Therapi Harddwch a Thechnolegau Ewinedd Lefel…

Manylion Allweddol

Ar gael yn:
Y Rhyl
Dull astudio:
Llawn Amser
Hyd:
1 blwyddyn

Therapi Harddwch a Thechnolegau Ewinedd Lefel 2

Llawn Amser (Addysg Bellach)

Dewch i gysylltiad am ragor o wybodaeth am sut i wneud cais am y cwrs hwn.

Noder: Rydym yn argymell bod gennych liniadur neu Chromebook y gallwch ei ddefnyddio i gwblhau gwaith yn ddigidol yn eich cartref. Mae gennym Gronfa Cynhwysiant Digidol TG bwrpasol i gefnogi'r dysgwyr hynny nad oes ganddynt ddyfais ddigidol ac sy'n methu â phrynu un.

Disgrifiad o'r Cwrs

Oes gennych chi ddiddordeb mewn bod yn Dechnegydd Ewinedd a Therapydd Harddwch? Hoffech chi gael cyfle i feithrin amrywiaeth o sgiliau proffesiynol yn y maes hwn?

Mae'r cwrs hwn yn addas i rai sydd newydd adael yr ysgol neu fyfyrwyr aeddfed sy'n awyddus i feithrin y sgiliau sydd eu hangen i fod yn Dechnegydd Ewinedd a Therapydd Harddwch proffesiynol. Yn ystod y cwrs, byddwch yn meithrin sgiliau therapi harddwch, ac yn dysgu sut i roi triniaethau i ddwylo, traed ac wynebau yn cynnwys coluro, cwyro, gosod estyniadau gel i ewinedd ac arlliwio blew llygaid ac amrannau. Bydd y sgiliau hyn yn eich paratoi at astudio pellach neu gyflogaeth.

Gofynion mynediad

I gael lle ar y cwrs hwn byddwch angen o leiaf un o'r canlynol:

3 TGAU gradd D neu uwch ac 1 TGAU gradd E, yn cynnwys Mathemateg a Saesneg neu Gymraeg (iaith 1af), neu gymhwyster Mynediad 3 / Lefel 1 Sgiliau Hanfodol Cymru mewn Rhifedd a Chyfathrebu
Gradd Llwyddo mewn cymhwyster Lefel 1 perthnasol
Profiad perthnasol mewn diwydiant

Bydd angen hefyd i chi fod wedi cael presenoldeb o 86% yn eich blwyddyn astudio flaenorol.

Mae'r broses ymgeisio'n cynnwys cyfweliad fydd yn rhoi cyfle i chi drafod y cwrs.

Cyflwyniad

Cyflwynir y cwrs drwy gyfuniad o'r canlynol:

Cyflwyniad Ymarferol
Sesiynau Theori
Gweithdai
Hyfforddiant Masnachol mewn Salon
MOODLE

Byddwch yn astudio amrywiaeth o fodiwlau yn ymwneud â phynciau penodol yn ogystal â sgiliau llythrennedd a rhifedd. Byddwch hefyd yn mynd ar brofiad gwaith fel rhan o'r cwrs.

Efallai bydd angen astudio Cymhwyster Bagloriaeth Cymru.

Bydd eich rhaglen yn cynnwys cyfuniad o:

Cymwysterau Sgiliau Hanfodol a/neu
Ailsefyll TGAU

Sgiliau Hanfodol

Gall hyn gynnwys cyfuniad o Gymhwyso Rhif, Cyfathrebu, Llythrennedd Digidol a Sgiliau Cyflogadwyedd Hanfodol.

Ailsefyll TGAU

Gall hyn gynnwys TGAU Rhifedd/Mathemateg a/neu Gymraeg/Saesneg.

Mathemateg a Chymraeg/Saesneg

Os nad oes gennych radd C neu uwch mewn Mathemateg a/neu Gymraeg/Saesneg, byddwn yn eich cefnogi i ailsefyll y pynciau hyn yn rhan o'ch rhaglen astudio.