliedig ar Waith.

Cyflwyniad

Bydd y cwrs yn cael ei gyflwyno ar sail un i un gydag asesydd dynodedig a fydd yn cyfarfod â'r dysgwr ac yn ei gefnogi'n rheolaidd.

Asesiad

Bydd y cwrs yn defnyddio amrywiaeth o ddulliau asesu sy'n berthnasol i anghenion y dysgwyr i gasglu tystiolaeth briodol a pherthnasol i fodloni gofynion a safonau'r cymhwyster.

Gall y rhain amrywio o aseiniadau, gwaith cwrs, cwestiynau ac atebion, trafodaethau proffesiynol a thystiolaeth gan dystion.

Dilyniant

  • Bydd dysgwyr sy'n ennill y cymhwyster hwn yn gymwys i weithio mewn swyddi Gofal Iechyd Sylfaenol (Meddygfeydd) ar lefel sgiliau 3.
  • Datblygwyd y cymhwyster hwn i roi mynediad i addysg a hyfforddiant Lefel 4 / Band 4 / Ymarferydd Cynorthwyol.

Mwy o wybodaeth

Math o gwrs: Hyfforddiant rhan-amser

Lefel: 3

Maes rhaglen:

  • Iechyd a Gofal Cymdeithasol

Iechyd a Gofal Cymdeithasol

Dewch i wybod mwy am y maes hwn ac i weld ein canllawiau lefelau:

Iechyd a Gofal Cymdeithasol

Myfyrwyr yn gweithio mewn ystafell ddosbarth