Cyflwyniad i Integreiddio Paneli Solar Ffotofoltäig, Systemau Batris Storio a Cherbydau Trydan
Manylion Allweddol
- Ar gael yn:CIST-Llangefni Ty Gwyrddfai
- Dull astudio:Part-time
- Hyd:
1 diwrnod (tua 6-7 awr)
Cyflwyniad i Integreiddio Paneli Solar Ffotofoltäig, Systemau Batris Storio a Cherbydau TrydanShort Course
Ffoniwch Busnes@LlandrilloMenai heddiw ar 08445 460 460 neu anfon e-bost i cist@gllm.ac.uk.
Disgrifiad o'r Cwrs
Mae'r cwrs cyflwyniadol undydd hwn yn cynnig trosolwg ymarferol o Baneli Solar Ffotofoltäig, Systemau Batris Storio, a systemau gwefru cerbydau trydan — gan ganolbwyntio ar sut y gall y technolegau hyn gydweithio i ffurfio systemau ynni carbon isel, effeithlon, clyfar ar gyfer cartrefi a busnesau bach.
Bydd dysgwyr yn edrych ar bob system yn unigol, ac yna'n ystyried sut y gall gosodiadau integredig helpu i leihau costau ynni, defnyddio'r ynni a gynhyrchir i'r eithaf, a chefnogi'r newid i ynni glanach. Mae'r cwrs yn cynnwys enghreifftiau o'r byd go iawn, trafod senarios a sesiynau dan arweiniad arbenigwyr gan ddefnyddio cyflwyniadau gweledol a rhyngweithio fel grŵp.
Mae'r cwrs yn berffaith ar gyfer newydd-ddyfodiaid i'r sector ynni adnewyddadwy. Mae'r cwrs hwn yn meithrin dealltwriaeth sylfaenol ar gyfer hyfforddiant technegol pellach mewn gosod technoleg solar, dylunio trydanol neu integreiddio systemau ynni.
Pynciau dan sylw:
Pwnc | Key Learning Outcomes |
Hanfodion Paneli Solar Ffotofoltäig | Sut mae paneli solar yn cynhyrchu trydan a sut mae gosod y systemau hyn |
Storio mewn batris | Sut mae batris yn storio ynni solar ac yn rheoli'r galw |
Gwefru Cerbydau Trydan | Sut mae gwefrwyr yn gweithio, ystyriaethau wrth eu gosod a'r mathau o systemau |
Integreiddio Systemau | Sut y gall paneli solar, batris, a cherbydau trydan weithio gyda'i gilydd i arbed ynni a lleihau costau |
Enghreifftiau Ymarferol | Achosion o'r byd go iawn a'r canlyniadau arbed ynni |
Gofynion mynediad
Nid oes gofynion mynediad ffurfiol ar gyfer y cwrs hwn.
Mae’r cwrs yn addas ar gyfer:
- Unigolion sy'n newydd i faes ynni adnewyddadwy a thechnolegau carbon isel
- Adeiladwyr, crefftwyr a thrydanwyr sy'n ymchwilio i farchnadoedd newydd
- Perchnogion tai neu berchnogion busnesau sy'n ystyried technoleg solar, batris storio neu gerbydau trydan
- Myfyrwyr neu unigolion sy'n newid gyrfa sydd â diddordeb yn y sector ynni gwyrdd
Dylai'r dysgwyr feddu ar:
- Ddiddordeb cyffredinol mewn datrysiadau ynni cynaliadwy.
- Parodrwydd i gymryd rhan mewn trafodaethau a dysgu gweledol.
Cyflwyniad
Mae'r cwrs yn cael ei gyflwyno dros un diwrnod (tua 6-7 awr) ac mae'n cynnwys:
- Cyflwyniadau gan diwtor gydag arddangosiadau gweledol
- Trafodaethau grŵp a sesiynau holi ac ateb
- Astudiaethau achos o systemau'r byd go iawn
- Trosolwg o'r cydrannau, ymarferoldeb ac egwyddorion dylunio'r systemau
Asesiad
Cwrs cyflwyniadol nad yw'n cael ei asesu yw hwn.
Mae'r asesu'n anffurfiol ac yn seiliedig ar gyfranogiad ac ymgysylltiad.
Bydd dysgwyr yn derbyn Tystysgrif Presenoldeb ar ôl cwblhau'r cwrs.
Dilyniant
Mae'r cwrs hwn yn fan cychwyn ardderchog i'r rhai sy'n bwriadu dilyn:
- Hyfforddiant i osodwyr neu ddylunwyr gosod paneli solar neu fatris storio
- Cyrsiau pellach mewn Gwefru Cerbydau Trydan, systemau trydanol, neu ynni adnewyddadwy
- Cymwysterau sy'n cyd-fynd â'r Microgeneration Certification Scheme (MCS), NICEIC neu gynlluniau ôl-osod domestig.
