ISEP Llwybrau i Net Sero

Mae'r cwrs Tuag at Sero Net yn cynnig canllawiau clir a chyson ar yr arferion gorau i'w dilyn wrth ymateb i'r argyfwng hinsawdd. Mae'n rhoi trosolwg strategol a gweithredol o gynaliadwyedd amgylcheddol i oruchwylwyr ac arweinwyr, yn benodol yng nghyd-destun eu diwydiant neu faes gwaith. Bydd y dysgwyr yn meithrin y wybodaeth a'r sgiliau sydd eu hangen arnynt i ddatblygu, cefnogi, neu drosglwyddo strategaeth sero net yn eu sefydliad.

Mae'r deilliannau dysgu'n cynnwys:
• Diffiniadau: sero net a thermau cysylltiedig;
• Gwyddoniaeth sylfaenol yr hinsawdd a'r brys i weithredu;
• Cyd-destun polisïau’r Deyrnas Unedig a pholisïau rhyngwladol;
• Y risgiau a'r cyfleoedd sy'n gysylltiedig â sero net (yn cynnwys hyfywedd ac enw da busnesau a materion yn gysylltiedig â'r gadwyn gyflenwi);
• Egwyddorion cyfrifo a chofnodi nwyon tŷ gwydr, yn cynnwys cwmpasau 1-3;
• Gosod targedau ar sail y wyddoniaeth;
• Datblygu cynllun datgarboneiddio sy'n cynnwys targedau/cerrig milltir tymor byr a hir;
• Deall sut i leihau allyriadau sy'n cael eu dylanwadu ond ddim yn cael eu rheoli'n uniongyrchol (Cwmpas 3);
• Cyfathrebu'n allanol am faterion sero net, gwneud hawliadau gwyrdd cadarn.

Mae'r cwrs yn cynnwys oriau dysgu dan arweiniad, gan roi cyfle i'r cyfranogwyr ymgyfarwyddo â theori ac agweddau ymarferol.